دمرني عشگ النت 💔
بقلم (ملاك) بصراويه والهيبه تسطر
زينب / استمرت صداقتنه فتره ضحك وسوالف ومرات نتعارك ونتسابق منو الينشر قبل بالقناه ويسوي مسابقات 😄 والمشرف الي يتفاعلون بمسابقاته هوواي نضل نسمعه حجي 😂ونتعارك وياه ليش هوو يتفاعلون وياه اكثر واحنه لا 😊 . مخابيل مو بيدنه 😅
راحت ايام واجتي ايام واني ع نفس الروتين وتعرفت على هوواي اشخاص بالتلي وصارت بينه صداقه كلش حلوه
طبعا قناه علاء انشر بيهه واسوي مسابقات بس مو هواي لان اكثر وقتي جنت اكضيه بالقناه الثانيه
بعد فتره اني سويت كروب خاص بس بمشرفين قناه علاء.. ونشرت الرابط بكروبات الدعم
بس للاسف لكروب تفلش بسبب واحد فاشل 😒 دخل لكروبي بحساب بنيه وضل ينشر بيه اشياء محلوه 😢 وفلشته اني ضليت ادعي عليه لان فلش لكروب 😔😔
المهم واحد من المشرفين جان موجود بكروبي الي تفلش وهو سوالي كروب جديد وضاف اصدقائه واني ضفت صديقاتي لاعرفهن لان جنت مشتركه بكروب بس بنات ضفتهن وياي وقوت علاقتنه وكبرت خوتنه وصرنه روح وحده مثل الاخوان منخلي واحد ضايج والي يواجهه مشكله كلنه نوكف وياه ومنقصر ابد ....
وره يومين تقريبا شخص. ضافني بكروب.. وعرفت هذه الشخص موجود بكروبي ...
ان ضليت احجي وياه وكله منو خطفني وجابني هناا واضحك وياه ...
باثناء مجنت احجي وي الولد حجه مدير لكروب وكال اذا معجبج لكروب اطلعي منه ....
للعلم اني محجيت وي احد بكروبه بس وي الشخص الضافني
اني رديت عليه وانته شكوو ومنو حاجي وياك لان كلش تنرفزت من حجيه ......
من تعرفت مدير لكروب.اسمه انمار...
انمار/ هلاوو اعرفكم بنفسي اني انمار عمري 26 سنه اني اشتغل بالفرقه الذهيبه ومن انزل اشتغل بسياره ابوي اخذ خط بنات طالبات بالكليه .مواصفاتي اسمراني وشخصيه وطولي وسط ....
فد يوم صديقي ضاف بنيه لكروبي وعرفت من حجيهم انو هوو موجود بكروبها اني عطت بالبنيه من كالت منو خاطفني. وجابني هناا لان مااحب هاي السوالف وهذه النوع من الحجي احب لبنيه الثكيله الي ماتتمويع بالحجي ولا تتمضيك ....
بعد ماتعرفت على لبنيه عرفت هيه خوش بنيه وحبابه وبسرعه تدخل للكلب اني انعجبت بشخصيتهه جانت متخلي احد يتجاوز عليهه ولا يغلط بحقها ابد جانت كل ما حاول احد يزعجهه ترد عليه برد يسكته بس بدون متجاوز على الشخص المقابل ......
فد يوم جانت هيه واعضاء كروبي مسوين مسابقه بيناتهم ومن اجيت كالت تشارك اني وافقت وتحدتني انو ادخل خاص لبنيه مااعرفها واكلهه احبج 😒 حبتهه حيه اني وين وهاي السوالف وين ....
المهم اني دخلت خاص لزينب وكتلهه احبج 🙈🙊 ....
هيه ضلت تضحك وتكول مو الي روح كولهه لبنيه متعرفها 😅 اني ضحكت عليهه وكتلهه لا عيب ومن هاي السوالف ...
وضلينه نسولف ونضحك وعرفت عنهه هوواي اشياء .....
طبعا زينب جانت تكولي خالوو لان بعمر خالها 😄 وجانت تحجيلي عن حياتهه واني يوم عن يوم يزيد اعجابي بيهه بس مگتلهه ولا اعترفتلهه ابد ........
راحت ايام واجتي ايام واقتربت المدارس وهيه صف خامس اعدادي فگالت راح اعوف التلي حتي مالتهي بيه من يبدي الدوام .......
اني كلش ضجت لان تعودت عليهه جنت اول مااگعد الصبح ادزلهه رساله صباحيه ....ومن تكعد ترد علي ونضل نسولف ....
اني مجانت عندي الجرئه اعترفلهه انو معجب بيهه .....
زينب / من تعرفت على مدير لكروب كولش انعجبت بشخصيته واسلوبه بالتعامل وي الاعضاء ..<br>
جنت ع دائما احجي وياه واذا صارت عندي مشكله اكوله يساعدني .....
طبعا اني مگطعت علاقتي وي اصدقائي مشرفين القنوات جنت ع طول اتواصل وياهم وسوالف وضحك وعرايك تصير بيناتنه .........
جنه على اقل شي نتعارك ونحرگ لكروب حرگ ... للعلم جنه كلنه اعمارنه متقاربه لذلك احنه متفاهمين لان نفس التفكير ...
طبعا اختي كلشي تعرف وجنت احجيلهه وجانت تقره المحادثات مالاتي بس مجانت تكول لاهلي لان مجنت اغلط واسوي شي ينزل الراس ..مجرد حجي وكروبات ....
اجتي ايام وراحت ايام واجه عيد الاضحى. طبعا ماما وره العيد بكم يوم سافرت لايران وبابا جان بالحشد ...
فضلينه بس اني زهراء وعلاوي اخوي بالبيت اني ضليت بين بيتنه وبيت جدي لان بالوقت المايكون بيه علاوي موجود بالبيت نروح لبيت جدي اني وزهراء ......
يتبع.........
