دلوله يابعد عمري وحياتي دلوله ....... شكد احبها هاي الكلمات وشكد ترن بداخلي كنت دائما اسمعها قبل لا انام ، ومااغفى اذا متقراها الي امي، امي هي كلشي بحياتي هي الي خلتني احب الحياة واحب اعيش واصير واوصل الاحلامها قبل احلامي...
اسمي ملاك ... عمري ١٨ بعمر الزهور هيج تكولي امي 🙈.... بيضه وطويله وعيوني سوود وسااع كولش ... شعري تحت خصري اسود .... جانت امي هي تمشطه الي وتغسله لان يتعب سرح كولش 😊 لا سمنيه ولا ضعيفه ....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
جانت مدللتني بعد كل عافيه بيه هي .... انا الوحيده لاهلي عندي اربع اخوه الجبير احمد ومحمد ومصطفى وخالد ، وابوي جان رجل قاسي كولش من وعيت ع الدنيا وانا اشوفه يضرب بأمي ع اتفه الاسباب كرهته لان اشوف دموع امي وهو سببها ....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
امي تخبل بس تعبت صغيره بالعمر والي يشوفها يكول بال٦٠ وهي بالاربعين 😔 سوده عليه تعبت هواي بس شغل وتنظيف ... ابوي ما قبل اي واحد من اخوتي يكملون دراسه جانت روحه من الدنيا الفلوس ..... خلاهم يشتغلون رغم صغر عمرهم ما يخلصون المتوسطه ورأسن يخليهم يشتغلون .... امي عمرها ماوكفت بوجه بس مره من كال الها راح ابطلها يقصدني انا ملاك ... لان بس مصارف كالت كلشي ولا توصلون لملاك عوفها انا اتكفل بكلشي ، حبيبت قلبي جانت تشتغل بالخياطه حتى توفر الي كل الاحتاجه وجان خالي هم يساعدها بين فتره والثانيه يمر النا وينطيها المقسوم من بستان ابوهم عندي خال واحد عنده ولدين و بنتين ريم متزوجه ورغد مخطوبه جنت احبهن وكبرنا سوه .... زوجة خالتي ميته من زمان من جابت رغد الله يرحمها ... اناورغد بالسادس علمي وجان تنافس بينا كولش قوي ...
هسه بعضكم يكول اذا حلوه شعجب ماانخطب هسه اكلكم بيوم من الايام وانا نايمه بحضن امي، دخل ابوي لغرفتنا ... اي غرفتنا امي تنام بغرفه وابوي هم لان جان دائما يهددها انه يزوج واصلا انا متاكده مزوج ، فأمي قررت انه تكعد يمي بالغرفه وهو مامعارض تبقى ....
جنت نايمه بحضن امي وهي تكول دللووو دللووو يابعد كل عمري انتي من اكون بحضن امي اكوون بغير عالم طمئنان راحه مابعدها راحه الله لايحرم كل واحد من امه 🤲 دخل ابوي وكال : بس اريد افتهم بتج ليش ما تنخطب شبيها اي محد دك الباب وكال اريدها ...
امي : ابو احمد شتكول انت غير هي قسمه ونصيب وبتي جنه العافيه مابيها شي تخبل وجمال بس بعدها قسمتها مجايه .. ابو احمد : هاي بنات عمها وعماتها وبنات اخوج شو زواج وبيت وهاي كاعده ع قلبي .... كل كلمه جانت سهم يدخل بقلبي اوووف ... هيج انا كاعده ضيم عليك يابوي ... لو مو امي يمكن مزوجني وموتني هم 😔 رغم كل شي مجانت تقبل امي احجي كلمه ع ابوي ... علمتني الطيب المحبه والحنيه .....
