ابو احمد : ايي احجي الواقع محد دك بابنا وكال عدكم بنيه ،
ولزم امي من ملابسه وكال لج بس لا بنتج مسوية مكسوره وانتي تتسترين عليها احححححجييي
بداخلي متتتتتت لااا لهاي الدرجه ابوي
ودفعها بقوووه بالكااع 😓
امي تحجي وودموعها وصراخها بداخلها كالت ....
هاي بنتك شتحجي ليش هيج تكوول ...
بنتي وعرف تربيتها واعرفها عدل ...
و ابو احمد من يوم الي جبتها للدنيا انا
وانا الي اصرف عليها لو نسيت ،
ردت تذبها لان جبت بنيه
وكتلي دينار واحد متنطي بيها
ومن ذلك اليوم وانت طاردني حتى من غرفتي ،
ابو احممد ابوس ايدك (راحت يمه ولزمت ايده تريد تبوسها ، دفعها )
كلشي نطيتك حتى اولادي ،
محد بيهم يحبني لو يحترمني
وكله بسبب كلامك وياهم
عوفلي ملاك .......
يااربي اخذ عمري ولا اريد ذلة امي
حسيت بذله اييي
بذلة لان جابتني بنيه ...
اصلا تمنيت المووت لان شعرت انه انا السبب ابتعاد امي وابوي ،
ليش شبيها البنيه مو بشر ....
جنت شوي احقد ع ابوي بس هسه لا هواي
وخوتي هم لان ميحترمون امي
بس احمد جان حنين عليها وكدام ابوي جان قاسي ...
طلع ابوي واول مره اشوف ابوي وبهدوء ...
ستغربت معقوله صار عنده حساس ....
جتي ركض امي تشوفني كاعده لو نايمه
بصوت ناصي : ملاك ملاااك كاعده يبعد عمري
ماردت تعرف بيه كاعده
ماريد ازيدها ألم فوك الي هي بي ..
تحركت كأني نايمه
بصوت همس كالت اييي الحمد لله مكعدت اشكرك ربي .. فتحت عيوني نص فتحه
شفتها كامت راحت تتوضأ
وكفت ع السجاده
واسمعها تبجي وتكول
ربي كلشي اخذت مني من صغري وخذت امي وابوي
وتزوجت غصب
وراحتي كلها راحت ويا واولادي وكرامتي
كلشي اخذ بس لاتشوفه لابتي الي شفته
اللهي لاتخلي قسمتها هسه تصير خلي
قستمها الزينه من تخلص جامعه
عندي بس هاي الاشوف بيها احلامي لاتعاقبني بيها ....
تحجي وتبجي وتون وكل ونه احسها تكطع نياط بقلبي كل دمعه تحرك عمري حرك
اووف يمه شكد صبرتي
وشكد تعبتي وهذوله اخوتي هيج يجازوج ...
بذاك الوقت تمنيت روحي ولد
وساعدها بكلشي
بس كلت اخاف اكون مثل اخوتي
لو اصير اتعس الحمد لله من نولدت ملاك ...
ماحس غير ايد وجتي ع كصتي تمسح بيها
كالت ملاكي كعدي يمه كعدي صار وقت الغده
من كعدت جانن عيوني مجمرات حمر لان الدمعه محصوره بيهن ومتطلع كالتلي شبيج يمه ..
كتلها ماكو شي بس يمكن نمت نومه عميقه ورمن عيوني وضحكت اي ضحكت
حتى اخليها تبتسم وضحكت وياي
كالت ديلا روحي غسلي حتى ناكل طلعنا لكينا
ابوي وخوتي ياكلون حتى منتظروا امي
هي متعوده اصلا بس انا قلبي وجعني عليها
وبداخلي اكوول الى متى ؟؟؟؟؟
#يتبع
أنت تقرأ
قريبا يا ملاكي
Roman d'amourقصة تحكي أوجاع أم لترى ابنتها في أعلى المراتب ، حاربت الجميع من اجل ملاكها الصغير .... تابعوا القصه باللهجه العراقيه 😊
