دمرني 😢 عشگ النت 💔
بقلم (ملاك) بصراويه والهيبه تسطر
زينب./تفكيري صار كله بانمار صرت اول ماارجع من المدرسه كبل افتح الجهاز واراسله واضل اسولف واضحك وياه وهو جان دائما يحسسني بالامان وهو كلشي بالنسبه الي حتي اهلي نعزلت عنهم وبنات عمي كلهن لاحضن علي انو صرت انعزاليه ف خافن علي لايصير عندي توحد وضلن ع كول يجن يمي ويطلعني من البيت حتي اغير جوو واني جنت كلش اضوج لان انمار مجان يقبل اطلع وخاصه باليل ف اني وعدته انو مراح اطلع بدون ميدري .....
وصادف يوم ثاني بيت عمي عزمونه باليل ف اني رحت ومصارتلي فرصه اكله ومن رحعت للبيت لكيت دازلي رسايل ف اني مجذبت عليه وكتله طلعت فهوو ضاج كلش وعصب علي .....
للعلم اني منطيته رقمي ضليت اتواصل وياه ع التلي بس واكثر من مره طلب انو يسمع صوتي واني جنت ارفض واكوله لاتضغط علي من اشوف روحي مستعده اني ادزلك بصمه ......
وحتي صور مدزيلته صح اني حبيته من كل كلبي بس جنت غافله بموضوع الصور ومدزيت اي صوره اله لان اخاف كلشي يصير ويختلف علي ويضل يهددني بالصور لهلسبب مدزيت صوري اله .....
راحت ايام واجتي ايام واني على نفس الروتين اغلب وقتي اراسل انمار ودراستي احل الواجبات بدون تركيز اطلع الحل ع النت واكتبه .....
مر اكثر من شهر على هذه الحال واجتي زياره الاربعينيه واني جنت كل سنه اروح مشايه من النجف لكربله ف اني حجيت لانمار وهو فرح لان. اتفق وياي انو اشوفه من اوصل يم المكان الازم وانطاني رقمه حتي اخابره ...هو جان لازم واجب بين نجف وكربله ....
اني الله ما وفقني ومارحت مشايه ولا شي وانمار كلش ضاح لان جان هذه الامل الوحيد انو يشوفني طبعا اني اهلي كلهم راحو بقيت بس اني بالبيت ...
وضليت بيت جدي لحد ماخلصت الزياره واجوي اهلي بالسلامه رجعت للبيت واني ضليت ع نفس الروتين واهلي حاولوا يعرفون شبيه خافو علي حسبالهم مريضه لان شافوا مستواي الدراسي بالنازل ...
اجه يوم وانمار ضل يلح علي انو يسمع صوتي ويشوفني واني جنت دائما ارفض بس شوي شوي صرت الين ودزيتله بصمه وسمع صوتي هوو ضل شوي شوي يزيد بطلباته واني جنت دائما ارده ..
طبعا هوو من العماره واني من بغداد واكثر من مره كالي راح اجي لبغداد حتي يشوفني واني جنت ارفض جيته لبغداد ....
هو قبل لا يعترفلي بحبه وقبل لاتصير بينه علاقه. اجه لبغداد ع لمود شغل وطلب مني يشوفني واني رفضت ......
بتبع.......
