قريبا يا ملاكي

الجزء الثامن

عندما يسألني شخص من تحبين من بعد أمك بدون تفكير سأخبرهم خالي ....

الي عنده غااالي مثل خاالي خليحمد الله ويشكره 😍 .....

تكمله 👇👇👇

بيت خالي ......

خالي كال لمرتضى :  مرتضى بوي تعال اريد احجي وياك

(مرتضى هستوه راجع من الشغل ، يشتغل  شرطي  )

__ ها بوي تفضل

__ شوف بوية ماباقي بس انت ماتزوجت

__ اي بوي عن قريب تفرح بيه لاتخاف

__ بس انا محتاج مساعدتك هسه

__ بشنو بوي عيوني الك

__ تعرف ملاك

__ ايي بنت خالتي الحلوه شبيها

__ اول شي عدل كلامك وراح اخطبها الك بس عقد

___ بوي انت شتكول انت تعرف انا احب وحده وملاك مثل اختي

__ ادري اثول بس عقد لان ابوها يريد يزوجها وخالتك خايفه

__ بوي بس عقد مو تصير صدك وتزوجها الي

__ خووش اجهز باجر نروح حتى نخطبها من ابوها الظالم

__ وانت تحسه يقبل انا اكبر منها ٧ سنوات

__ هسه لاتخليني اغلط عليك وعليه يقبل دكوم كوووم

__هاي فوك ماراح انقذكم 😑

__ روح منا مرتضى هههه

__ يلا بوي اترخص اروح ابدل ورتاح 😂😁

وصدك اجوي ثاني وابوي جان فرحان
اكثر مني يريد بس يخلص كأني هم وكاعده كباله ...

انخطبت من مرتضى
ويوم العقد دخل مرتضى للغرفه وانا جنت مدنكه راسي
واصلا ادري بي يحب وحده
وما رتبت روحي هواي
ولا حطيت مكياج هواي خفيف
سويته بيدي حتى ابوي ميحس بشى ...

من دخل ماحسيت بصوت
رفعت راسي لكيته صافن
انا ضحكت لا أراديا كتله شبيك
كال هاي خالتي ضامه هذا الملاك هنا وماشايفي احن

يووومه خجلت ☺
اتقدم وحط وجه يم اذاني
وكال يابنت خالتي تخبلين بس عذريني انا احب وحده هنا جان بنفسي اضربه 😑🙄

دفعته بهدوء وكتله اييي عاذرتك
ولا يهمك واصلا انا قبلت حتى اكمل دراستي وشكرا لمساعدتك وياي ...

طلع وهو يباوع عليه حتى وصل للباب ونطخ بي بقلبي كلت حيييل 😂 ...
ليش اجذب عليكم عجبني 😁😋

مرتضى طول بعرض جان شرطي وعدكم الحساب 😋
وشواربه تخبل واكتاف عنده انا الطويله كباله عصفور 😂 ...

بقينا بس اتصال وصار الفلوس الي خالي ينطيها لامي من البستان عود مرتضى ينطيها الي مصرف حتى اكدر اكمل كدام ابوي
.......

مرت الايام والشهور والسنين ماكو شي ينذكر واحداث مهمه روتين مثل كل مره بس الي زاد هو تعلقي بمرتضى وهو هم ... بس بعده مانطق كلمة احبج ولا انا 🙄
وجان يحجيلي حتى عن حبه ووكلشي بحياته ....

وصلت للمرحله الخامسه امي .....
حالتها كامت تزود وعيونها غوركن وبيهن سواد
وجها كولش تعب
انا الي كمت انظف وسوي بس الطبخ مقبلت وتعبانه ومجانت تقبل ...
دك التلفون ركضت شفته مرتضى
__ هلو اشلونج ملاك
__ هلا مرتضى مو زينه
__ ليش ياساتر شبيج
__ مرتضى امي تعبانه احسها
__ عدها العافيه اكول لابوي يجي عليها
__ متقبل كتلها
__ انتي سويلها عصير ولاتخليها تتعب
__ ايي ماخليها بس متقبل اطبخ عنها
__ اووف منها عمتي ام الحنيه الله يشافيها ويحفظها
__ اميين يارب
وبدينا نسولف ونحجي ..........

يتبع ...... رايكم 😭