قريبا يا ملاكي

الجزء الثالث

كلنا كاعدين  ع السفره وجيت انا وامي
وكال ابوي لمصطفى ....

ابو احمد : مصطفى من تخلص كووم
اغسل السياره حتى تروح للمحل
تكمل شغل ها وصدك جيب الدخل وياك مو تنسى

مصطفى : ان شاء الله بوي

ابو احمد : ونتي خلصتي امتحانات

ملاك : ايي بوي خلصت ومنتظره النتيجه
بداخلي (اصلا ممصدكه لان سألني اول مره ابوي
يسويها  ابد ميسأل عني اصلا )

امي ابتسمت كالت بلكت الله هدا .....
خلصنا الغده شلت المواعين ويا امي ،
وساعدتها بتنظيف ورحنا لغرفتنا وبقينا نسولف ....

ثاني يوم
كعدنا الصبح وكالعاده امي بالمطبخ والبيت
يخبل مخلصته اصلا متقبل
اشيل شي بس اشيل الماعين للسفره ...
طبيت للمطبخ يبعد عمري ام ملاك 😋

امي : اويلي منج ومن حجاياتج
التخبل يارويحت امج انتي
ملاك : تحتاجين شي
روحي فرشي السفره حتى
اصيح اخوتج وابوج حتى يتريكون

رحت فرشت وجيت خليت
الاكل بالسفره صحت ابوي وخوتي امي
دخلت للغرفه لان هي متعوده من تخلص
طبخ لو تنطيف متبقى بنفس ملابسها تغيرهن وتجي تكعد يمنا ....

كعدنا اكلنا وكمت وياها للمطبخ
كالت روحي بدلي حتى نروح لبيت
خالج نشوفهم ونرجع عفتها تكمل
شغل المطبخ وركضت للغرفه
بدلت وجتي هي هم لبست العبايه
وطلعنا لبيت خالي قريب علينا ،
جنت العب ويا اولاد خالي بس من بلغت
بطلنا نلعب واصلا كمت استحي ...

دخلنا انا وامي فتحت رغد الباب وهي تصرخ وصوتها لهسه اذكره وتكول
__ طلعن النتائج طلعن ولج خايفه
انا من يمي بدون وعي كمت ابجي
خفت امي لزمت ايدي وكالت
ناجحه والي احلم بي راح تصيرين انا عندي أمل
لزمت ايدي رغد وركضت
بيه وره شوي شفت مرتضى
ابن خالي اووف ستحيت شافني
اركض ويا رغد من شفته بطئت وكمت
اضحك ودنكت راسي ودخلنا سلم
ع امي وطلع للشغل شبكت خالي وكعدنا خالي كال

انا راح اطلع اروح لهذا يمنا بلكت يطلع النتائج
قصده محل بي انترنيت ....
لان ماكان عندهم نت

طلع خالي واحس روحي طلعت
ويا ايي يوم صعب موهين

بقينا انا ورغد وامي مكابلين التلفزيون
وهذا الي يتصل يكلوله ناجح نكمز
اكو امل وهذا الراسب نزل راسنا انا وياها

وكمت اصيح وكول
___ ااووف يمه خالي حييل تأخر وينه شو ماكو
___ ولج يمه كولي يالله هستوه طلع
__ ايي ملاك لاتخافين تنجحين 😂
___ لج رغد اكيد انجح بس معدل معدل اريد 😭

دك التلفون طفرنا كلنا
هو تلفون رغد بس من الخوف كولنا طفرنا ههههه

ها رغد منو 😊 هذا مسلم خطيبي

اوووو والله خفت ....

راحت رغد تحاجي خطيبها بالتلفون بالغرفه الثانيه

وانا حطيت راسي بحضن امي لان هو المكان
الوحيد الي ارتاح وطمن بي
دكت الباب فزيت
كامت امي اجتي رغد
خالي مدنك راسه ما انسه
هذا الموقف طول عمري هنا حلمي لو ينهار لو يكمل اريد خالي يرفع راسه اريد احس بطمأنان رغد تباوع عليه وانا اشوف امي

امي __ خوي دحجي مو يبسنا بمكانا
ملاك __خالوا حباب كول
رغد __ بوي والله رجلي بعد متحملني
خالي __ رغد انتي واكعه بواحد وملاك انتي بثنين
رغد كالت: ايي الحمد لله مارسبت همزين واحد ...

يتبع .....