بعد ٥ ايام واخر ليله أياد يمي
أياد: وين رايحه
ربى: انزل اكل جوعانه
اياد: اهواي تتحركين ومشاغبه ولا مبين حامل
ربى: ليش تظلمني مو بس يمك كاعده
أياد: تعاي يمي اريد احجي وياج
ربى: شكو
أياد: ديربالج على ابني
ربى: وانت هم ديربالك عليه مو تسافر وتتعارك وتزعل وتعذبني
أياد: ربى صدك اريد احجي وياج
ربى: شنو
اياد: ليش من اشتاق ماتقبلين
ربى: انت هسه مو كدامي ورغم مريضه وممنوعه عنك وماقصرت وياك وانت ماتقبل تتقربلي واني اتعارك وياك واتقربلك بعد ليش مااقبل
أياد: ولج بلموبايل مو هنا
ربى: اياد سالفة الموبايل انساها حباب
أياد: قنعيني
ربى: تره انت مقتنع وجبير وفاهم بس رغباتك الي تصارع الحقيقه وتعاند نفسك
اياد: ايباه
ربى: شوف عيونك مبين مقتنع لاتخجل مني
اياد: ربى
ربى: اهووو ح تخلصها مشاكل واليوم اخر ليله اريد اشبع منك
اياد: صار ٥ ايام تقشمريني اريد اشبع واريد اشبع
ربى: ماتاخذني وياك خليني بلجنطه وبليل طلعني بوسني ونام وياي وبعدها الصبح رجعني ضمني بلجنطه
أياد: هههه ماخذ لعابه مو زوجه
ربى: المهم كل ساعه تبوس ها شكلت حباب حباب اياد بداعتي بداعتي اخذني يله اكوم اختل من هسه
أياد: ههههه خبال حتى خبال انتي شكولات ام
ربى: انت الاب مو اكوم انزل احسن
أياد: قبل شوي اكلتي ح اطكين من الاكل تعاي بحضني لاتنزلين
ربى: جوعانه
أياد: احبك ياحلو لاتتركني
ثاني يوم سافر واخذها لروحي
ماتحمل فراكه
ويومين ورجع على نفس القصه وتعاركنا
هلمره كبرت مشكلتنا
ربى: تعبت ومليت
أياد: اني هم لعبت نفسي ومليت منج
ربى: اياد من سافرت زاد الالم عليه ومااكولك حتى ماتنقهر
أياد: طبج مرض
غلق الموبايل ومانتخابر
بليلتها بجيت ونقهرت من تصرفه وكلامه
معقوله اني خطأ وهوه صح
كثرت مشاكلنا وتعبت منها
ومليت من تصرفاته وطلباته
هو ايضا تعب من رفضي
الفجر كمت ألوب ألم ولعبان نفس
ماما: شبيج
ربى: مااعرف مخنوكه ماما
ماما: عادي كل حامل وياماما لاتفترين مايصير
ربى: ألم موتني
ماما: اوووف ياربى نصحتج لايتقرب لايتقرب وانتوا مخابيل
ربى: لاتعاركيني حبابه واني نفسيتي زفت
ماتحملت كمت ابجي نهاريت
ماما: ولج شبيج
ربى: تعبانه حامل ونفسيتي تعبانه ومحتاجه أياد واياد بس يتعارك وياي خانكني مثل الحبل وشاده بركبتي ويخنكني ليش بس تلوموني ومحد مقدر وضعي
ماما: وشبي وضعج
ربى: عروس وزوجي بعيد وحامل ومهدده بلاسقاط والالم يموتني وبارحه تعارك وياي ولا كأنه مرته وام ابنه
ماما: الله كريم هوه هم مقهور انتي بعيده عنا
عفتها وصعدت ماكو فائده من كلامي
الكل يضغط عليه
بعد ماتحمل دخلت للحمام
حسيت شي غريب قطعه وكعت مني
خفت وكمت اصيح ماما
ربى: ماما ماما تعاي
ماما: شكو
ربى: بس لا مات ابني شي وكع
كمت ابجي وخايفه حسيت فقدت الجنين
ماما: كومي ناخذج للمستشفى
ربى: مااروح مااريد
ماما: كومي ربى
ربى: عوفيني مااكدر اكوم خليني انام
