صباح جديد يوم جديد في المستشفي
نزلت ياسمين من البيت بدري عدت علي المحل المفضل ليها و جابت فطار..
بس بدل واحد جابت اتنين
ايوة جابت فطار زيادة معاها طلعت علي الشغل
دخلت مكتبها و قعدت قبل ما تدخل قالت ل محمد يجيب حسين المكتب لو صحي
استنت خمس دقائق و الباب خبط دخل محمد و معاه حسين اللي كان باين عليه انو لسه صاحي
ياسمين:شكرا يا محمد تقدر تروح تشوف شغلك
خرج و سابهم لوحدهم راح حسين كالعادة قعد و نزل راسو للارض
ياسمين:انت لي ديما بتقعد زي النعامة؟
رفع راسو و بصلها ب استغراب
ياسمين:ايوة النعامة.. ديما باصص للارض دي طبيعتك ولا اي ؟
اكتفي انو يبص عليها و يرجع يبص للارض
اتنهدت ياسمين.. قامت و قعدت في الكرسي اللي قصادو و حطت شنطة الاكل علي الطربيزة
بصلها ب استغراب
ياسمين:فطار.. قلت لازم تفطر معايا
مردش عليها
ياسمين:انت فطرت و سبقتني ولا اي؟
....
ياسمين:مش هجبرك انك تتكلم بس لازم تعرف انك لازم تاكل
تعب حسين من كتر زنها عليه
دفن راسو ما بين كف اديه و حاول يخرج تفكيرو من كلامها
ياسمين بصت للملف بتاعو..
ياسمين:لو عايز ترجع العنبر قولي
بصلها و بان من عنيه انو عايز كدة
ياسمين:ماشي روح هتلاقي محمد برا هيوديك
وقف و قرر يخرج و يبعد عن زنها المتكرر ده
ياسمين بصت علي الملف بصه اخيره
ياسمين:كان نفسي اوريك فريدة
وقف مكانو.. و بصلها تاني
ياسمين:اي هتفطر؟
حسين:ف-فف فريدة
ياسمين:اخيرا اتكلمت
حسين:ف فر فف ف
ياسمين:مالك يا حسين اهدي
بدأ يعيط .. يعيط دي كلمة قليلة انهار في العياط و وقع علي الارض
أنت تقرأ
The Doctor
Poésie"انا... انا اسمي حسين... " قالها بتوتر مع ابتسامة خفيفة لتظهر غمازات وجه التي تبين جمال ابتسامتة مع عيونة العسلية نظر للارض ثم اعاد نظره اليها بتوتر زائد و اكمل.. "ممكن اخود واحدة؟ " نظرت له ب ابتسامة "اكيد تقدر تاخد زي ما انت عايز " اخد قطعة من...
