Our souls need this

Our souls need this|1

صباح جديد ، المنبه بيرن ، بيعلن ان الساعة بقت ٧ صباحاً.

في مدينة الأسكندرية ، عروسة البحر المتوسط ، شباكين ، واحد بيطُل على البحر ، والتاني بيطُل على قلعة قايتباي بس من بعيد.

•~ غادة ~•

صحيت على صوت المنبه ، قمت من على السرير وأخدت دُش ولبست ونزلت اتمشى قُدام القلعة ، مكاني المفضل اللي في أي وقت تلاقي زحمة ، حتى بعد ما القلعة تقفل ، الزحمة بتفضل موجودة.

الزحمة جو جميل واحساس اجمل ، احساس اللمة اللي مفتقداه من وانا عندي ١٥ سنة ، وانا دلوقتي عندي ٢٣ سنة ، ولسه مفتقداه !

وقفت بعد ما رجلي وجعتني من المشي ، بصيت في الساعة لقيتها ٨ ونص ، اتجهت ناحية البحر وقعدت على صخرة من الصخور اللي قدام البحر ، وحسيت اني عايزه اغني ، الاحساس طغى عليا وحسيت اني لو ماغنتش هموت ، فبدأت أغني وما اهتمتش للزحمة اللي جمبي ولا للناس اللي هتسمعني دلوقتي.

Between the here , between the now
Between the north , between the south
Between the west , between the east
Between the time , between the place
From the shell
The song of the sea
Neither quiet nor calm
Searching for love again
Mo ghrà °°

سمعت صوت حد جانبي بيصقفلي.

- صوتك حلو بس لحن الأغنية رعبتي !

ابتسمت رغماً عني ، هو معاه حق فعلاً ، انا ما بحبش لحن الاغنية دي ابداً ، بحس اللحن غامض وانا اكتر حاجة بكرهها في حياتي الغموض.

أنا "شكراً لكلامك ، وآسفة لو ضايقتك بلحن الأغنية"

- لا ضايقتيني ايه بالعكس حلاوة صوتك طغت على لحن الأغنية المخيف ، انتي بجد صوتك مدهش

كلامه احرجني فاكتفيت بالابتسام.

- انا فادي ، وانتي ؟

أنا "غادة"

فادي "اسمك حلو يا غادة ، انتي جاية هنا لوحدك ؟"

أنا "اه لوحدي ، باجي هنا كل يوم لوحدي"

فادي "ما انا لاحظت كده"

أنا "مش فاهمة !"

فادي "عشان انا كمان باجي هنا لوحدي كل يوم ، وبشوفك برده كل يوم"

بصيتله وابتسمت وهو ضحكلي وبعدين بصينا احنا الاتنين للبحر.

~•~•~•~•~

Between the winds , between the waves
Between the sands , between the shores
From the shell
The song of the sea
Neither quiet nor calm
Searching for love again

~•~•~•~•~

Hello
This is my first story
I hope you like it 💙☁

• فَيرُوزَة •