قريبا يا ملاكي

الجزء الخامس

امي :ماما سمر ع مرت احمد
بس اخذي جهالج وروحي لغرفة ملاك راحت البنيه بدون حجي ولا سؤال

دخلت سمر سدت الباب 

وحجت امي بس اول مره اشوفها هيج قوية وماخذه موقف ....

__ شوفوا يا اولاد
بطني احمد ومحمد ومصطفى وانت ياخالد
وانت اكثر واحد يااحمد يايمه تعرف الي عانيته
وتعرف شنو بداخل امك
ولانك رجل ومتزوج تقدر ،
عشت عمري كله ويا ابوكم بس أهاين
وضرب وكلكم شفتوني اشلون انضرب (تحجي وتبجي )
ابوكم عاداني بيكم
وانت يااحمد من راد يبطلك من المدرسه
وكفت بوجه وانت اجيت كلت يمه عوفيني
كلكم وانت بالاخص يامصطفى
من وكفت بوجه ابوك وكفت وكتلي ما ألج دخل ..
وهسه جاي انت وخالد تردون توكفون بوجه ملاك
ع دراستها لهنا وكافي
يمه مصطفى وخالد وكفتوا هواي بوجهي
بس هاي المره ماطول راسي يشم الهوه محد عليه بملاك ...

انا جنت واكفه وره امي حسيت بسند بقوه اصلا امي عامودي ماكدر اتحرك لو مو هي يمي

مصطفى ويصرخ : هي تشريد بعد صرف وانتي صرفين عليها ودراسه هاي كملت ثانويه وانتي مدللتها دلال

امي : ولك وكفت كبال ابوك وكلته خليي يكمل وانت
عارضت يمه احمد انا جذابه

احمد : لايمه حشاج وصدك كلنا ماردنا نكمل لان ابوي الله يغفرله مانطانا مجال نشم الهوه

امي : كم مره كتلكم خلو ايدكم بيدي واطلع من البيت

ونعيش طلعتوني مو زينه ومابيه حظ ،
وياما سمعت منكم حجي ....
ما ألمومكم  لان انزرع بيكم حقد ...
مو وكت هذا الحجي ولا وكت عتاب وياكم
بس الي اريد اوصله الكم اربعتكم سمعوني زين
وانت هم يمه احمد اكثر اخوتك تحن عليه وع اختك..
اختكم محد اله دخل بيها ولا بتربيتها بس انا ومن اموت عينك ع اختك ...

حتى بالجذب محد كال اسم الله بس احمد كال يمه اهدئي ، كافي

طلع خالد ومصطفى ونركعت الباب بقوه
وبقى محمد واحمد محمد صعد لغرفته
واحمد اجه حضن امي وكال لاتضوجين
طلعت سمر وجهالها وشبكتني وكالت الف مبروك وكامت تهلهل وضحكنا لحد مصار الليل طلعوا لبيتهم ...

ورحنا انا ومي للغرفه من طبينا وكفت كبالها وبس اشوف عيونها اركضت الها وبستها بكل مكان بجسمها
طبعت بوساتي ونزلت لرجليها وبس ابجي كتلها انا بلايج مااسوى شي وهي ترفع بيه
وتكول ولج كومي انتي فرحت عمري رحنا
فرشنا حتى نام ضميت روحي بحضن امي
ضعت دخلت عاالم وحلام تخبل اويلي ياحضنج
يايمه شكد بي ارتاح ...

والصبح كعدنا ومثل كل مره امي بالمطبخ وجيت اسوي السفره كالت لاتعبين
نفسج محد راح يتريك ابوج ماهو من امس
وخوتج زعلانين مني اجيت كتلها

__يمه اذا هذا الشي يأذيج ويأذي العائله خليني لهنا وخلص
_اشششششششش ابد متعيدين هاي الكلمه ملاك ، هذا حلمي قبل لايكون حلمج

__ يمه ماريد اأذيج

__ ولج ياااأذيه سعادتي من اشوفج مكمله واصله ورفع راسي بيج

حضنتها وكتلها هاي هيه يمه يتحقق حلمج ان شااء الله
اجت ايام وؤاحت ابوي كال لامي انه هو مزوج ماصارت اي ردت فعل بس كالت اله مطب لهذا البيت وهي عايشه وهو صدك خلاها بيت وحدها ...

وخوتي بقوا ميحجون ويا امي بس محمد واحمد ...

خطبنا لمحمد جان يحب بنت عمي
وصار الزواج وهم طلع بيت وحده امي ماجانت تريد جناتها يعيشن تعيسات تريدهن بفرح لان ضاكت اللوعه والحزن ....

مرت الايام وطلعن القببولات انا انقبلت صيدله ورغد تربيه ،

رغد ماكملت كعدت لان تزوجة وحامل تعبت ع السنه الي تجي كالت  تكمل بدت السنه الدراسية ،

طلعنا انا ومي للسوك من زمان ماطالعه مشاوير فرحت
صدك بوقتها اخذنا اخوي
احمد بسيارته شتريت جبب تخببل
وشالات امي كلشي اخذتلي كالت
اريدج احلاهن وانتي اكيد ههه  ....

يتبع 😊