Our souls need this

Our souls need this |2

~• غادة •~

النهاردة اليوم التاني من بعد ما قابلت فادي ، هو انسان لطيف اوي ، وشكلي أنا وهو هنكون صحاب.

لبست هدومي ونزلت عشان أتمشى ، قبل ما ابدأ مشي بصيت للمكان اللي كنت قاعدة فيه مع فادي امبارح ، لقيت حد قاعد وعاطي وشه للبحر وضهره ليا ، ابتسمت عشان عرفت انه فادي ، وبدأت امشى عشان اروحله

مشيت شوية بس حسيت اني عماله ادوخ ، بدأت امشي بسرعة عشان اوصل لفادي قبل ما يحصل لي حاجه ، والحمد لله وصلت.

فادي "ايه ده غادة مالك ؟"

انا "مش عارفه ، انا حسيت اني دايخه فجأه"

فادي خدني وقعدني جمبه على الصخرة.

فادي "هو الموضوع دا بيجيلك كتير ؟"

انا "لا ، اول مره تحصلي"

فادي "طب قوليلي عنوانك عشان اوصلك !"

اتوترت شوية ، انا حياتي علمتني اني ما اثق في حد على طول ، طب انا اقوله دلوقتي اني مش تعبانه واقعد ؟ ، ولا اقوله العنوان عشان يوديني عشان انا بجد مش هعرف اروح لوحدي ؟

أنا "عنواني ..... "

فادي ابتسم "ينفع تبقي ساكنة جمبي وماتقوليليش ؟"

انا "بجد ؟ طب انا ما شوفتكش قبل كدا ازاي ؟"

فادي " مش عارف ، بس انا لما شوفتك حسيت اني شوفتك قبل كدا"

انا ابتسمت بغرابه "ممكن"

فادي "طب يلا بينا ولا ايه؟"

انا "يلا"

فادي قومني ولف ايده حوالين ايدي عشان يسندني ، ابتسمتله عشان لطافته دي وهو كمان ابتسملي

بس في حاجه غريبة ، فادي كان بيقولي انه عنده عربيه ، ليه ما ركبناش فيها ودا تقريبا اكتر وقت محتاجينه فيها ؟

ما سألتوش وخليتنا مكملين مشي ، واخيرا وصلنا بعد ما انا كنت خلاص هموت

فادي "آهه.. ، غاده ، اركبي انتي المصعد وانا هجيب حاجه وبعد كده اطلع ، عاوزه حاجه ؟"

انا "لا شكرا يا فادي ، معلش تعبتك معايا"

فادي "لا تعب ولا حاجه ، يلا سلام"

سلام يا فادي ، يا غريب !

***

ازيكوا يا جماعة  ، معلش انا اتأخرت في التنزيل بس كان فيه عندي ظروف ، ان شاء الله يعجبكم ❤