الغامضه والمغرور

😍الفصل السابع عشر😍

قبل الفصلين عايزه بس اقول كلام جه فى بالى بس مش اكتر يمكن ملهاش علاقه بالفصلين اصلا ...........،،،، انا عارفه ان فى ناس زعلانه كتيييير اوى بسبب قافله فصل امبارح وهل حمزه جراله حاجه طب متبعديش مروه عن حمزه ارائكو جميله جدا وميرسى ليكو انكو بتشاركونى افكاركو 😍😍😍😍
بالنسبه للناس الى بتهرب من الواقع بالروايات الى انا واحده منهم مش حانكر بس بهرب بعقلنيه شويه خيالنا ما هو إلا تغير للحجات الوحشه فى الواقع بحجات احسن ؛؛من حقنا نرسم خيالنا بس صدقونى الحياه حا تبقى ممله جدا كده ......
لازم المعارك الداخليه ما بين الواقع والخيال بس الفرق الواقع العوامل الى بتأثر عليه مش احنا اولهم قدره ربنا سبحان وتعالى وبعدين القدر ثم الحظ ثم اختيارك الى بتكونى مش متأكده انو صح ولا غلط وفى الاخر بتلاقى جزائك
لكن خيالك انتى المتحكمه الرئيسيه فيه من اول ما رسمتيه لحد ما تنهيه
فى الاخر عايزه اقول
افكار ارسطو و الفلاسفه زمان عن نظريه الخير والحق والجمال والمدينه الفاضله مبقاش موجود وهو اصلا مش موجود دى يمكن كانت قوانين هما كانو نفسهم يعيشو فيها لكن على ارض الواقع كان فى حقد وكراهيا كانت اكبر شويه .....
وبصراحه كده انا من الناس الى بتحب تدى فرص تانيه يمكن نلاقى فعلا نظريه الحق والخير والجمال فى ظروف حياتنا الجديده
سورى 😇😇طولت عليكو اوى قبل الفصل بس فعلا حبيت اشاركو جزء من افكار ليا شكرا لكل الى قراء واهتم وحتى الى مقراش 😂😂😂
______________________________________
اسيبكو للفصل بس بردو محدش يدعى عليا ولا يزعل منى 😇😇😇😇 قراءه ممتعه

روايه الغامضه والمغرور
بقلمى /مروه ايمن

الفصل السابع عشر

هل هذه هى النهايه يا حبيبى ؟؟؟ ام ماذا هل ستتركنى ؟؟؟هل وقت الفراق قد حان؟؟؟؟ اهكذا تعاقبنى على عدم فراقى لك كيف اتركك وانت روحى كيف اتركك وانت هوائي الذى اتنفسه انت حياتى هل ستتركنى بعد ان عشقتك و هويتك احببتك وكأنى لم احب من قبل ستتركنى وانا عروسك بفستانى وطرحتى
لا لن تتركنى ابدا
______________________________________
فى المستشفى
كانت مروه فى غرفه فاقده الوعى تحتوى اوردتها على المحاليل
تململت مروه وبدأت تفيق وهى تنادى
مروه بتعب ::: حمزه حمزه
سعاد ببكاء ::: مروه يا حببتى فوقتى يا حبيتى عينى عليكى يا بتى
افاقت مروه ورات الاسلاك بأوردتها فقامت بخلعها كلها
مروه بهستريا وبكاء ::: حمزه يا ماما حمزه فين حبيبى فين يا ماما ردى عليا
سعاد::: يا بنتى انتى لسه تعبانه كملى محاليلك وروحيلو هو فى العمليات
مروه::: لازم اروحلو لازم
ذهبت مروه الى حيث غرفه العمليات حيث الجميع متجمع
ناريمان::: مروه ايه الى جابك انتى تعبانه
مروه بتعب ظاهر::: حمزه يا خالتو حمزه عامل ايه
ناريمان اخفضت راسها وبكت :::: ادعيلو يا مروه الدكتور بيقول حالتو حرجه
مروه وقد خارت قواها ووقعت واخذت تناجى ربها:::: يارب يارب متحرمنيش منو يارب انا مقدرش اعيش من غيرو خليهولى واشفيه يارب اللهم يا من تحيى العظام وهى رميم احى العافيه فى بدن كل مريض
وهنا خرج الطبيب من غرفه العمليات
محمد::: خير يا دكتور اخبار حمزه ايه
الطبيب::: احنا الحمد لله قدرنا نخرج الرصاصه من جسمه الرصاصه كانت فى مكان حرج اوى كانت قرييه من القلب اى حركه كمان كانت جات فى القلب ال24ساعه الى عدو على خير انشاء الله يكون بخير بعد ميجتاز مرحله الخطر
خرج الاطباء وحمزن محمولا على(الترلى) وتم نقله الى غرفه العنايه المركزه
محمد::: يالا يجماعه يالا روحو قعدتكو ملهاش لازمه انا حفضل معاه لحد ميفوق
مروه::: انا مش حمشى من هنا لحد مايفوق
باسل:::: يا مروه انتى لسه بالفستان طب روحى وغيرى وارجعى
مروه:::: مش حسيب المستشفى قبل ما يفوق
ذهبت مروه الى احد الممرضات
مروه::: هو انا مينفعش ادخل اشوفو
الممرضه:::: لا والله بصى هو مينفعش النهارده ولا ينفع خالص بس بكره انشاء الله حادخلك ليه بكره على الاقل تكون حالتو استقرت شويه
مروه ببكاء ::: شكرا رينا يخليكى
محمد::: باسل روح انت لمراتك مازن زمانو جى
باسل::::: لا انا مش حروح مش مشكله هو مازن كان فين
محمد::: كان بيشوف التحقيقات وصلت لفين دى شروع فى قتل
باسل ::: حمزه ملحقش يكون ليه اعداء يا بابا
محمد:::: انا مش عايز اكتر من ابنى يفوق دى اهم حاجه عندى
______________________________________
اشرقت الشمس انتظار اخبار جديده عن قاتل والاخر قابع فى غيبوبه ليست لها مده محمدده ..
لم تعرف عينيها طعم للنوم او للراحه بعد خروجه من غرفه العمليات وتطمأنت على شبه استقرار حالته جلست كاتمثال اطلقت العنان لدموع صامته وشهقات مكتومه حتى حل عليها الصباح عروس فى حاله مذريه..
خرج الطبيب من غرفته بعد الفحص
محمد:::: خير يا دكتور ايه الاخبار
الطبيب::: والله حالته مستقره مفيش اى ضعفات غير الغيبوبه موقته انشاء الله يقوم بالسلامه
اسرعت اليه مروه
مروه بعيون باكيه:::: ممكن ادخل اشوفو 5دقايق بس
تأملها الطبيب فى هذه الحاله المذريه التى اصبحت فيها لعل هذا المنظر يرق قلبه:::: هو صعب بس مسموحلك ب5دقايق بس اتفضلى مع الممرضه علشان التعقيم
انساقت واراء الممرضه للتعقيم ودخلت غرفته
وجه شاحب من التعب اسلاك مقيده بها على كل انش فى جسده صدره ملفوف بشاش ابيض ورائحه البنج التى سببت لها الدوار والصوت الخلفيه دقات قلبه المنتظمه
اللمرضه::: خمس دقايق بس وحتخرجى
اقتربت منه حتى لامست يده واصبح كفه العريض بين كفيها تتأمل وجه الشاحب
مروه ببكاء:::: حمزه قوم يا حبيبى وحشنى صوتك قاوم يا حمزه علشان خطرى متسبنيش انا منفعش من غيرك طيب بص قوم واوعدك انى مش حطول لسانى تانى قوم طيب قوم وحعملك اى حاجه تطلبها بس علشان خطرى قوم
تركت لدموعها العنان حتى اغرقت وجهها وشهقاتها وتوسلاتها له ليقاوم لم تغفلها عن الحركه الطفيفه بين يدها ليربت عليها او همسه الضعيفه بإسمها وشبه ابتسامه ظاهره
حمزه بضعف::: م..ر..و..ه ......م..ر..و..ه
مروه بفرحه::: حمزه انت فوقت انت كويس انا حاروح اشوف الدكتور
حمزه اطبق على يديها بضعف:::: لا ...ماتمشيش...شكلك شبه العفاريت بالكحل
مروه بضحك من بين دموعها::: اجيب الدكتور واطمن عليك ومش حمشى
جاء الطبيب واخذ يفحصه بعد ان استكمل عافيته نوعا ما
الطبيب :::: احنا تمام اوى حنقلك اوضه تانيه دلوقتى انشاء الله
نقل حمزه الى غرفه اخرى واخذ يفحصه الطبيب مره اخرى للاطمأنان والجميع من حوله
الطبيب::: كده الحمد لله بس برضو حضرتك حتشرفنا 3اسابيع وبعدين ممكن اكتبلك على خروج
حمزه بضيق:::: كتير اوى يا دكتوى انا عريس وملحقتش اكتب كتابى يا ناس حرام بجد بقى والله الى بتعملوه فيا ده
خرج الطبيب من غرفته بعد مزاحه
ناريمان::: حمد الله على السلامه يا حبيبى الحمد لله انك قومتلنا بالسلامه
حمزه::: الله يسلمك يا حببتى هى مروه فين
مروه ::: انا اهو كنت بطمن من الدكتوى بس
حمزه بمرح::: سلام قولا من رب الرحيم انتى مين يا جماعه حد يمشى العفريته دى بقا انا لوكنت اتجوزتك و شوفتك كده الصبح كان زمانى قطعت الخلف
انفجر الجميع من الضحك بما فيهم مروه
محمد::: طيب بمإننا اطمنا عليك حنروح الجماعه دى وارجعلك بعدين كده كده مسموح بمرافق واحد بس
حمزه::: خلى مروه تروح
مروه:::: لا طبعا انا هستنا معاك مازن وهو جى جابلى هدوم حغير وقعد معاك
ناريمان::: يا بنتى روحى ارتاحى انتى مارتحتيش من امبارح
مروه::: معلش يا خالتو ممكن
حمزه::: مينفعش تبقى معايا حيبقى بصفتك ايه
جاء مازن مازحا::: يا شيخ اتنيل هو انت فيك حيل اصلا خليها لحد بليل وحنروحا
حمزه بضيف::: خاليكى يا مروه
______________________________________
خرج الجميع وترك حمزه ومروه
اقتربت منه وجلست بجوار الفراش ::: حمد الله على السلامه
حمزه::: الله يسلمك يا حبيتى انتى لسه بالفستان
مروه::: مجاتش فرصه اغيرو وبعدين مكنتش فى وعى اصلا
حمزه::: يا خساره زمانك كنتى تحفه بدل ستى العفريت الى قدامى ده
مروه:::: هو انت اخدت الرصاصه فى قلبك طولت لسانك
حمزه بمرح::: من عاشر الاوم يا حببتى بس الفستان روعه عليكى ايه ده ده فى ازرار من وارى الحمد لله كان زمانى تعبت اوى امبارح على بال مايتفك
قال جملته الاخيره بمكر وغمزه وقحه
مروه بإشتعال من الخجل :::: هى الرصاصه كانت قرييه من قلبك ولا من عقلك ايه الى حصلك
حمزه بوقاحه اكثر::: اه بس اعرف مين السبب والله مش عارف حعمل ايه كان زمانك نايمه فى حضنى منه لله
مروه وقد اكتسبتها دهشه من وقاحته::: لا انت لا تصدق حمزه انت تعبان نام احسنلك شكلك لسه مفقتش من البنج
حمزه::: لا ده انا فايق ده انا حتى بفكر اخلى بابا يجى وفى ايده المأذون
مروه بفزع:::: لا يحمزه اوعى تعملها
حمزه::: ليه ما احنا كده كده حنتجوز مش مشكله الفرح حعوضك عنه
مروه::: لا انت لسه تعبان لما تفوق كده وصحتك تتحسن نبقى نتكلم فى المضوع ده
حمزه::: ما انا كويس اهو
مروه::: كويس ايه انت لسه خارج من العنايه المركزه نام يا حمزه نام احسنلك
حمزه::: طب مش حتعوزى مسعده وانتى بتغيره
مروه بنفاذ صبرها::: لا اله إلا الله ارحمنى يا رب
دخلت مروه مسرعه الى الحمام واغلق على نفسها وانفجرت فى البكاء
مروه لنفسها::: سمحنى يا حمزه سمحنى مش حأقدر اكمل الجواز وانا اكبر خطر على حياتك
______________________________________
حل المساء الجميع وتجمع كل افراد العائله عند حمزه فى غرفته بالمشفى
مازن::: كده يا بوص تدربلنا الليله
حمزه::: تستاهل وبعدين ما انت كاتب كتابك يعنى حتروح مع مراتك لكن الدور والباقى عليا انا
باسل:::: اروح ايه بس شد حيلك وعلشان توصلنا المطار هما لبسو الفستان وعملو حنه كفايه اوى كده نعوض فى شهر العسل
حمزه وهو بنظر الى مروه ::: طب واحنا مش ناوين نروح معاهم
مروه::: لسه يا حمزه شويه لما هما يرجعو انشاء الله نبقى نكتب الكتاب
حمزه:::: انتى حد مسلطك عليا جبولى الدكتور يا جماعه انا كويس وعايز اتجوز اتصرفو بقى
______________________________________
وفى احد شركان العادلى جروب تحديدا مكتب احمد العادلى
احمد بغضب :::: انتى ايه الى عملتيه ده يا ميرنا ازاى جاتلك الجرئه تعملى كده
ميرنا بتوهان::: معرفش صدقنى معرفش
احمد::: متعرفيش ايه حمزه لو جرالو حاجه انتى حتروحى فى داهيا ده شروع فى قتل
ميرنا::: انا بس مكنتش عايزه اقتلو كنت بخوفهم علشان الفرح يبوظ
احمد::: انتى الغل والحقد وصل بيكى للقتل يا ميرنا
ميرنا بهستريا::: انا كنت مستحيل اسبلها فرصه تبقى احسن منى زى مبوظت جوازتها الاولى لازم التانيه لازم تفضل زى البيت الوقف ميستحيل تبقى مميزه عليا ابدا ابدا
احمد::: انتى مريضه وانا حمار انى مشيت وراكى انا كنت مستحيل اازى حد انا اخرى اهزر العب لكن قتل لا
ميرنا بهستريا وصراخ ::: مريضه مين قال مريضا انا عايزه اعرف انا فيا ايه زياده عنها علشان يفضلو يميزوها عنى قولى
احمد ::: ميرنا انتى مش كويسه خالص قومى حروحك
ميرنا:::: مش كويسه ليه شايفنى بشد فى شعرى مثلا ولا مجنونه انا غلطانه اصلا انى جتلك
خرجت مسرعه من مكتيه حتى وصلت الى سيارتها وانطلقت بها بسرعه فائقه وهى بين صراع الضمير والكره حتى حصل الاصطدام
حادث سير مروع اصفر على ان تكون بين الحياه والموت
ومتى اصبح الشر ينتصر
______________________________________
يوم جديد ووصلت اخبار الحادث الى الجميع
سعاد::: لا حول ولا قوه الا يالله ربنا يستر عليكى يا ميرنا انا مش عارفه انزلها ولا اخلينى مع حمزه
ناريمان::: لا ياسعاد انزلى متخليش اخوكى لوحده وحمزه الحمد لله كويس احنا ممكن نحولو على مستشفى القاهره اصلا
سعاد:: خلاص يا حبيتى انا حنزل
باسل :::: ماما خالو اتصل وبيقول ميرنا فى حاله حرجه وطالبه مروه ضرورى
ناريمان::: خلاص يا سعاد خدى مروه وانزلى على القاهره ومحمد حا ينقل حمزه مستشفى القاهره
______________________________________
عاد سعاد ومروه مسرعين الى المشفى حيث
ميرنا
مروه:: خالو هى ميرنا فين
رؤوف::: فى العنايه حالتها بيقولو صعبه نفسيا وعضويا
مروه ::: طب انا ينفع ادخلها
رؤوف::: الدكتور بيقول الحاله النفسيه عندها لو اتصلحت ممكن تقاوم
مروه ::: انا حدخلها
دخلت مروه حيث ميرنا نفس الغرفه ولكن يختلف قاتنها جسد فتاه هزليله شاحبه تقريبا كل جزء بجسدها تم كسرها
ميرنا بتعب :::: مروه مروه
مروه بيكاء من المنظر ::: ميرنا ايه الى عمل فيكى كده يا حببتى
ميرنا::: خايفه عليا
مروه::: طبعا انتى بنت خالى واختى
ميرنا::: حتى بعد الى عملتو فيكى
مروه::: يا ميرنا ده كان زمان
ميرنا بيكاء ::: لا يا مروه مش زمان انا .....انا اسفه يا مروه انا عرفه انى مستهلش انك تكونى فى حياتى ولا استاهل حياتى انا وحشه اوى يا مروه وحشه اوى
مروه::::ليه بتقولى كده
خرجت مروه مصدمه صدمه عمرها للمره الثانيه
سعاد::: مروه هى ميرنا كويسه
مروه::: دلوقتى كويسه بس الدكتور بيقول ان حالتها النفسيه محتاجه مستشفى نفسيه
يحيى :::: مالك يا حببتى وشك اصفر ليه كده
احتضنت مروه ابيها واخذت تبكى لا تعرف هل البكاء على حالها ام على حال ابنت خالها
______________________________________
فلاش باك
ميرنا بيكاء::: سمحينى يا مروه سمحينى
مروه::: على ايه يا ميرنا انا مش فاهمه حاجه
ميرنا::: انا الى كسرت فرحتك يوم فرحك انا الى كنت حااموت حمزه ايوه انا الى ضريتو بالنار
مروه بصدمه ::: انتى بتقولى ايه انتى ال
ميرنا بيكاء::: ايوه انا محستش بنفسى غير وانا بضريو بالنار كنت عايزاكى تحسى بالنار الى فى قلبى كان عندى كميه حقد وغل ليكى بس انا مش ندمانه ومش حندم هى السبب من يوم متولدت وهى السببب كرها ليكو ولخالتو ناريمان مقارنتها ليا بيكى مروه نجت وانتى سقطتى مروه بتجيب تقدير وانتى بتطلعى بمواد مروه اتخطبت وانتى لا كان لازم اوريها ان انا الاحلى انا الاحلى
دخل الطبيب على هستريا ميرنا واعطاها حقنه مهدئه
انتها الفلاش
______________________________________
شهر كامل مر انعزلت مروه بعيده عن الجميع حتى حمزه لم تراه من اخر مره ،،،تعافا حمزه نوعا ما يعد ان نقلوه الى مشفى التى تقطن بها ميرنا وخرج من المشفى ولكنه غاضب من مروه لماذا لم تراه او تزوره
لم يعلم احد بالحديث الذى صار بين مروه وميرنا سوى ايه واميره اما قضيه حمزه تأيدت ضد مجهول يعد تم ضبط السلاح فى البحيره و آثار الجانى تم محوها
ذهبت ميرنا الى مصحه نفسيه وعصبيه وكانت مروه تزورها دائما لعل ندمها يذهب
نعم يا ساده ان مروه نادمه لقد اصبحت قاضى وجلادها حكمت على نفسها انها سبب فى تعب ميرنا تفوقها وتميزها هو سبب حقد وكره ابنت خالها لها اهى سبب مشكله حمزه اكان من الممكن انه كاد ان يموت بسببها وسبب حبها له
______________________________________
قرر كلا من باسل واميره وايه ومازن بعد تستقرار الوضع وتحسن حاله حمزه ان يبدو مراسم زواجهم بعد طول انتظار لذلك قررو السفر بعيد عن المشاكل السابقه
اوصل مروه وحمزه الازواج الى المطار
مروه::: حتوحشونى يا بنات كل واحده تخلى بالها من جوزها انتو مسفرين بره مصر البنات الحلوه كتير ومعاكو واحد ملون والتانى حلاوه مصريه اصيله وانتو عارفين المصرين مطلوبين بره
نظرت الفتيان الى بعضهن وانفجرو فى الضحك:: ههههههههههههه حاضر يا ماما
ودعو اصدقائهم وعاد حمزه ومروه لتوصلها حيث مشفى مروه
حمزه::: هو انتى مش ملحظه انك بتروحى لميرنا اكتر منى من اخر مره شوفتك فيها لا بتسألى ولا حتى شوفتسنى
مروه ببرود::: معلش يا حمزه الى حصل تعب اعصابى شويه
حمزه بغضب::: تعب اعصابك تسبينى قلقان عليكى ومشفتكيش وتقولى اعصابى مروه احنا كان المفروض نسافر معاهم اعرف بقا ليه كل التأخير ده وماتقوليش صحتى انا كويس وانتى عارفه اطلعى بحجه تانيه
مروه ::: انا مش بتحجج يا حمزه
حمزه::: لا بتحججى لما تبقى مأخره الجواز يبقى بتحججى يا دكتوره
مروه بتوتر وسحابه الدموت فى عينيها::: حمزه بصراحه كده انا مش عايزه اتجوز
جمزه::: ليه يا مروه صبرتى كتير اوى حنفضل مخطويين لامتى يعنى
مروه::: لا انا قصدى مش عايزه اتجوز خالص
حمزه::: انتى بتهزرى صح لا بتهزرى مهو مش بعد كل ده تقوليلى كده مروه انتى بتحبينى زى ما بحبك ولا لا
سكتت ثم تنهدت واطلقت عنان دموعها
حمزه :::: ياه للدرجه دى كنتى حتتجوزينى شفقه صعبت عليكى يا حرام بيجرى ورايا كل يوم حبه بحبك وحبه بعشك انتى محبتنيش يا مروه
مرون بيكاء::: حمزه انا
حمزه::: خلاص يا بت خالتى انا اسف انى ضغط عليكى وكنت بطريقه دى انى اصعب عليكى
انطلق بسياره حتى وجهتهم
حمزه::: وصلنا يا بت خالتى اتفضلى
مروة ::: حمزه
حمزه::: يا ريت بلاش كلام احنا فى الاول وفى الاخر اهل متخليناش نخسر بعد بطريقه هزليه أو اوفر
خرجت مروه من سيارته وقد علمت انها خسرته خسرت حبها الى الابد
مروه::: سمحنى يا حمزه سمحنى انى كسرت قلبك بس صدقنى والله بحبك ومش حاحب بعدك بس مينفعش انا منفعش حد يحبنى يا حمزه

في آخر لقاء تمنيت لو أنني عانقتك بشدة، عنـاق يكفيني لكل هذه الأشهر او السنين التي تخلو منك."
يتبع
نهايه الفصل