دمرني عشگ النت 💔
بقلم (ملاك) بصراويه والهيبه تسطر
زينب/من سافرت امي ضليت اسهر ع النت وجنت اضل لساعه 4 ومرات ب5يالله انام وروتيني اليومي كله تغير مو مثل قبل وبيت جدي مقبلوا جانو دائما ينصحوني طبعا همه ثاقين بيه وهذه السبب الي خلاهم ولا مره يفتشون جهازي او يشوفون البرامج الاتواصل بيهه .........
بعد مرور 10 ايام اجتي امي من السفر وصلت الفجر كعدنه اني واختي على صوتهه لان جنه تعبانين من تنضيف البيت وصلت ساعه 4 الفجر وضلينه كاعدين. وياها ساعه كامله بعدهه نمنه ....
الصبح بيت عموو عزمونه على الغده بمناسبه رجوع امي ومرت عمي من السفر بالسلامه .....
ضلينه عدهم سوالف وضحك وياهم والعصر رجعنه لبيتنه ....
مرت ايام واجتي واني على نفس الروتين اغلب وقتي اگضيه اتواصل وي اصدقائي وصديقاتي بالنت ... وبقى على دوام المدارس اسبوعين فقط ... واني جنت كل مااريد اعوف التلي مااكدر لان كلش تعلقت بصديقاتي وخاصه صديقتي اسمهه نرجس جنت احجيلهه كلشي يصير وياي وحتى لكروبات ندخلهن سوه نتعرف على الاعضاء الموجودين اذا عجبنه لكروب نبقى بيه يومين ونطلع اذا معجبنه نتعارك ونطلع 😅😅 الخباثه حلووه .....
كل سنه قبل لايبدي دوام المدارس باسبوعين اكو روضه يمنه طبعا دووام الروضه يبدي قبل المدارس اقاربنه جانت هيه مديره الروضه وكل سنه اداوم وياها سبوعين( نص شهر) اضل اداوم وياها يعني مثل الموضفه ومن تبدي المدارس التهي بدراستي واعوف الروضه
طبعا هيه جانت تدفعلي راتب نص شهرر لان اتعب هوواي وياها لان بدايه الدوام كلش صعب اني اضل اساعد المعلمات واي معلمه يصير عدهه ضرف ومتكدر تداوم اني اضل اعلم الطلاب مكانهه ................
وجنت من ارجع من الروضه اني اضل انشر بالقنوات واسوي مسابقات واضل اراسل صديقاتي .......
وقررت اعوف التلي لان باقي كم يوم ويبدي دوام المدارس اريد اركز علي دراستي ومااريد اضيع مستقبلي بسبب النت ...... ........
قبل الدوام باسبوع اني قررت خلاص يومين واعوف النت ف. من رجعت من الروضه اني حجيت وي انمار وكتله خلاص راح التلي ع لمود المدرسه ......
فهو كلي بسرعه مو تردين تعوفيه هسه عوفي واني مجنت اعرف ليش وشنو السبب وليش هيج يحجي وياي المهم اني خلاص سويت تسجيل خروج من التلي يعني بس ادگ الرقم يرجع كلشي بس اني وره تقريبا ربع ساعه رجعت لحساب لان ردت اعرف ليش هيج حجه وياي .......
رجعت لحساب ولكيته دزالي رسايل شبيج وليش ضجتي طبعا هوو ميدري اني مسحت البرنامج ورجعته ومن سالني كتله مضجت بس اني جنت مقرره اعوف التلي وخلاص وكتله اني مسحت البرنامج ورجعته هوو ضحك علي .....
واني ضليت صافنه 😳 لان مااعرف السبب كلي راح اعترفلج بشى بس اكوله وافلت قصده يطلع ويمسح المحادثه اني ماعرفت شكوله هوو كلي سمعي ولاتقاطعيني .........
حجالي وكلي معجب بيج واحبج والله يعرف معزتج بكلبي شنوو..ومن هذه الحجي.....
اني من الصدمه ضليت ادز هذه لسمايل 😳😳😳 👉👉 طبعا لان مصدومه ..واصلا مجنت مفكره بالحب ولا شي جان كل همي شلون مااكسر ثقه اهلي بيه واحافظ ع الثقه النطوني ياها من اشترولي جهاز...........
المهم اني صفنت بالحجي الكاله وبعدهه مهتميت ابد وضليت يوم كامل مااحجي وياه ..
باليل هوو راسليني وكالي تره الصار الصبح كله شقه بس جنت اريد اعرف شنوو رده فعلج من احجي وياج هيج. ومجنت اقصد الكلام الحجيته......
اني كلش فرحت من كالي هيج لان مااصدگ بحب النت وهاي الخرابيط ....
المهم اجتي المدارس وبده الدوام وبده الضحك والشقه والعرايك والمشاكل بينه اني وصديقاتي لان احنه من نجمتع تكول عصابه مسويات مو شله طالبات 😂....
يتبع..........
