شرطي وشرط اهلي اكمل دراستي ومن شنو تخاف اخونك لو اعوفك صار ١٠ سنوات حب مافكرت اتركك هسه اجي اعوفك وابيعك بسهوله واشوفلي واحد بلجامعه زين اني رايحه اعرس لو ادرس
اياد: مو هيج الحجي بس اخاف عليج من عيون الزلم
ربى: اني عانيت وتبهذلت بدراستي ومن قررت اثبت نفسي انت توكف بطريقي
اياد: اني أمرج ماكو جامعه
ربى: اكو واداوم واذا مايعجبك عوفني
اياد: اها صايره قويه وبسهوله تتخلين عني
ربى: لان بسهوله صاير تتعارك ومتغير ليش
اياد: وعيونج اموت عليج وماعندي غيرج انتي كل حياتي بس خايف وتعبت من حبنا اخاف هم نفترق وتصير مشاكل واحنه بلكوه انجمعنا
ربى: لاهيج دكول صمله علينا
اياد: احبج
ربى: نفتح كامره لو يمك احد
اياد: شوي وافتح كامره لان يطبون ويطلعون
ربى: ما كوم اريد هسه اشوفك مشتاقتلك
اياد: اوك
وبقينا نسولف ويغازلني
مشاكلنا بنفس الوقت نحلها مانكدر على الزعل والفراك
لكن اياد طلباته مستحيله وتعجيزيه
حاليا مخطوبين بعد معاناة حب وغرام
ومشاكل بين الاهل وبينا
الى ان روحنا راحت وكدرنا ننخطب واخيرا
قررنا مانطول بخطوبتنا بس يرجع من السفر نزوج
بيومها فرحانه وكل ساعه انزل منشور او اراسله وارسله صور غرام
انتبهت هوه ساكت عرفته زعلان وضايج ماافهم شبي
اتصل عليه
ربى: هلا
اياد: هلا والله
ربى: شبيك اياد اليوم مو طبيعي
اياد: هاي شنو جديده سالفة مو طبيعي
ربى: احجي الي بكلبك
اياد: ربى اطلب طلب
ربى: عيوني وعمري الك
اياد: مشتاقلج واريدج بعد ماتحمل
ربى: ياعمري الله كريم مابقى شي
اياد: ربى بربج شنو الله كريم افهمي اتصل عليج كامره لابستلي شداشة حبوبتج قدريه وشايله شعرج ولا مهتمه بيه ودكولين هذا خطيه
ربى: بس بلنهار وثانيا انت تحبني بطبيعتي
اياد: اعرف احبج بس اتمنى تلبسين وتخابريني تفاجأيني ولبس جريء اريد
ربى: رجعنا لنفس الموال الجريء مااحبه وجاي البس تراكات وقصير ودلع بعد شكو يعني مامقصره وياك
اياد: لابسه كلبية ابوج وكاصتها شويه من جوه ودكلي مامققصص فقط:
صره وياك
ربى: ههههههه شنو المطلوب لبس جريء مرفوض وروح نام ياابني
اياد: ولج شنو انام زعطوط يمج
ربى: هههههه والله بطران ماادري ابوك وامك معلميك على الرومانسيه والجرأه الله يرحم احجي لو اسكت احسن ابن فيحاء
اياد: اسكتي عمي اسكتي اني شورطني اطلب حتى الاشتياق شرد من وره لسانج
ربى: والله طالعه عينك
اياد: انتي انتبهتي هسه ترزلت منج لو لا
روبا: ههههه لا حشاك حبيبي شعندي غيرك خلي افتحلك كامره
اياد: مااريد كامرتج اكو غير الاحتشام واباوع بس على القماش عبالك مزوج طول اقمشه
ربى: ههههههه اي قلد قلد اروح انام اذا ماكو كامره لان صبح اطلع اشتري ملابس للجامعه
اياد: شنو ملابس شدعوه مستعجله
ربى: فرحانه واشتري من بابا
اياد: انجبي شنو بابا لعد اني شكو بس قصدت مستعجله على الجامعه
ربى: اياد فهمني قصة الجامعه ليش فجاه رافضها ومخنوك منها مو قبل انت شجعتني على الجامعه
اياد: مااعرف ربى من شفت صارت جد خفت عليج
ربى: من شنو
اياد: من عيون الشباب وسوالف الجامعه والنفاق والاساتذه والضحكه ولازم تسلمين وتسولفين ولابد تصير سالفه او ضحكه ويه الولد وماتعرفين شلون يباوعولج
ربى: على اساس انجلينا الي اداوم
اياد: لاتسكتيني مخنوك من هلسالفه وافكر بيج وانتي فطيره وماتفهمين للدنيا لاعبالج ناضجه لسانج بس يمي
ربى: انت وياي لهذا اشوفها سهله وانت زوجي وخيالي وظلي وبعلي وكل حياتي
اياد: يله حبيبي روح هسه صاحوني شوي ونتخابر
روبا: ماشي اذا نايمه كعدني
اياد: اكيد وللصبح حتى مااطلعين الصبح
روبا: ههههههه باي
شوي واسمع ماما تصيح
ماما: ربى ربى
نزلت
ماما: مو اصيحج
ربى: صدك عبالي مو الي
ماما: انتي شسمج
ربى
اسمي ربى دلوعة اياد ولساني طويل ومشاغبه وبنفس الوقت تعلمت الحرص بس يسموني بخيله
متوسطة الطول لاسمينه ولادبدوبه ولارشيقه متوسطة الجمال صاحبة غمازات وعيون كبار
عصبيه وانفعل بسرعه فقط الي احبهم ماعندي صبر ولا طولت بال
اياد خطيبي طول ضخامه شخصيه حلو ومعتني بنفسه😒 عيونه ملونه وصاحب ضحكه وابتسامه تذوبني طيب القلب يساعد الكل ومبذر بلمصاريف ومايهمه شي وبلذات مبذر ويه بمشاعره ويه البنات مايكسر قلب بنيه المسكين
وغيور بجنون لدرجة لا توصف
حاليا مسافر يدرس بروسيا بس دراسته وسفره مامنع خطوبتنا وزواجنا
علاقتنا دامت ١٠ سنوات والحمد لله الله جمعنا ونخطبنا ولكن شفنا صعوبات وكنت متوقفه دراستي بسبب ظروف والحمد لله تغلبنا عليها اني واياد وقررت اكمل ونقبلت بلجامعه اداب علم النفس
حياتي تغيرت وضحكتلي الدنيا من نخطبت لاياد دراستي و زواجي الي اتمناه واتحقق الحمد لله و شفت نهاية حياتي حلوه وسعاده وانتهت قصتي لحد هنا
لكن ماتوقعت هذه البدايه ومشواري الحين ابتده ويه اياد
