واشتريتهن الج
ربى: ههههه ياريت هيج شفايتلي
أياد: بضميرج بهيج ليله شنو يحجون العرسان بلربع وال ٢٥ انتي مقتنعه هذا كلامج
ربى: انت السبب
أياد: باجر شسوي الج شدكولين
ربى: نبيع الحمره بلفندق للعرسان بلكه يمشن
أياد: ههههههههههههههه والله ابد ماصيرلج جاره هي كوه
ربى؛ ههههههه تخيل انت محتار بلبوس واني ادك بلغرف منو يشتري هلحمره
أياد: حتى اول شي يغموني ويغمون حظي وثاني شي يدكوج دكه محترمه عبالج مثلج نسوان مكابلات السحوره على هذا اليوم وانتي مكابله الحمره وتبيعين
ربى: ههههههههههه
اياد: احبج
ربى: اموت عليك
اياد: ماتبوسيني
ربى: اذا اخلي حمرتك ماابوس ولا اشرب ولا اكل واسد حلكي من الصبح لليل واصوم ٦ اشهر عن الكلام
اياد: باجر اول شي اسوي امردها مرد واشمرها
ربى: حتى اشمر روحي وراها
أياد: والله تسويها عبالج ماتسويها لعد اله اقهرج بلزايد
ربى: بشنو
اياد: مو ب٢٥ سعرها الحقيقي ب ٦٠ دولار
ربى:😲
ساعه ب ٥الفجر
ربى: نعست اريد انام
أياد: لا بداعتي مااشبع منج شويه ابقي
ربى: تره ماما اذا تكعد وتلكاني كاعده تموتني
أياد: ليش يابه كاعده ويه زوجج وبس اليوم انتي ملكهم
ربى: هههههههه يله خليني انام اريد ارتاح
أياد: ح اعوفج حتى ترتاحين باجر ولا دقيقه تنامين
ربى: هههههههههه قصدك اليوم
أياد: مامصدك انتي الي وبحضني احس هذا حلم اتمنى أكل الدنيا من الفرحه
ربى: اكلني بس اني الدنيا شكو وبيها بنات لاضوجني😡
أياد: ههههه اموت عليك من تغار
ربى: اكلك اذا صبح كعدوني ولكوني ميته انت السبب هسه ح اكتب وصيتي وانام لان والله والله غصه بكلبي ويوجعني كلبي
أياد: ليش ربى لاتخوفيني عليج
ربى: على ال ٦٠ اووووف اروح انام بلكه انسى
أياد: بوسيني وانسي لا اموتج بداعتي
ربى: ماشي يله باي أحبك
اياد: باي حب
تركني انام وارتاح وافكر
هذه حياة جديده الي يارب ح اتهنى لو لا
ألهي اسعدني ولاتبعدني عن أياد
كمت صليت ورجعت لفراشي اسبح بلسبحه وادعي الى ان غفيت
الصبح ماما كعدتني فرحانه ودمعتها بعيونها
ربى : يا صدك ماما تبجين على شنو اشو يمج من يسافر يمج يمج يعني ماافاركج
ماما: اي ياماما ابجي فرحانه الج مو لفراكج وانتي الوحيده ماابجي على فراكها لان اعرفج لزكه اطلعين اكلج وشربج براسنا
ربى: هههههههههههه فديت الحلو
ماما : اخوتج سافروا وتركونا وبقيتي انتي ومعذبتني بخلج ودنياتج وحظج
ربى: ولا يهمك ياجميل من اليوم دنيتي وحظي يضحكولي
ماما: ان شاء الله ربي يسعدج وماما اياد رجال بمعنى الكلمه دلليه وديربالج عليه وتحملي غيرته عليج وبساعة العصبي سكتي بسوالفج الحلوه انت حبي وماالي غيرك وانت سندي وعزوتي واحبك اكثر من اهلي هو يتخبل عليج ويحبج ويدللج ووفريله كل حقوق الزوجيه قبل مايطلب منج حافظي على اسراره وبمشاكلكم لاتسولفين ولاتحجين وعلمي هوه هم كتوم كلشي يصير يبقى الكلام بغرفتكم مايطلع واذا جرحج لاتزعلين وتجينا ازعلي بغرفتج ولاتسامحي بسهوله حتى يعرف قيمتج زين
ربى: هيج حظي مثل حظج ويموت عليه مثل بابا وينفذ كل طلباتي عمي والله حظج من حظ ماصاير عند أي مره غيرج
ماما: يا اكو بنيه حاسده امها
ربى: انتي تنحسدين ينحسد العالم وانتي ماتنحسدين شبي يباوع لحلكج ولا طلب يرفضلج ياخيه طلعتي بهلسوالف كاسبه الرجال عمي والله دنيا حظوظ
ماما: اكدر اسكتج لان عيب عروسه بيوم عرسها تنضرب من امها
ربى: ههههه تسويها واذا ماتسويها رجلج يسويها حتى يرضيج اعرف حظي
وكامت ضربتني واشاقه وياها وتضرب بيه واضحك عليها
بابا يحب ماما بجنون ومايرفض طلب الها
صفة بابا الحلوه يحبنها اكثر من نفسه
مايتحمل زعلنا او احد يضوجنا دللنا اني واخوتي وماما
يفدينا بروحه
تحظرت لأياد ولبست وتمكيجت
حظرت جنطتي وملابسي وملابسه سوه
ب١١ اتصل عليه
أياد: العروس الحلوه كملت
ربى: تقريبا
أياد: تدرين مانايم وخفت صدك يصير بيج شي بسبب سعر الحمره
ربى: اذا هيج تحبني شكو اشتريتها
أياد: هههههه فكريه هي كوه
ربى: هههههههه خوش دلال هو هذا دلالك
اياد: اكيد لا حبي اضحك واشاقه وياج
ربى: كلبي يدك واخيرا اني وياك بغرفه وحده
أياد: اي طلعي سوالفج طلعتي ميته على العرس
ربى: هههههه وحد ليش مااموت اياد زواجنا عادي اليوم اريد بلفندق نعيش ونسوي احلى عرس الي والك بداعتي اريد ليله مميزه ماننساها العمر كله
أياد: محظرلج مفاجأه واسف حبي اعرف مقصر وعيونج بس الامور تهدء اعوضج نسافر نزوج من جديد
ربى: شوف اثنين الي يسعدني وياك
اياد: شنو
ربى: تحبني وماتبعدني عن حضنك والشي الثاني لاتبذر
أياد: هههههههههههه ح اعوفج اكمل لان اذا ابقى سالفة الفلوس ماتخلص من لسانج
ربى: أوك واياد اريد توعدني ماتخجلني اليوم احلف
أياد: هههههههه ماشي اوعدج وداعتج شنو الي يرضيج سويه الليله كلها ملكج
ربى: مو بعدين تنكر
أياد: ابد دااكلج وداعتج شبيج ربى انتي غاليه عليه
ربى: اروحلك فدوه
ب ١٢ اجوي اخذوني زفه سكته
طلعت من بيت أهلي واياد يسوق السياره
شكله يخبل
كاعده يمه ويسوق ويغني
كلبي يريد يطلع من روحي الفرحه الي بيها اني مامصدكتها
ابتسامتنا مامتفاركه واصور بلموبايل ونغني
من النوع خجوله ويه اياد
بلسياره تجرأة وبسته بخده بدون مايطلب
ووصلنا للفندق
أياد: لاتضحكين ولا تباوعين امشي مدنكه
ربى: هاي شنو ليش يابه مجرمه
أياد: 😡 تعرفين مااقبل
ربى: هههههه اي الليله ملكي مو اياد
أياد: هههه بلغرفه مو بره
ربى : اوك أياد
نزلنا وأيدي بأيده شكد حلو
ووصعدنا بلمصعد والموظف ويانه وكل ساعه يباوعلي اياد ويغمزلي لو يعض بشفته يضحكني
دخلنا الغرفه
بقيت واكفه ماقبل ادخل للسويت
ربى: تجنن هذه الغرفه هيج اكو بلعراق والله مطورين العراقيين
شالني ودخلنا للغرفه
كلها ورد وشموع وجو رومانسي يجنن
احرفنا بلفراش
تفاجأة بلغرفه والترتيب
ربى: تجنن انت موصيهم
أياد : أكيد
حضنته ودمعت عيني
أياد: ابد لاتبجين ولا تنزلين دموعج بد
