للكاتبه: هديل فراس
#hdeel-fras
فزيت علـّۓ. صوت المنبه ....
طفيته ودرت وجهي لكوثر بستها وكمت ... اخذت ملابسي ورحت سبحت وبدلت ... ورجعت للغرفه لكيتها بعدهي نايمه رحت اكعدها ...
- كوثر .... كوثر
- همممم
- يالله حبيبيتي كومي كعدي يالله تلحكين تبدلين وتتريكين وترحين للمدرسه ...
- اي هسة اكوم
- ماكو هسة يالله كومي ترى 7:00 هسة يالله تلحكين
- باجر اروح مُـ (⊙︿⊙) ـآآبـِيه الًيَوُمًِ اروح
رحت سحبتها م̷ـــِْن الفراش وكتلها
- بلا حجي زايد ... يالله امشي كدامي ...
خطيه كامت وهي مفتحه عين ومغمظه عين واخذت ملابس المدرسه وراحت للحمام ... حظرت غراضي واخذتهم ونزلت جوه ...
كعدت علـّۓ. صوت سامر ينبهني اكوم ... كمت والنوم بعينوني ... ماردت اروح لان جنت خايفه ... بنفس الوكت مشتاقه لايام الدراسه... خايفه يسألوني لَيــِْ♡̷̴̬̩̃̊ـِْش. ماداومت ... خايفه تعرف المدرسه بقصتي ماادري.... المهم اخذت ملابسي وسبحت وبدلت ورجعت للغرفه مشطت شعري ولبست حجابي واخذت جنطتي ونزلت .... لكيت سامر وعمتي وعمي كاعدين يتريكون ... صبحت عليهم وكعدت يم عمتي ... شربت جاي بس لان اخطيه ماخلتني اطلع واني ماماكله شي ... شوي ونزلت زمرد ... زمرد صف سادس ادبي بس مو نفس مدرستي لان هي درست بثانويه وتعودت عليها فماغيرتها .... المهم صبحت علينا واجت كعدت تتريك وظلينه نسولف ...
- يالله كوثر أإأذأإأ خلصتي كومي خليني اوصلج
- لٱ مايحتاج هاي المدرسه خطوتين بس
- لايحتاج ... أإأذأإأ خلصتي كومي
سلمت عليهم وكمت ... طبعآ صدك مايحتاج يوصلني لان المدرسه بدايه الفرع بس قريبه يمنه كلش ... المهم طلعت وشفته راكب بلسياره ... صعدت وكتله
- ترى خطوتين مايحتاج توصلني
- لٱ يحتاج .... واريد احجي ويامديره المدرسه شوي
- لَيــِْ♡̷̴̬̩̃̊ـِْش. ???
-نوصل وتعرفين ....
هزيت براسي بأي ... دقيقتين وصلنا ... حسيت بخوف مو طبيعي واخاف ادخل .... بعدين اجى سامر يمي كض ايدي حسيت بشويه امان قل الخوف
- لاتخافين ترى ماراح يصير شي ... يالله تعالي ندخل للمديره ...
هزيتله براسي بأي ودخلنه ... اول مادخلت طفرت علي وحده وحظنتني ... ماعرفتهة منو لان مالحكت اشوفها ... شويه وخرت وشفت زهراء هل مَـرّھٌ اني الطفرت عليها وحظنتها اقوه ... صرنه ثنينه نبجي لان وحده مشتاقه للثانيه ...
