ات ولكيت همام
همام: اهلا ربى
ربى: اهلا بيك
واخذني وساكت ووصلني للقاعه
لكيت بنات وكعدت خجلانه وشوي شوي تعرفت عليهم
دخل النا كم دكتور وعرفونا عن انفسهم وعن المواد
وكومه شباب وزلم ويانه
وواحد كعد بصفي
تخبلت عبالك اياد يمي
كمت من انتهت المحاظره وكعدت بغير مكان بين البنات
ويضحكون عليه البنات قسم مزوجات وقسم لا
كل شوي يتصل اياد عليه يطمان ويسالني
وبعدها اجه همام يطمأن عليه
همام : ههههه أياد خبصني شوفها وشوفها
ربى: هههه زينه وتعرفت على كم بنيه
همام: الحمد لله تأقلمتي
ربى: اي وتسلم تعبناك ويانا
همام: تعبج راحه واي شي تحتاجين بلغيني
ربى: ان شاء الله
اخذت ارقام كم بنيه طلعنا نتعرف على الجامعه
شفت أحمد كدامي
سويت نفسي ماشايفته ومشيت
كلبي يدك من الخوف والاحراج اذا سلم او ورطني كدام البنات بلسلام
ربى: بنات خلونا نرجع للقاعه افضل استحي
وقنعتهم ورجعنا
بعدها خابرت اياد ورجعت
بلطريق
اياد: شخبار الجامعه
ربى: زينه
أياد: اي والشباب خوما تعرفوا عليج
ربى: اكيد لا شعدهم يتعرفون
أياد: ابد لاتحجين وياهم حتى سلام لاتسلمين
ربى: اكيد ان شاء الله
اياد: حلوين
ربى: ماشفتهم
وخليت ايدي على خده
ربى: كل تفكيري شوكت ارجع مشتاقتلك
اياد: ولج نزلي ايدج لايشوفنا أحد بلطريق احنه
ربى: واذا زوجي شعليه بلناس
أياد: ماتخلينا نروح للنجف
ربى: اي حتى تصرف ٥٠٠ ربي حتى ثكيله بلساني مااكدر انطقها
أياد: ههههه ح اوصلج واطلع خابرت امي عدهم خطار
ربى: منو
اياد: خالتي
ربى: اوك وانت شوكت ترجع
اياد: ماتأخر
ربى: ماشي
وصلني والتهيت بلخطار وبالي يمه وين صار
بعدها صعدت بغرفتي ب ١١ ماكو أياد
ردت اخابره وشفت رسائل رقم غريب بلفايبر
فتحت الرسائل اقره
احمد(شلونج ربى ربى اتمنى تردين ربى اريد احجي وياج ربى اريدج واريد ارجعج الله يخليج خلينا نحجي ونتفاهم اليوم شفتج بلجامعه راحت روحي ماتحمل اتركج )
تخبلت سويت حظر ومسحت الرسائل وخفت من احمد
خابرت ماما
ربى: ماما احمد دازلي رسائل
ماما: يا ليش
ربى : ماما اليوم شفته بلجامعه وهسه دازلي رسائل
ماما: هذا تخبل والله لزكه ربى لاتحجين واسكتي اني اخابره وارزله وامنعه عنج واهدده واي شي يصير بلغيني ولا تسولفين لاياد ربى لاتسولفين
ربى: مخبله اسولف اكيد اسكت يروح يكتله بس يعرف مخبل اياد
ماما: لاتخافين وخليج طبيعيه
ربى: ماشي
بقيت اسولف ويه ماماصارت ب١٢ واياد ماكو
ربى: يله اروح اخابر اياد اشوفه وين صار تأخر
ماما: الله وياج وديربالج على نفسج
ربى: ان شاء الله
بعدها اتصلت على أياد
ربى: وينك
أياد: ثواني واوصل للبيت دخلت الفرع هستوني
ربى: اوك نازله افتحلك الباب
أياد: اوك
نزلتله على كيفي وفتحت باب المطبخ
اياد: هلاو ياحلو
ربى: ليش تأخرت
اياد: شهلجمال
ويكرص بخدي
ربى: وخر ليش تأخرت
اياد: نايمين
ربى: الكل نايم
أياد: انطيني بوسه
ربى: بوسات مو بوسه
أششششششش
اياد: خلينا نصعد
ربى: ما اله تشيلني لو تبقى تبوس
أياد: هههه ولج تعبان مااكدر اشيل حيلي انهد
ربى: ههههه عزه مزوجه واحد متعوب ومسكرب
أياد: انجبي
شالني وصعدني للغرفه وبسرعه صعد يركض حتى محد يشوفنا ونضحك اني وياه
دخلنا وبحضنه ولحظات تجنن واجتني رساله على الواتس
تخبلت وخفت
اياد: هاي شنو
ربى: اكيد البنات صديقاتي راسلوني جنت اراسلهن قبل ماتجي وعبالهم بعدك
أياد: ها
بسته وشغلته وبالي يم الموبايل اخاف يكوم ويقره الرساله ويطلع احمد ويموتني ويموت احمد بهليل
بقيت ادعي الله يحفظني بهليل
اياد: شكد احبج
ربى: اني هم
اياد: شنو اني هم
ربى: ها حبي اني هم احبك
أياد: شبيج مثل الدايخه
ربى: بصراحه
ردت احجي وخفت سكتت
اياد: شكو
ربى: ماكو شي بس نعست واخاف اكولك
اياد: هههههه ليش تخافين
ربى: مااريد ازعلك واليوم مانايمه بس ساعتين الصبح وانت الظهر وصلتني ورجعت نمت وعوضت
أياد: كومي اسبحي ونامي
ربى: لا كوم انت واني بعدك
اياد: اوك
ربى: لا تتاخر
أياد: حظري الحمام الي
ربى: مريضه بداعتي كوم انت
أياد: شبيج ربى من هسه تتعاجزين
ربى: لا حبي كوم اسبح على مااعزل الغرفه حتى اسبح وراك يله كوم
كومته بلكوه وتاكدت دخل للحمام وركضت على الموبايل
فتحت الرسائل والحمد لله وحده من بنات الجامعه مراسلتني
وهبطتني وحرمت الرجال مني بسبب هلرساله الكشره
غلقته وعدت اليله على خير
مر كم يوم واتصلت ماما عليه
ماما: ها ربى
ربى: ها شصار
ماما: هستوه رد عليه وراد يحجي وماخليته كلتله عيب عليك وسالفه بينكم وانتهت وهددته بعد مايخابرج
ربى: من وين محصل رقمي
ماما: ماقبل يكول المهم بعد مايتصل
ربى: يعني كال بعد مااخابرها نطقها
ماما: اي
ربى: صار يومين عايشه برعب ويه اياد وموبايلي اخاف منا لا يروح يراسلني من غير رقم
ماما: شحده
ربى: يمه الحمد لله خلصت من هلسالفه
ماما: هم ديربالج
ربى: اكيد
بعدها عدت ايام وعلاقتنا حلوه ضحك وسوالف وشقه
والدوام تاقلمت عليه
اوصل للدوام ضحك ويه البنات ونتعرف على الاساتذه والدكاتره
رواء: ما تخلينا نطلع ربى
ربى: خلينا كاعدين
رواء: تعقدت من وراج معقده خانكتنا بلقاعه ولج شدعوه هيج
ربى: جاي ادرس مو افتر😡 انجبي واكعدي وياي
رواء: حظي العاثر عرفني عليج ماتعرفت على البقيه اله وياج ابقه
ربى: اسكتي ح اموت والله لو يدرون بلبيت قاعتنا بس ٣ بنات والباقي ولد اله يموتوني
رواء: ولج حتى اني مااحجي اخاف سالني كلتله ٢٠ بنيه بلقاعه و ١٠ ولد
ربى: ههههههه اني كتلهم بس ٣ ولد عكس سويتها ومستغربين شسالفه بس ٣
رواء: خرب عرض ولج ثوله مبينه جذب
ربى: لا باجر ننقل نفسنا للقاعه الثانيه لو يجيبون بنات ويانه لازم يسترون علينا قبل لا ننفضح
راوء: ههههههههه
ربى: واني مبلغتهم سطرين بنات واني يم الشباك وماكو ولد يمي
رواء: ههههههه ادري شبيهم قابل جرب
ربى: هههه همزين يخرعون حتى من يشوفهم يكولو لا هذوله مو حلوين
رواء: ههههههه شكد جبانه
ربى: على اساس انتي الشجاعه ياجذابه
رواء : كومي نشتري ماي مو حتى عفنا بهلقاعه
ربى: هههه انجبي واكعدي
شوي ودخل الاستاذ ودخلوا الطلاب
كعد بلسطر الثاني ولد طويل وشخصيه ولبسه حلو
باثناء المحاظره كمت اكح مريضه وخانكتها وصارت غصه اختنكت وعلى كيفي اكح ومخنوكه
صرت حمره ونشحطت
علي: تفضلي اختي
اباوع بطل ماي
ربى: اخذته منا وشربت ارتاحيت شويه
خلصت المحاظره وطلعنا
رواء: شبيج
ربى: ولج اختنكت وهمزين انطاني ماي
راوء: شفتج ردت اكلج اطلعي
ربى: اي عيب البطل بقى يمي
رواء: عادي قحط هوه بربع
صعدت بلسياره واكح
وصلت للبيت هم اكح ومخنوكه
اياد: شبيج
ربى: اختنكت خنكه بلقاعه ومحاظره
اياد: ليش ماطلعتي تره عادي
ربى: استحي وخانكه نفسي وهمزين واحد انطاني بطل ماي وشربت صرت احسن
أياد: بهيج مواقف اطلعي بسرعه لاتستحين
ربى: اي
بليل كاعده يمه ولكيته صافن
ربى: شبي الحلو صافن
أياد: اكلج الولد شلون شكله
ربى: يا ولد
اياد؛ الي انطاج ماي
ربى: مااعرف شكله ماانتبهت
اياد: ربى ماتكعدين ولا اداومين واني انطيج راتب كل شهر شكد ماتريدين وحتى مكاتبه ونصدقها راتب كل شهر بايدج
ربى: شهلكلام
اياد: مااريد اداومين
ربى: ما
اياد: ليش عاجبج ابو الماي
ربى:😡 لاهيج تحجي وياي اتخبل من اسلوبك
اياد: شنو ينطيج ماي هوه شعليه بيج ويعرف مزوجه ولابسه الحلقه بعد شكو يتقربلج
ربى: شغله انسانيه شعليه بي مجرد انطاني ماي باجر اذا اشوفه مااعرفه والله بطران سلام مااسلم وكاعد برابع سطر ورواء كالت منو عنده ماي وانطاها وانطتني
أياد: وبقى يباوعلج وانتي تشربين الماي مو
ربى: ماانتبهتله وليش يباوعلي منو اني اكو بنات وياي يخبلن جمال ومامزوجات
كمت وطلعت من الغرفه
اوووف يااياد وسوالفك
خاله: ها خاله ليش نازله
ربى: اسوي نركيلة اياد
خاله: ليش يصيح اياد
ربى: تعارك وياي على الجامعه
خاله: ليش
ربى: مو سولفتلج على الغصه والماي يكلي شنو انطاج ماي
خاله: ليش دكليله
ربى: عادي سالفه عاديه
خاله: اسكتي تعرفي مخبل اسكتي لاتحجيله لايروح يبطلج سايسي الى ان تخلصين الجامعه
ربى: 😭 مو خوش سالفه ٤ سنوات شيخلصها خلصت اسبوع بعد شكد
خاله: هههههههه بعد اربع سنوات اله اسبوع
ربى: امري لله اسكت واصبر
صعدت للغرفه ولكيت موبايلي بايده
مااهتميت الموبايل بايده
بنفس الوقت خفت من أحمد البلوه بس لا دازلي وقره اياد
ربى: سويتها الك حتى ماتزعل واكلك شي
اياد: شنو
ربى: مااريد نركيله اختنك منها بداعتي لاتشرب
اياد: دتعاي اكعدي بحضني وخليني اتسلطن بنركيلتي وانتي يمي
ربى: خلي اذوكها
اياد: انجبي
ربى: بس شويه حباب
اياد : انجبي وصيري حبابه هلايام خفيفه صايره الجامعه مطلعه عينج وثانيا رواء مزوجه ومخلفه ودازتلج رساله باجر شنو تلبس محتاره وتسالج على لبسج شنو هلسخافه
ربى: شفت شكاتبه كاتبتلها بطرانه البس شلون ماجان واجي بعد شتريد اكتب
اياد: شو تراددين
ربى: ههههه اكلك يوميه هذا لساني وياك لاتخليني اعصب تره لحد الان ساكته الك صير حباب ولا ضوجني سوالف ابوك لادخلها لغرفتنا خوش
اياد: ها تريدين سوالف ابوج وكرشاته
ربى: ههههه عل اساس حبوباتك مامكرشات
اياد: نسوان ميتات شعندج وياهن
ربى: هههه ليش حبوباتك يعتبرن نسوان همزين يسمون ام ابوك قبل ابو طبر ههههه
أياد: اكلج
ربى: كول أمر اطلب ياروحي وعمري
اياد: طفي الاضويه النا
ربى: ما ..تريد شي كوم انت واني رايحه بفراشي نايمه
كمت منا وامشي بدلع لفراشي
اياد: هههه احبج
الحلو بينا نتعارك ونتصالح بسرعه
مااخلي مشاكلنا تكبر
وبعد ٣ ايام اااااه من هذا اليوم😔
انكسرت علاقتنا بهليوم اني واياد
واحنه عرسان ماتوقعت بهلسرعه
تفاااااعلو
