قريبا يا ملاكي

البارت الرابع

وانا الدموع مدري منين تطلع

امي لزمتني وكالت كافي ولج ملاك
وردت اصرخ لان بعد ماتحمل 😟
اجه خالي ركض
حط ايده ع حلكي 🤫🤫  وكال اسكتي
فضحتينا ناجحه ناااجحه
يمه من كالها 😢 بدت الدمعه تصعد هههه
و ردت شكو دم بجسمي
شكو ألم صار عافيه
احسه الدنيا صارت الوان بعد ماجانت سوده 😂
امي كامت تهلهل
وانا ركضت ورا وهو يركض بالحديقه 🏃‍♀️
اريد الزمه بالاخير تعبت ووكفت
هو هم تعب ههه
كلي ملاك معدلج يخبل تنقبلين طبيه
ورغد بقت صافنه وكالت وانا 😭

كال الها بنت الاوادم حاسه بروحج ترسبين

ضحكت رغد كالت والله مادرست عدل
رد عليها اايي من مسلم 🙄 ههههه
رغد : باباااااااا

يلا انتي هم ناجحه
معدلج يدخلج تربيه  طلع ٧٥
كامت تكمز
رغد الزمتها وكمنا نطفر

وامي يابعد كل روحي وهلي
تههلهل وتبجي وتكول ربي يفرحج مثل مافرحتيني
وبس تندعي ذاك اليوم بالعمر

صار الظهر وقت نرجع للبيت
بوست خالي حضنته وكتله احبك ياااغالي
باسني بخدي وكال الله لايحرمني لامنج ولا من امج

ورحنا وانا احلامي كامت شوي شوي تتحقق اللهي شكرا لان خليتني هيج افرح امي الي تعبت وسهرت ...

وصلنا للبيت حبيبتي راحت رأسن للمطبخ
كامت تهدر بالتمن اجيت اريد اساعدها
كالت روحي نظفي طاوله مالت الطعام
ركضت كبل لايجي ابوي وخوتي نظفتها
اجه ابوي وخوتي دخل للحمام سبح
وطلع وخوتي كل واحد بغؤفتته بدل ولتمينا ع السفره ... شافني مصطفى وخالد الفرحه بوجهي وابتسم لامي

كال مصطفى :هاي شبيج تضحكين
ملاك انا اخذت النتيجه وطلع معدلي يقبلني طبيه

حسيت الكل ضاج
بس ابوي ومن وره خشمه كلي مبروك

مصطفى كام من السفره
وخالد ضرب الطاوله وكال بس لاناويه تكملين حظرتج
صار مو غده سم ودخل بقلبي من وراهم
تردون الصدك انطيهم العذر لان ابوي
حرمهم ويمكن لو مكملين هسه هم واصلين
وحتى كلية بس الله يهديك يابوي ...

كام ابوي وصاح : خره بيهج عيشه وياكم حتى الاكل تسو زقنبوت

مو اكل شمر الماعون التمن الي كدامه وكام طلع من البيت مندري وين راح ...

كامت امي ورجع مصطفى وخالد ومحمد

اول مره اشوف امي هيج تعصب
وكالت اوكفوا كلكم كبالي بوقتها
سمعت الباب تندك عبالي ابوي
رجع بس لا ماعتقد لان ابوي عنده مفاتيح

ركضت افتح الباب لكيت احمد ومرته
ابنهم زين ورنا فدوه اموت عليهم ومرته
حبابه امي طلعتها من البيت لان تخاف عليها من المشاكل تعرف هذا بيت المشاكل اصلا ....

دخل احمد وشاف المكان كله متخربط
صاح شكو يمه خو ماكو
شي كالت امي همزين جيت

احمد تعال ويا اخوتك اريد احجي

فدوه ماما سمر ع مرت احمد بس اخذي جهالج وروحي لغرفة ملاك راحت

البنيه بدون حجي ولا سؤال .....

يتبع .....
رايكم 😊😋