صوت تخبيط علي الباب..
د/مدحت:ادخل
دخل اسر عليه و لاول مرة يلاحظ الدكتور مدحت ان اسر بيستأذن قبل ما يدخل.. و الاغرب كمان انو هادي جدا عكس طبيعتو المشاكسة
د/مدحت:خير يا اسر
اسر قعد:انا.. محتاج اجازة
د/مدحت:اجازة؟ خير
اسر:عادي.. مش من حقي؟
دكتور مدحت اتنهد بعدم راحة هو عارف ان في حاجة حصلت و هو مش راضي يقولو
د/مدحت:انت عارف كويس اننا دلوقتي في وضع مينفعش تطلب فيه اجازة صح
اسر بضيق:بس ده حقي
د/مدحت:و انا مقلتش حاجة اصبر بس شوية علي الاقل لما التحقيقات تخلص و اللجنة اللي في المستشفي دي تمشي
اسر اتعصب:انا مليش دعوة انا حقي اني اخد اجازة و هخدها انا مش بستأذن
قالها بعصبية و قام وقف
د/مدحت زعق:اسر انت اتجننت بتزعق فيا
اسر:دي مبقتش عيشة انا تعبت اقولك علي حاجة كمان انا مش عايز ارجع الشغل
خلع البالطو الطبي و رماه بأهمال علي الارض
خرج برا مكتب الدكتور قبل ما يسمع ردو سابو في صدمتو
يمكن دكتور مدحت يعرف عصبية اسر كويس عشان ابنو .. بس اسر عمروُ ما اتعصب علي الدكتور ب الطريقة دي... معادة مرة واحدة...
د/مدحت:هي رجعت ولا اي..
فتح الموبايل و قرر يكلمها
د/مدحت:الو.. ازيك يا كارمن
^________________________^
الساعة 1 بليل..
كل الموظفين و الدكاترة مشيو تقريبا..
متبقاش غير ياسمين
خرجت من مكتبها و راحت نحيه العنبر
راحت للامن و قالت "يلا! "
"ونبي يا دكتور ياسمين محدش يعرف الموضوع ده.. هينقطع عيشي"
ياسمين:متخفش بقي قلت ليك محدش هيعرف و هرجعو والله قبل ما حد يحس
"ماشي ربنا يستر انا هخش اصحيه"
دخل الامن للعنبر و غاب عن ياسمين مدة متقلش عن 15 دقيقة
خرج و معاه حسين اللي شكلو لسه صاحي من النوم
ياسمين :شكرا و حسابنا سوا
مسكت ايد حسين و مشيت بيه
حسين كان ماشي معاها و هو مش فاهم في اي ولا بيحصل معاه اي
أنت تقرأ
The Doctor
Şiir"انا... انا اسمي حسين... " قالها بتوتر مع ابتسامة خفيفة لتظهر غمازات وجه التي تبين جمال ابتسامتة مع عيونة العسلية نظر للارض ثم اعاد نظره اليها بتوتر زائد و اكمل.. "ممكن اخود واحدة؟ " نظرت له ب ابتسامة "اكيد تقدر تاخد زي ما انت عايز " اخد قطعة من...
