بليل خابرني أياد مثل كل يوم
اني لابسه ومتحظره ومنتظرته
اياد: هلااااو
ربى: هلا والله هلا وغلا هلا بيك هلا وبجيتك هلا ياهلا وكل الهلا ياهلا ومية هلا
اياد: هههههه جاي تدربين على النونو بيه
ربى: لا انت نونو حياتي عندي غيرك
أياد: ااااخ اااخ مشتاقلج
ربى: اني ماتحمل شهور وترجع اول اسبوع واريد اموت بليل انام واني مو بحضنك اووف والاحلى بليل من نايم وتفز تبوسني مخنوكه
أياد: شنو لابسه خلي اشوف
كمت وافتر وامشي ويباوعلي وياشر لفي
ربى: كافي تعبت عرض ازياء
اياد: هذا ماشايفه شو مالابسته الي
ربى: يا😲 لابسته شنو ماشايفه طلعت تكذب عليه من البس واسالك حلو تجاملني
أياد: ههههه لا ولج اذكره بس اشاقه وياج اريدج دكومين اشوفه
ربى: اياد مشتهيه باجه
أياد: هههههههههههههه
ربى: والله شبيك مشتهيه باجه وظلوف وكرشه ورارنج ولبن اربيل وطرشي احمر افيييييش ياربي
أياد: ربى مشتاقلج دكليلي باجه
ربى: اني مشتاقتلك وابنك ابو نفس الدنيا مشتهي
اياد: الحمد لله ابني على ابوه طالع مبذر مو بخيل على امه هذه خوش علامات
ربى: ماعاجبتك مو
أياد: يومين ويمج الباجه اني اخابر واوصيهم بعد شنو تريد ياعسل
ربى: بعد الباجه تحلايه من الخاصكي حباب
أياد: انتي متاكده ربى زوجتي ولج خاف وحده ثانيه لو متلبس بيج جني مبذر يتشهى وينطق لسانج
ربى: ههههه حبي الباجه صغيره ام نفر
أياد: ههههه وألي وياج شنو موقعهم
ربى: بس اني حامل ههههه
أياد: اي هسه انتي مرتي الحلوه
ربى: غنوجة اياد ودلوعته وحبيبته وحبه وحياته وكل عمره ومشتاقتله واريده وبداعتي ارجع لو اخذني وياك تره ماتحمل بعد فراشي كارهته
أياد: لاتقهريني واني مهموم
ربى: لعد ارجعلي حرام عليك ماشابعه منك وسافرت
أياد: ربى مشتاقلج
ربى: ياعمري
أياد: ربى اريد اطلب طلب
ربى: روحي الك
أياد: ربى اريد تجرئين وياي اكثر بداعتي
ربى: شنو
أياد: يعني
ربى: لاتكمل اكيد تخبلت بلموبايل أياد سوالف بايخه
أياد: انجبي مو بايخه واني زوجج وأمرج
ربى: والله تحلم ومستحيل
أياد: ربى😡 سوي الي اريده
ربى: مااقبل وماتحمل اتصرف تصرفات رخيصه
أياد: شنو رخيصه يعني اني رخيص
ربى: انت رجال واني مااحب هلسوالف بلموبايل وحرام ويله روح باي اولي انام
أياد: انجبي ومن غصبن ماعليج تسويلي
ربى: ما
أياد: ربى لا تخبليني اني زوجج ومشتاقلج ومن حقي
ربى: ما ابد لو يذبحوني اوووي لعبان نفس ما
أياد: ربى
ربى: مااسوي شي حرام
أياد: انجبي اني زوجج
ربى: مو يمي لاتضحك على نفسك وانت تعرف من انت يمي مااقصر وياك ومدللتك بس بلموبايل مستحيل لا لا لالالالالا لا ابد
اياد: اوكفي ولج اكلتيني وشربتيني ربى حبيبي احنه مزوجين وحلال
ربى: سؤال
اياد: جواب
ربى: من يمي سعيد بلفراش لو لا
أياد: اسعد انسان وذاك اليوم اعترفتلج صدمتيني بدلعج وسوالفج رغم بلخطوبه عذبتيني
ربى: يعني اني الشي بلعقل احبه وأسويه
أياد: وهسه تختلف تزوجنا
ربى: اي وشوف شنو البس وادلع عليك كدام الكامره بلخطوبه منين اكو هيج هسه انت زوجي بس طلبك الجريء مااقبل
أياد: مو حرام
ربى: تضحك على نفسك حرام ومليون حرام مو يمي لاتخبلني اياد وكافي اريد انام
اياد: بس تعوفيني اكبرها المشكله وتخبل بهليل عليج
ربى: سد الموضوع
أياد: ماينسد قنعيني
ربى: ولك اني حامل بابنك شلون تريدنا نسوي شغلات موحلوه الله وياك
أياد: الله وياج
سداه وقهرني بكلامه وماتوقعت هذا طلبه
يومين مايتصل عليه
اراسله يرد عليه بكلمه كلمتين وينهي المراسله
رابع يوم صبح نايمه وندكت باب اهلي
شوي ونزلت
ماما: اي عيني أجتج الباجه رحيم هسه اجه وبايده علاليك الج
ربى: صدك ماما
ماما: ماما حتى منظفه وتخبل غسلتها وضميتها باجر اسويها الج
ربى: يا صدك مشتريلي تحلايه اروحله فدوه هناك ومحتار بيه خطيه
ماما: وين تلكين هيج
ربى: هوه مزاعلني
ماما: ليش
ربى: هههههههه سالفه بينا اني وياه شخصيه جدا
ماما: ولد مسافر شنو تزعلينه وهوه حال الظيم حاله😡
ربى: هسه ح اصعد اصالحه بلكه يقبل يصالحني
ماما: هذا لسانج كصي وديربالج على رجلج شوفي شلون يحبج مهرج قليل بلخطوبه ووعدج يعوضج وكد كلمته الولد اول شهر بده يشتريلج ذهب والعنده والماعنده عليج مخلصهن
ربى: ادري والله ادري واني هم احبه
ماما: ماما اكو يسافرون ومايسالون على نسوانهم لامصرف ولا مخابرات ولا حتى سؤال وهوه هناك ومحتار بيج والمصرف يكفيج سنه مو اشهر ويتمنى سعادتج
ربى: ماما كافي محسستني اني مجرمه ومعذبته ومبهذلته اني هم احبه ومداريته ومشتاقتله اي شسوي يعني عادي مشاكل بينا وهوه زعلني وثاني يوم راسلته وماكبرتها وانوب طلع هوه زعلان
ماما: انجبي اعرف لسانج
ربى: اشو لسانج شطوله ويه بابا ويحبج يموت عليج
ماما: الي يسمعج ابوك مكعدني بلعرش
ربى: هسه بابا ماعاجبج
ماما: ولج مو تشوفي كدامج من صبح لليل يصيح ويتعارك واني ساكته مااحجي اخاف عليه
ربى: مابقى غير انزل دموعي عليج
تتلفت تر يد شي تركعني بي شردت منها
ماما: مابيج حظ
ربى: بيه حظ لان زوجي اياد وأمي انتي فديتكم
صعدت اخابر ماكو بلدوام
طلعت للدوام ومن رجعت اتصلت
ربى: شدعوه عليك ماتسال عليه وصبح مخابرتك ومامخابرني لحد الان
أياد: اعرف بلدوام
ربى: أحبك اموت عليك
اياد: شخبارج
ربى: محتامه عليك
أياد: ربى ارحميني ولج ميت عليج شوفي اسلوب طريقه افرغ شوكي عليج
ربى: لو بايدي مااقصر والله احبك واموت عليك ولك والله ميته ومامتحمله اليل كله ابجي انت مو يمي غير ساكته وصابره اكول خطيه اقهره واشغله والله افديك بروحي وبداعتي انسه هلموضوع مااحبه وماتحمله
اياد: ماشي الله وياج
ربى: اياد لاهيج تصرف بداعتي فوك سفرك وفراكك وقهرك وبعيد وهسه تتعارك وياي زين ماتخاف على ابنك بهلسوالف الحرام
أياد: الله وياج
سداه بوجهي وتركني
كمت ابجي مااكدر على طلباته ولا اكدر على زعله
بليل خابرني
اياد: شسوين ليش متصل الفايبر
ربى: اراسل البنات بلكروب
اياد: ها ودراستج
ربى: كملت هستوني صدك اليوم رحيم اجه
اياد: ادري خابرت خالتي صبح كتلها رحيم بلباب
ربى: يا عبالي ماتدري
أياد: اكلتي
ربى: لا كم يوم وتسويها الي ماما وباكيت بقلاوه يجنن اكل قطعه واضمها مامصدكه مااريدها تخلص
أياد: هههه خبال صايره نفسج دنيه بلجامعه هم تتغذين
ربى: لا ابد رغم اموت من الجوع ومااكل استحي ومااريد اصرف
أياد: ربى اكسر راسج تبخلين بلاكل على نفسج وانتي حامل
ربى: حبي مااكدر استحي
أياد: ليش تستحين بس الحمره ماتستحين منها
ربى: قابل مخليه
أياد: ولج اكلج صوره بدون سناب تصورين اله سناب ودكوليلي مكياج السناب عبالج تعبر عليه
ربى: هههههه صدك مكياج سناب
أياد: انجبي
ربى: بوسني
أياد: استحرم تريدين يطلع ابنا ابن حرام ومو عيب شكد مستهتره وماتستحي حرام وتريدين اغضب ربنا
ربى: هههههههه ماتنطيني بوسه اياد
اياد: اي
ربى: تعرف شكد احبك وهسه حبيتك اكثر لان خابرتني وماتتحمل على زعلنا لو الف الدنيا ماالكه مثلك
اياد: ههه شهلحب نازل عليج
ربى: اخاف احجي وتنقهر وتزعل
أياد: شكو
ماتحملت وكمت أبجي
كرهت غيابه وفراكه
أياد: حبيبي انتي حامل ومريضه لاتبجين
ربى: اريد بوسه
وكام يبوسني
اياد: اعرفج تبجين وتتمسكنين حتى ابوسج صح
ربى: هههه صح بس هم مشتاقتلك
أياد: اريد ابجي واطلب منج بلكه تقبلين
ربى: اهوووو أياد
أياد: روحي ماطايقها روحي الله وياج
ربى: لا بداعتي لاتروح ياظالم ما ابقى اسهر وياي
أياد: نامي وعوفي النت وعوفي الفايبر والكروب موتني ماتشبعن سوالف
ربى: لا مو ويه البنات دااحجي ويه الجامعه
أياد: خوش انوب رواء اخلص من الكروب تجيني رواء
ربى: هههههه وين اروح غير وياهم
أياد: واني
ربى: اوووووف انت كل حياتي أياد جوعانه
أياد: ههههه ام بطن وبخيله وام فليس وام لسان وام الولد عمي متورط بيج اني
ربى: اذكر من نايمه بحضنك واكلك جوعانه كمت تحظر الاكل ع الميز حتى اكل واني نايمه ومااكوم من حضنك شكد احبك
أياد: تموتيني بهلسوالف كومي اكلي وبعدين خابري
ربى: بعدين انزل اكل
اياد: لاتصعدين وتنزلين نامي جوه بليل شو محد عدكم
ربى: ميخالف تدلل تره كله جوه حتى دراستي بس نومتي فوك
أياد: محتاجه شي
ربى: لاعمري تسلملي
أياد: مصرف
ربى: اخاف احجي وتتعارك
اياد: تعودت عليج تلكيج صارفه ربع بهلاسبوع
ربى: هههههههههه
أياد: ربى كافي بعد ماتحمل اشتاقيت
ربى: أياد لاتصعبها
اياد: كلب ابن كلب اذا بعد اخابر وتتهربين مني بس اجي اله اكسر راسج على عنادج
ختمنا كلامنا ونفس كل مره نتعارك
كثرت مشاكلنا
قلت المخابرات
صحتي للاسوء ماتتحسن وخايفه على حملي
غبت اسبوع عن الدوام وماكو فائده
اياد: شلونج
ربى: اكلك لاتخابر شلونج حبي وبعدين تتعارك
اياد: من حبي
ربى: تعبت نفسيا من هلموضوع وانت ماتمل
اياد: وانتي ماتفهمين
ربى: ارحمني كافي على الاقل قدر مريضه
اياد: خلصت اجازتج
ربى: اي
أياد: ارجع اخابر همام ياخذلج اجازه
ربى: لا مابيه حيل محاظرات تكثر عليه
أياد: شلونج صحتج
ربى: ملاحظه شنو اريد توفره الي دز رحيم
اياد: ليش لعد غير زوجتي والي اكدر عليه مااقصر ولو بايدي كلهن اني اوفرهن الج
ربى: يعني شنو اطلب توفره الي
اياد: اكيد حتى عش العصفور
ربى: اريد توصي رحيم يجيبلي أياد لحضني
أياد: ههههههههههه
ربى: اي والله كافي ماتحمل بعد صار ٣٣ يوم كلبي ح يطك عليك
اياد: ماترضيني هسه ربى
ربى: اهوووو باي اياد يوميه هلسالفه والمشكله
انتهت المكالمه ثاني يوم خابرني قليل
هم زعل مثل كل مره
خابرت بليل
اياد: اريد انام
ربى: تعبت والله حرام عليك بهذلتني يوميه نتعارك والله مليت وتعبت كافي اريد ارضيك ومااكدر اله طلبك الجريء مااحبه شسويلك حرام مااريده
أياد: روحي ربى رحمه لاهلج
كمت ابجي ونمت مهضومه منا
ثاني يوم صبح اتريك وندكت الباب
ماما: كومي افتحيها
ربى: شعجب كومتيني
ماما: هههههه لمصلحتج اكومج
رحت فتحت الباب واشوف أياد كدامي
ابجي افرح مامصدكه
شالني ويشمني ويبوسني
