ابناء العم

المقدمه

مرحبا رجعت وياكم من جديد بقصة جديدة عنوانهة ابناء العم معكم مريم التميمي اتمنالكم اوقات ممتعه مع قصتي الجديدة نروح وياكم وصاحب القصة همام 😜هو راح يحجي قصته الكم

السلام عليكم اني همام ابن شيخ سعد وحفيد الشيخ توفيق احجيلكم شويه عن جدي شيخ توفيق جدي شيخ توفيق يحب يكون عنده خلفة هواي وخاصة يحب الولد مو معنى هذا جدي ميحب البنات ما اريد طائفية بهذا  ه بمرض بوكته ما نسى اللي صار بجدتي تغيرت تغير شامل صارت ما تطيق البيت وجسمه نحل وبدت عليه اعراض نفسيه جدي ما خلى دكتور ما زارة حتى يعالجه لكن للاسف جدتي بلوة ماتت واخذت كلشي حلو وياهة  وجدي تحفظ على موضوع وفاته يمكن جدي كان يعرف سبب وفاته شنو لكن تكتم على الموضوع ورة وفاته جدي تغير وصار قاسي ويه الكل ما عده اولاد جدتي بلوة وكذلك هجر بقية نسوان كام ما يتقرب منهن بس مجرد يروح يطمن عليهم ويرجع وبس بوكته صارت حساسيه بين عمامي اللي هم اخوت والدي من ابوه وبقت هاي الغيرة والحساسيه بينهم  ابويه سعد كان هو اكبر اولاده
وعمي سالم الثاني وعمي سعيد الثالث وعمي ساري عمي الرابع وعمي سليم هو الخامس كانت علاقتهم كلش حلوة تحسهم مو بس اخوة تحسهم اصدقاء وعلاقتهم كانت طيبة بينهم طبعا كل واحد من عمامي عنده اربع ولد ونتمنى لو يصير عدنه بنيه بالعشيرة وحاليا مرت عمي سالم حامل واني متأكد عمتي بيه بنيه اني متأكد كلبي حاسس انو اخيرا راح يصير عدنه بنت وهاي اني محظر اله اسم راح اسميه عشق وهي الي اني حجزته قبل لا يحجزونه 😜😂
دخلت للقصر بالصاله الكبيرة لكيت البيت مخبوص
همام ..ها عمه سعاد شكو
العمه ..حبيبي عمتك هند راح تجيب ولازم ناخذه للمستشفى
جان الكل كاعد وعماتي مخبوصات يحظرن تجهيزات الطفله وغراض عمتي اني صحت بصوت عالي
همام ...اخيراااااا راح تجي مرتي عشق
الجميع ..ههههههههههههه
عمي سالم ..ها ولك من هسه محظر تحجز
همام ..اي عمي من هسه بنتك الي
عمي سالم ..بلله طلع ولد
همام ..لاعمي هاي بنت واسمه عشق
عمي سالم ..ها ولك ومحظر اله اسم
همام ..اي عمي اني حاس هاي عشق عشقي راح تجي واني هم اروح وياكم اريد اول واحد تسمع صوته اني
ابويه سعد...وين رايح بويه خليك هنا
عمي سالم ..لاسعد ناخذ ويانه وهاي كدام الكل اذا طلعت بنيه اني انطيه لهمام
الجميع ..جا خوش على بركه الله
كامت عمتي هند تعيييط بصوت عالي يلا الحكو عليه
كمنه نترادم واحد بالثاني عمي سالم وعمتي سعاد وهند صعدو بسيارة واني وبابا وماما بسيارة الثانيه ولحكناهم وصلنه للمستشفى
ودخلن عماتي وامي وياهة وظلينه اني وابويه وعمي
وبقينه ننتظر لحد ما طلعت عمتي سعاد تضحك وصاحت عليه رحت اركض اله هاي عمه بشري
عمتي سعاد ..مبروك وليدي اجت مرتك عشق
اني بوكته طاير من الفرح اخيرا اجت عشقي وروحي ومرتي
الفرحه كانت كلش جبيرة بكلبي رجعت لعمي ووالدي بشرتهم
طبعا دخلنه عمتي هند جناح خاص وكدرنه ندخل
نشوف عمتي وعشق سبحان الخالقه البياض والعيون والشعر الاسود نسخه من جدتي بلوة عشق نسخه منه بالجمال سبحان ربي الخالقه شلته بيدي وكبرت باذنه ظلت تحوس بيدي شالته عمتي سعاد وانطته لامه حتى ترضعه واني من هل اللحظه كلبي انشغل بيه  وخايف عليه 
راح عمي سالم هو وابوي كملو الاجراءات وطلعنه من المستشفى وطبعا سموهة عشق مثل ما طلبت
ورجعنه للبيت فرحانين بجيت عشقي وجدي اجه شافه جان كلش فرحان بيهة ومن شافه حيل فرح لان عشق ماخذ علوم جدتي بلوة ما مخليه شيء منه حسيت جدي طاير بيهة وعمامي ذبحو الذبايح والتمو عمامنه وولد عمامنه كلهم البيت انترس الكل يبارك النه بجيت عشق واني حاس روحي طير من الفرحه مكابل عمتي وصافن على  عشق كلما تصير فرصه اشيله واخليهة بحضني وعماتي يشاقن وياي يكللي ها همام من هسه كلبك يرجف عليهة
اني ما مهتم اهم شيء عندي عشق صارت الحلم اللي تمنيته صار طبعا من صارت عشق جان عمري عشر سنوات  خلص هذا اليوم وكلمن راح لبيته واني هم رحت لغرفتي نمت لان باجر عندي دوام وانتم هم روحو نامو وباجر اكمل الكم قصتي ويه ابناء عمي وحب الطفوله عشق

اسفه هذا البارت قصيرة باجر اعوضكم ببارت اكبر