و ياسمين في طريقها للبيت.. رن موبايلها
بصت علي الشاشة ابتسمت اول ما شافت اسم ادم
ياسمين:الو
ادم بمرح: الناس اللي مش بتسأل
ياسمين:الشغل والله واخد كل واقتي
ادم:انتي بتعيريني يعني عشان قاعد في البيت؟
ضحكت ياسمين علي ادم حتي و هو في مصيبة بيهزر
ياسمين:لا مقدرش.. عامل اي
ادم:كويس الحمدلله .. بقولك انا و هايدي كنا هنخرج و فكرنا لو جيتي انتي و الواد اسر بس لسه هكلمو
ياسمين:اسر؟ ده انا لسه شيفاه من شوية
ادم:بجد؟ فين
ياسمين:كنت قاعدة في كافية بشرب حاجة و هو كان هناك.. بس شكلو مكنش كويس تحسو زعلان و مضايق
ادم اتنهد بضيق:هو فعلاً بقالو فترة مش كويس
ياسمين:لاحظت.. و قالي ساب كارمن مصدقتوش بجد كانو ليقين علي بعض
ادم:متفهميش حصلو اي فجأة
ياسمين؛ اكيد رضوي السبب
ادم بـ صدمة:رضوي؟ هو حكالك عنها
ياسمين:اه قالي انها سفرت و سبتو و فضل يوصفلي فيها كتير و بعد كدة اقترحت عليه انو يروحلها فرح اوي و قام قالي هيسافر ليها
ادم بزعيق:اي؟ هيسافر فين
ياسمين اتخضت:في اي؟ اهدا هيسافر لـ رضوي.. معرفش هي فين بس هو اكيد عارف
ادم:رضوي ماتت من زمان
ياسمين اتصدمت و اتجمدت مكانها.. معرفتش تتحرك.. هيسافر؟ هروحلها؟... هينتحر؟
ياسمين:م.. مما-مات-ماتت؟
قالتها بتوتر و صدمة مش قادرة تستوعب ازاي جابت فكرة الانتحار لـ اسر و شجعتو عليها
ادم:قولي بسرعة كنتو فين
ياسمين ادت ادم عنوان الكافية و ادم اتصل بسرعة علي اسر علي امل انو يلحقو
و ياسمين طلعت علي بيت ادم اللي كانت قريبة منو نوعاً ما
بعد عشر دقائق ياسمين وصلت رنت الجرس و لقت هايدي فتحت و علي عنيها اثار العياط
ياسمين:حصل حاجة؟ عرفتو جديد
هايدي خلت ياسمين تدخل و اتكلمت
"ادم كلمو و عرف انو عند النيل.. خمنا انو هينط من هناك و راحلو بسرعة معرفش حصل اي تاني"
ياسمين كانت علي وشك انها تعيط.. ماسكة اعصابها بالعافية
ياسمين:انا السبب.. انا اللي قلت ليه يسافر ليها والله مكنتش اعرف انها ميته..
أنت تقرأ
The Doctor
Poetry"انا... انا اسمي حسين... " قالها بتوتر مع ابتسامة خفيفة لتظهر غمازات وجه التي تبين جمال ابتسامتة مع عيونة العسلية نظر للارض ثم اعاد نظره اليها بتوتر زائد و اكمل.. "ممكن اخود واحدة؟ " نظرت له ب ابتسامة "اكيد تقدر تاخد زي ما انت عايز " اخد قطعة من...
