روايه الغامضه والمغرور
بقلمى / مروه ايمن
الفصل الخامس عشر
انتهينا الفصل السابق من اكتساح حمزه لمروه وموافقتها اخير على الزواج ولكن تأتى الرياح بما لا تشتهى السفن من تهديد احمد لمروه وهل سيستمر خوفها ام ............(😉😉)
______________________________________
حل المساء حتى جاء وقت النوم ولكن القلوب العاشقه لم تعرف للنوم طريق يوما (وعلى رائ نجات عيون القلب سهرانه مبتنمشى 😍😍😍)
وهنا مروه اصبحت فى يوم وليله عاشقه منتظره عقد قرانها بفارسها ولكن للقلق مكان فى حياتها وهذا ما يؤرقها لذلك ذهبت تستجمع افكارها فى هواء الصعيد العليل فى ظلام الليل تحت ضوء القمر وقت العشاق تضع سمعاتها فى اذنيها وتطرب اذنيها(بنجات التى تعشقها عيون القلب)
🎵🎵🎤🎤عيون القلب سهرانه مابتنامشي
لا انا صاحيه ولا نايمه مابقدرشي
يبات الليل يبات سهران علي رمشي
وانا رمشي ماداق النوم
وهو عيونه تشبع نوم
روح يا نوم من عين حبيبي روح يا نوم
حبيبي آه من حبيبي عليه احلي ابتسامه
لما بتضحك عيونه بقول يلا السلامه
لما يسلم عليا ولا يقولي كلام
عايزه ورا كل كلمه اقوله يا سلام
ده قالي في يوم يا حبيبتي خدي القمر
وروحت معاه ومااداني الا السهر
وانا رمشي ماداق النوم
وهو عيونه تشبع نوم
روح يا نوم من عين حبيبي روح يا نوم🎤🎵🎤🎵🎤
واثناء سماعها لكلامات الاغنيه لم تحس بالذى رأها وغرق فى تفصيلها جميله شارده حبيبته زوجته المستقبليه رغم انفها عنيدته حياته القادمه اقترب منها حمزه واحتضنها من الخلف
مروه بفزع::: حرام عليك يا حمزه والله حتفضل لحد امتى تخضنى كده
حمزه::: اعمل ايه طايب بحب اشوفك وانتى متوتره كده
خجلت مروه منه ::: طب اوعى كده
حمزه::: بتسمعى ايه الله دى نجات مش دى الاغنيه بتاعتنا
مروه ::: بتاعتنا ازاى
حمزه::: يعنى تنطبق علينا ولا انتى عندك رائ تانى
مروه بتفكير وهى تضع يديها على راسها مثل الاطفال::: امممم بص هى تنطبق دلوقتى بمإننا ما نمناش لكن فى اغنيه تانيه احلى ايه رايك فى سيرة الحب
حمزه::: ده انتى كنتى مركزه بقا
مروه بخجل ::: مش اوى يعنى وبعدين انت كنت مركز مع الاغنيه وكمان بتغنى معاها وطلع صوتك حلو فا علقت معايا
حمزه بإبتسامه::: وكمان عجبك صوتى الله دا احنا كنا مركزين جامد اوى
مروه وقد وصلت لقمه خجلها ::: انت صاحى ليه
حمزه::: لغوشى على الكلام ماشى صاحى علشان فى ناس كده مطيره النوم من عينى من ساعه ما وصلت مصر وعلى رائ الست 🎤🎤🎤🎤🎵🎵🎵طول عمرى بخاف من الحب وسره الحب يا قلبى 🎤🎤 يلا غنتلك اهو تعرفى ان الاغنيه دى فعلا ليقا عليا
مروه بغرور مصطنع ::: مش قولتلك انا مقولش حاجه وتطلع غلط
حمزه::: يا عم المغرور براحه عليا شويه بس فعلا انا كنت خايف احب يمكن كمان علشان ملقتش الى تحرك حاجه جويا وتخلينى اتنازل عن الخوف ده لحد ماقبلتك
مروه::: للدرجه دى مكنتش عايز تحب
حمزه::: الحكايه مش مكنتش عايز الحكايه ان العوامل الى حواليا ماكنتش مساعده خالص
مروه::: علشان كده كنت بتقول انك حتتجوز بعقلك مش بقلبك صح
حمزه::: ماانكرش ان ده كان تفكيرى لحد ما انتى غيرتيه وعرفتينى احلى احساس متوقعتش ان احسه
مروه بخجل ::: يا سلام امتى واحنا على طول بنتخانق
حمزه:: امتى معرفش بس من اول يوم شوفتك فيه وانتى شاغله بالى ازاى سنك صغير ٢٥ سنه مش كبيره وحتاخدى دكتوراه ومجستير وفى منصب مهم فى الشركه اكيد وراكى سر
مروه:::: ياه للدرجه دى
حمزه::: واكتر كمان طفله فى شكل انسه كبيره متسامحه مع نفسك بغباء وطموحه بالرغم الثقه الى ضاعت منك
مروه بعيون باكيه::: ماكنش ينفع اوقف حياتى علشان حد طموحى مذاكرتى وشقى سنين بس ما كسرنيش الا ان الخيانه جات من اقرب الناس ليا بقيت بخاف اى حد يسبنى
حمزه قام بإحتضانها بقوه والغريب له انها لم تقاومه ولم تخجل منه بل بادلاته احضانه وتمسكت به كالطفل الذى يتمسك بوالدته
حمزه::: انا مستحيل اسيبك يا مروه لازم تكونى متأكده من ده كويس
مروه::: للدرجه دى بتحبنى يا حمزه
حمزه::: لا حب ايه بقا ده انا عديت المرحله دى من زمان وبقيت بعشقك ومش حأقدر اعيش من غيرك
مروه::: بس انا
حمزه::: انتى اجمل بنت شوفتها فى حياتى قلبا وقالبا
مروه::: طب سؤال وعارفه انو غبى بس حسألو لازم
حمزه بإبتسامه ::: اتفضلى يا مغلبانى
مروه::: عايز تتجوزنى ليه
حمزه::: انا قولت بحبك كتير فا مش حقولها تانى بس حقول كلام مختلف ومش حاأعيدو تانى...... علشان محتاجك فى حياتى محتاج برائتك وطفولتك محتاج ذكائك محتاج مشكستك محتاجك تكملينى عايز عيالى ياخدو كل حاجه فيكى شكل وطبع عايز بنات كتييير اوى كلهم نسخ منك عايزك بنتى و امى و صحبتى و حببتى وعشقتى ومراتى وانتى كل ده وانا مستحيل اسيبك
مروه وقد ترقت دموع الفرحه وقام هو بمسح هذه الدموع لها
حمزه::: مش عايز اشوف دموعك ابدا فاهمه وانا عمرى ما أبقا سببها صدقينى قوليلى بقا ايه مواصفات فتى احلامك الى كلها فيا طبعا
مروه بإبتسامه بين دموعها::: يكون فهمنى اكتر منى ويستحمل طوله لسانى واهم حاجه يرجعنى الشخصيه المرحه بتاعه قبل سنتين وانت عملت كل ده
حمزه:::: طيب مش عايزه تقولى حاجه
مروه::: اممممم لا حتكلم بس يوم الفرح
حمزه::: طب وحياه ابوكى لمتجوزك معاهم ومش كتب كتاب بس
مروه::: حمزه بلاش تسرع
حمزه::: انتى خليتى فيها حمزه بس يا بت انتى سوف تصبحين حرمنا المصون يا مروتى
ذهب كلا منها الى غرفته وقد تأكدت مروه من حب حمزه لها لكن لم يختفى خوفها ولكن قل
______________________________________
صباح يوم جديد بنكها صعيديه خالصه جلست الفتيات على المائده التى يرأسها صلاح الدين و زوجته نعمات منتظرين الشباب وتفجأء البنات من حال الشباب ملابس صعيديه خالصه من الجلباب حتى العمه
حمزه::: صباح الخير يا جدى
صلاح::: صباح الخير يا ولدى تأخرتو كتير الصبايا حبين يخلصو وكل ويتفرجو على البلد
باسل وهو يرمق اميره بنظارات عشق ::: من عنينا
عبد الرحيم ::: وانتى ياورد حداكى شغل فى المدرسه ولا ايه يا بتى
ورد::: لا يا بوى فى فصول تجويه
مروه::: انتى بتدى فصول تقويه يا ورد
ورد::: ايوه فى كل المواد للعيال الغلابه
مروه ::: طيب ينفع اساعدك النهارده
نظر الجميع لمروه نظارات فخر وتقدير
ورد::: طبعا
حمزه::: خلاص باسل ومازن حيفرجو مراتتهم على البلد وانا حاخد مروه وورد ونشتغل فى فصول التقويه
فارس ::: مالوش داعى يا ابن عمى انا حاوديهم
حمزه وهو يرمق فارس بغضب::: متشكر يا فارس بس مراتى مش حتتحرك من هنا غيرى ورجليها على رجلى
قال جملته وهو يضغط على حروف (مراتى) جيدا بينما مروه تشتعل خجلا من غيرته الواضحه
خرج كلا من الشباب الى وجهته بينما حمزه اطبق على ويد مروه واخبر ورد انهم سيذهبو من غير السياره ومش حمزه وهو يمسك يد مروه
مروه::: على فكره لسه مبقتش مراتك
حمزه:: طب اسكتى بدل والله ما اعمل حاجه تخلى الجوازه بدل ما ودى وبرضاكى حتبجى تصليح غلط يا بت هنداوى وحتبقى بوسه فى طريق زراعى فوسط الصعيد كلها انتى حره
مروه ::: خلاص انا مقولتش حاجه اصلا
حمزه::: ايوه جيبى وراى زى الشطره بدل ما انا مجنون وانتى حره
واثناء سيرهم وحديثهم سمعو اصوات طلقات ناريه اصابت مروه بفزع وصرخت بإسم حمزه وفقدت الوعى بين يديه
حمزه::: مروه فوقى يا حببتى مروه
حملها ورجع بها الى المنزل ولم يكن احد موجود فذهب الى غرفتها ووضعها على فراشها وقرب من انفها عطر
حمزه بقلق::: مروه حببتى فوقى متقلقنيش عليكى يا روحى فوقى
تململت مروه وبدات تفيق تدريجا وعند افاقتها قامت واحتضنت حمزه بقوه وفى جسدها رعشه قويه
مروه بيكاء::: حمزه انت كويس كان فى رصاص ونار و
حمزه::: اهدى يا حببتى مفيش حاجه دول كانو بيصطادو يا روحى مفيش حاجه
مروه::: يعنى انت كويس
حمزه::: زى الفل وعشره قدامك اهو وبعدين هو الصيد حلوه كده ياريت يصطادو على طول علشان تخافى عليا كده
خجلت مروه من موضعها فى احضانه ولكن قلقها كان اكبر من هذا الخجل وكزته فى كتفه
مروه::: مش بتعدى فرصه غير وتخجلنى
حمزه وقرص وجنتيها:::: احبك وانت خجول يا قلبى طب بقولك ايه
مروه بإهتمام::: ايه
حمزه::: بمإنك خايفه عليا ورصاص بقا وشغل وخوف عليا واحنا لوحدنا و فى اوضتك
مروه::: ايوه عايز ايه برضو مش فاهمه
حمزه وقد اقترب منها ::: ما تجيبى بوسه
مروه بشهقه::: ده بعينك لما تتجوز انشاء الله ويالا بقا هوينا انا تعبانه وعايزه ارتاح وابقى اتأسف لبنت عمك
حمزه::: بقا كده يا مروتى ماشى انا حكلم بابا ينزل بكره هاه ادينى قولت اهو اسيبك ترتاحى بقا
______________________________________
فى عاصمه الموضه مدينه العشاق باريس الجاذبه للعشاق مدينه تغمرها الاحلام والرومانسيه
فى احد الفنادق الشهيره
تجلس فى الشرفه التى تطل على اجمل واشهر معالم باريس برج ايفل ترتشف قهوتها اللذيذه مسترجعه ذكريات الايام الماضيه منذ زواجهم حتى وصلو الى باريس اغدق عليها بحنانه وحب الذى حرمو منه لمده عشرون عاما وذلك بسبب الكبرياء والعناد اخذت تتأمله وهو يتحدث مع احد ابنائهم
محمد::: صباح بريحه الورد والاخبار الحلوه
ناريمان بإبتسامه:: صباح النور يا حبيبيى ايه فى جديد فى مصر
محمد بخبث و غمزه::: والله فى جديد بس بعد حبيبى فى موضوع مهم اقولك عليه جوه الاول بعدين اقولك على الاخبار الحلوه
ناريمان بإبتسامه خجل::: بطل بقا دلع وقولى فيه ايه
محمد::: هو فى احلى من الدلع يا نيرو
ناريمان::: هما الولاد عند جدهم فى الصعيد
محمد::: ايوه طبعا بركاتك ياحج صلاح
ناريمان::: شكلك مبسوط على الاخر
محمد::: طبعا لما ولادى الاثنين حيتجوزو اتبسط ولا لا
ناريمان بفرحه عارمه::: بجد حمزه حيتجوز
محمد ::: ايوه مروه واخيرا وافقت
ناريمان::: ازاى انا لازم اعرف
محمد::: هو انتى ابنك اى حد يا نيرو ولا ايه راجل من ضهر راجل طبعا
ناريمان::: طيب حننزل امتى
محمد::: مستعجله اوى خلينا شويه
ناريمان::: خلى فرحتنا تكمل باولاد يا محمد
محمد::: خلاص يا ستى ننزل بكره نطلب مروه من يحيى ونشترو الفساتين ونشوف البنات محتاجه ايه وبعدين نروح لحاج صلاح صدر فرمان ان افراح ولد صلاح الدين وولد الهوارى حتبجى فى الصعيد
ناريمان::: والله فكره حلوه ربنا يسعدهم
محمد ::: طيب تعالى بقا اقولك على موضوع مهم اوى جوه
ناريمان بخجل::: ياراجل بطل عيالك حيتجوزو وحتبقى جد وانت مش مبطل شقاوه
محمد:: بقولك ايه احنا شباب وحنفضل على طول شباب
حملها الى غرفتهم ليحلقاه معا فى عالم لهم فقط ملئ بالحب والرفق والحنان عالم ناريمان ومحمد فقط
______________________________________
فى الصعيد
حل المساء وتجمعت الفتيات
مروه:::: معلش يا ورد انا اسفه ملحقتش اجيلك عند فصول التقويه الى حصل لغبطنى انا اسفه
ورد::على ايه اسفك ده انتى نشفتى دمنا كلاتنا لما ابن عمى حكى الى حوصل وجال انك كتى تعبانه جوى
اميره::: يا حببتى فزعتى من الرصاصه يا ميرو
مروه::: اول مسمعت الصوت قلبى انقبض ومحستش بنفسى غير بعد مصرخت لحمزه واغمى عليا
ايه :::: اه يانى على الحب وسنينه كنتى مخبيه الحب ده فين يا اروبه يا بختك يا حمزه ولا تشوفى منظره وهو قلقان عليكى حتى بعد ما اتطمن عليكى ربنا يسعدكو
مروه:: ويخليلك مازن ده بيحبك خالص والله
ايه بنبره حالمه ::: ميزو هو فى زى ميزو ولا دلع ميزو ولا حب ميزو
اميره::: يا سيدى على الكلام الحالمى
ورد::: باه عليكى يا اميره ما باسل واد عمى عايحبك عاد
اميره بخجل فطرى::: باسل ده احلى حاجه حصلتلى اصلا انا بحمد ربنا كل صلاه انو من نصيبى
ورد بإبتسامه::: وانتى يا مروه مش عاوزه تجولى حاجه فى حج حمزه
مروه بحب واغماض لاعينها::: على الرغم انى مقولتلوش بحبك بس كل نبضه فى قلبى بإسمه كل تعبير وضحكه منى بتقول بحبك يا حمزه
واثناء حديثها هذا مع اغماض لاعينها لم تحس بالذى دخل على سؤال ورده فخجلت الفتيات وخرجو وتركوها معه وسمعت صوت رجولى قادم
حمزه::: يعنى الكلام الحلو مش ليا والدبش وطوله السان ليا بس
مروه وقد ادركت وجود حمزه::: حمزه انت هنا من امتى
حمزه وهو مقلد لصوتها::: من اول كل نبضه فى قلبى بإسمه كل تعبير وضحكه منى بتقول بحبك يا حمزه
خجلت مروه كثيرا واخفضت رائسها الى اسفل فاقترب حمزه منها وجلس امامها ورفع راسها لتصطدم عيناه بمقلتى الشيكولاته
حمزه::: نفسى اسمعها منك
مروه بخجل::: ما ...ان... انت سمعتها
حمزه::: لا طمعان فيها وعينك فى عينى
مروه ::: اما نتجوز
حمزه:::: حتفضلى تزلينى لحد امتى عمتا بابا وماما نازلين بكره حنقابلهم فى المطار ماشى
مروه::: كلمتهم عاملين ايه وحشونى اوى
حمزه::: هانت حيجو بكره ويبقى بدل خلتك وبس حتبقى خالتك وحماتك
مروه::: احلى ماما فى الدنيا
حمزه::: كنت عايز اكلمك فى موضوع كده
مروه بترقب ::: خير ياحمزه
حمزه:: يعنى على بعد ما نتجوز حاتحبى نقعد فين يعنى لو عايزه مع بابا وماما او لو عايزه بيت لوحدك
مروه::: انا مش بيفرق معايا الكلام ده خالتو الى مربيانى وانا بحبها وبعدين اى مكان انت موجود معايا فيه حيبقى جنه
حمزه بفرحه:::: بجد يا مروه يعنى ممكن نقعد مع ماما
مروه::: لو كنت قولت نقعد فى بيت تانى كنت حطلب منك ان احنا نقعد معاهم طبعا مستحيل اخليك تبعد عنهم ابدا
احتضنها حمزه بقوه :::: انتى احلى حاجه فى حياتى ربنا يخليكى ليا انا بحبك اوى يا مروه
مروه بإبتسامه::: وانا كمان يا حموزتى
حمزه بصدمه من رد مروه:::: انتى قولتى ايه
مروه بخجل :::: وانا كمان
حمزه:::: لا سيبك من دى الى بعديها
مروه بدلع ودلال انثوى خالص::: يا حموزتى
حمزه:::: شاكلك عايزه تجبيلى جالطه
مروه :::::بعد الشر عليك متقولش كده ابدا الا ازعل منك انا مستحيل استحمل لو حاجه حصلتلك يا حمزه
حمزه بحنان:: وانا مقدرش على زعلك يا حب حياتى حسيبك ترتاحى علشان عملك مفجأه بكره محصلتش
مروه::بجد مفجأه ايه
حمزه::: وهى حتبقى مفاجأه لو قولتلك عليها تصبحى على خير يا مروتى
قبلها من وجنتيها وخرج تركها خائفه ولكن حالمه عاشقه
______________________________________
اتى الصباح ملئ بالمفاجأت توجه الشباب الى المطار من اجل الرجوع الى القاهر وانتظار طائره ابويهم ...
هبطت طائره اجنيبه الى الاجواء المصريه
تقابلت الاسره بالاحضان وقبل الاشتياق ومباركات
ناريمان:::: تعالو يا مراتات ولادى
ابتسمت الفتيات الثلاثه واحتضناه ناريمان
بينما محمد::: رجالتى الى حيشرفونى
احتضن محمد هو الاخر ابنائه
مازن::: ايه يا بيج بوص شرفتنا ولا ايه
محمد::::: عيب عليك يا واد
باسل::: على فكره الى انت بتتكلم عليهم دول ابويا وامى احترمنى شويا
مازن:::: خلاص ياعم عقبال ما تشرفنا انت
محمد بإبتسامه ومرح ::: يالا نروح البنات ونروح نرتاح وانتى يا مروه بلغى الاستاذ يحيى هنداوى وحرمه ان الباشمهندس حمزه محمد صلاح جاى بليل لخطبت كريمتهم المصون
خجلت مروه واحتضنتها ناريمان وذهبو الى وجهتهم
______________________________________
حل المساء وتجمع الجميع بمنزل يحيى هنداى
امانى::: شوفتى ضحكت على الولا ولهفته وطلعتى انتى من المولد بالا حمص
ميرنا::: متخفيش يا ماما انا واحمد مرتبين كل حاجه الجوازه دى لا يمكن تتم
هذه يا ساده النفوس الخبيثه من اقرب الاقربين لك ثعابين على وجههم إبتسامه بريئه
بينما حمزه كانت سعادته لاتوصف واخيرا سوف يتقدم لخطبه حبيبته (ام لسان طويل😉😉 برعى 😂😂)
اما مروه فقد كانت فى قمه توترها ماذا ترتدى وماذا تفعل
اميره::: يا مروه اهدى مش عارفه اظبط الميك اب
توترك وترنى
ايه ::: فستانك تحفه
فقد كان الفستان هو ذو اللون النبيتى فهى عاشقه له وله حزام ذهبى ذو اكتاف ساقطه (اوف شولدر)
خرجت الفتيات بصحبه العروس بينما حمزه فقد شرد فى تفصيلها
محمد بإبتسامه::: بمإن العروسه وصلت انا يشرفنى يا يحيى ان اطلب ايد الدكتوره لحمزه ابنى
يحيى بإبتسامه:::: وانا يشرفنى ان حمزه يكون جوز بنتى الوحيده بس نعرف رايها
حمزه::: تسمحولى اعرفكو ردها
اقترب حمزه من مروه واخرج علبه حمراء قطيفه من جيبه وجسى على ركبته ونظر لها بكل حب وفتح العلبه التى تحتوى على خاتم ماسى انيق
حمزه برومنسيه::: مروه يحيى هنداوى تقبلى تكونى نصفى الثانى تقبلى تتجوزينى
مروه بعيون دامعه من الفرحه اومأت راسها بالموافقه قام حمزه والبسها خاتمها قبل يديها ثم جبهتها وقام بإحتضانها وهمس لها :::: مبروك يا مروتى
مازن بمرح::: كفايه كده ابوها قاعد حينفخك
ناريمان بمرح ::: مالكش دعوه ابوها راضى
محمد::: نقرا الفاتحه بقا
قام الجميع بقراه سوره الفاتحه وعند نهايتها هنأ الجميع العروسين ما بين سعيد ودموع الفرحه وبين ابتسامات حبث وغل وحقد
انتهى اليوم وعند انصراف الحاضرين بينما بقى حمزه مع مروه فاقترب حمزه من مروه
حمزه ::::: عجبتك المفجأه
مروه بخجل:::: احلى مفجأه
حمزه::: مينفعش اتجوزك من غير خطوبه انشاء الله مدتها يوم
مروه بإبتسامه عاشقه ::: ربنا يخليك ليا
حمزه بغمزه::::: طب ايه ؟؟؟
مروه بعدم فهم :::: ايه ؟؟!!
حمزه:::؛ ربنا يخليك كده حاف مفيش حاجه تانيه
مروه:::: حاجه تانيه ازاى يعنى شكرا تنفع
حمزه :::: بس
مروه بنفاذ صبر ::: اخلص يا حمزه عايز ايه
حمزه:::: ياباى عليكى فصيله بقولك حاجه بوسه مثلا
مروه بخجل::::: انت قليل الادب
حمزه:::: انا عايز بوسه بريئه
مروه:::: ليه هو فى بوسه بريئه وبوسه مش بريئه كله قله ادب
حمز::: لا يا حببتى فى زى كده
قام حمزه باحتضل كفيها بين يده ثم قبلهم قبله دافئه
حمزه:::: اهو بوسه بريئه دى ولا مش بريئه
ابتسمت مروه بخجل واطرقت رأسها الى اسفل ثم قام برفع رأسها ومال على شفتيها بقبله رقيقه كرفرفه الفراشات اودعها بها عشقه وحبه لها
وعندما ابتعد عنها مال الى اذنها وقال بهمس
حمزه:::: دى بقا مش بريئه عرفتى بقا الفرق
قامت هى بضربه على كتفيه بخجل
مروه:::: انت قليل الادب
حمزه::: ماشى يا مروه كلها يومين وتبقى مراتى ومسيرك يا ملوخيه تيجى تحت المخرطه سلام وبكره نتقابل واحنا بنشترى الحاجه
مروه بضحك:::: هههههههههه انا عايزه اعرف فى بشمهندس محترم يقول الكلام ده
حمزه بحب:::::: اعمل ايه بقى ما انتى اصلك غيرتينى وبحبك
ابتسمت مروه بخجل::: طب ممكن اطلب طلب
حمزه::: اامرى
مروه::: متجيش معانا بكره عايزاك متشوفش الفستان الا يوم الفرح بيقولو فال مش حلو
حمزه:::: اممممم يعنى مش حشوفك بكره
مروه::: حكلمك
حمزه:::: طايب علشان خاطرك بس
وخرج حمزه وفى قلبه سعاده لا توصف
انتهى اليوم بساعده كلا من حمزه ومروه بخطبتهم
______________________________________
يوم جديد استعدت الفتيات للخروج من اجل شراء مستلزماتهن وطبعا والدتهم معهن اختارت كل منهم فستانها واثناء ذلك رن هاتف مروه فى بادئ الامر كانت تظن انه حمزه ولكن المفاجأه كانت من نصيبها
يتبع
نهايه الفصل
