دمرني عشگ النت 💔
بقلم (ملاك) بصراويه والهيبه تسطر
زينب/ من بده الدوام ركزت ع دراستي صح اني معفت النت ولا مسحت البرامج بس جنت مركزه ع دراستي واتواصل وي صديقاتي بس مو مثل قبل ........
طبعا اني طلعت من لكروبات ومن ضمن لكروبات كروب انمار لان مجان احد يتفاعل بيه وصارت مشكله بيني وبين احد الاعضاء الموجودين ف اني غادرت لكروب وماهتميت ......
يوم ثاني كعدت الصبح جان يصادف يوم جمعه ف اني لكيت روحي بكروب طبعا لكروب جان موجود بيه انمار واصدقائه الجانو موجودين وياه تفقدت الاعضاء وطلع لكروب ابن عم انمار هوو لمسويه وضايفني .......
اني بعد المشكله الصارت بكروب انمار هوو حضرني واني حضرته لان اكو شخص وصلي بصمه انمار دازهه اله ومنتقدني بالحجي طبعا الشخص الوصل البصمه الي مدزلي كل المحادثه مجرد دزلي بصمه وحده بصوته وكالي انو هوو حاجي عليج كدام اصدقائه اني مثل الصاعقه ونزلت على 😓😵 لان متوقعت يجيب سيرتي بسوء واني ممسويه شي ضليت فكره تجيبني وفكره توديني بس اريد اعرف ليش هيج سوه......
اني غلست ع السالفه وكلت يولي ميستاهل حتي اضوج ع لموده وكروب ابن عمه ضليت بيه لان ابن عمه هوو قنعني اضل بيه ومااطلع منه ...
بعد مده اسبوع اني شلت الحضر عنه لان غيرت اسمي وصورتي والمعرف مالتي شلت لحضر حتى لايعرفني لان بالتلي اذا شخص حاضره متطلع عنده الصوره الشخصيه ف اني شلت الحضر حتي تطلع الصوره عنده ومايعرفني .......
وبعد يومين تقريبا دخلت بنيه للكروب من البصره بت ولايتي اني ضليت احجي وياها واتعرفت عليهه وضلينه نسولف ونضحك بالكروب ....اجه انمار وضل يحجي مهتميت ابد ولاكانو موجود مجرد رديت عليه السلام ......
طبعا هووو عرفني لان جنت دائما اغير اسمي والصوره لشخصيه جنت كل اسبوع الي اسم وصوره جديده......
مرت ايام وجهازي عطل ف اني فعلت التلي على جهاز خالتي لان خالتي جان عدهه جهازين بين ماصلحت الجهاز مالتي اني ضليت استخدم جهازهه هيه ماعترضت .....
طبعا اني اهلي من اشترولي الجهاز السيم كارت ضل بجهازي القديم وهذه الجهاز بس نزلت بيه البرامج وفعلتهن...
يتبع.................
.......................................................................
دمرني 😢 عشگ النت 💔
بقلم (ملاك) بصراويه والهيبه تسطر
راحت ايام واجتي ايام واني ملتهيه بدراستي حتى النت عفته وصديقاتي يراسلوني وماارد عليهن ويعتبن علي لان ماارد عليهن بس اني جان كل همي دراستي ومستقبلي..........
اني جنت كل جمعه وسبت اتواصل بالنت واراسل صديقاتي واحجي بالكروبات لعندي....
ضليت على هذه الروتين تقريبا اسبوعين بعدهه ضليت احجي واتواصل بالتلي كل يوم طبعا بعد مااخلص دراسه والشغل العلي بالبيت .......
بعد اسبوع تقريبا دخلنه بشهر الحزن شهر عاشوراء شهر المصايب😢😭 ......
اني جنت كل ليله اروح لمجلس عزاء بيت جوارينه اسمع المقتل وارجع لبيتنه ومن ارجع الزم الجهاز واضل اراسل بيه بالكروب .
فد مره جنت احجي بالكروب وطلبت مساعده منهم لان صار اكو خلل بحسابي ومجان احد موجود بالكروب بس انمار ف اني اضطريت اگله بالخلل الصار لان خفت لايهكرون صفحتي
المهم هوو طلب مني ادخله للخاص حتي يحل مشكلتي ف اني دزيتله رساله. وهوو ضل يعلمني شسوي حتي اصلح الخلل الصار
وفعلا هو صار ورجع حسابي مثل مجان ..اني اتشكرته لان ساعدني هوو كالي عادي من تحتاجين شي كوليلي .بعدهه اني اترخصت ورحت اكمل دراستي ......
مرت ايام واني ع هذه الوضع وانمار ضل كل يوم يراسنلي ويسالني عن صحتي وعن دراستي وزاد اهتمامه بيه.. اني بديت انعجب بيه وهذه الاعجاب تحول لحب بس مجنت اعرف اذا هوو يبادلني نفس الحب او لا ....
مرت ايام واني كل يوم حبي يزيد اله لدرجه هملت ادروسي حتي المدرسات وصديقاتي انتبهن علي وضلن يسالني ليش هيج مستواي نزل بالدراسه واني مجنت اعرف شجاوبهن ...
للعلم اني جنت متفوقه بدراستي ومعدلي كله 90 او فوق ل 90 ...
بس من حبيت انمار مستواي كلش نزل وبالكوه اجيب درجه النجاح بالامتحانات ...
بعد اسبوع تقريبا انمار اعترفلي بحبه الي.. اني كلش فرحت لان جان يبادلني نفس المشاعر ...
بنفس اللحضه اعتدز مني لان خاف ارده مثل اول مره اني كتله لا عادي. فهوو عرف اني هم احبه وضل يسمعني كلام حلوو وغزل..
ضليت فتره واني دراستي هاملتهه حتي اهلي لاحضوا علي ومن يسالوني اطلعلهم حجه حتي لايتعمقون بالاسئله وياي ...
يتبع .........
