بنت_العرب🔞🔞🔞

البارت السابع

#بنت_العرب🔞🔞
بارت7
اسراء محمد.
.......
🌹:
قاطعته بصوت عالي ششششش
اني كتلك اساعدك ونتهى الموضوع
ماكو داعي تبررلي..
اذا ماكو شي بعد تكدر تروح.
اي ماكو شي
انشالله تلكين شخص افضل مني
بتسمتله ..
عافني وطلع..
سد الباب..
بقيت ابجي بفراشي
لشوي سمعت راحو
طلعت ذبيت ملابسي ومحابسي
واسواري وكلشي ودخلت للحمام
المي ينزل عليه  يغسل كل طرف بجسمي
بس ميغسل داخلي اريد يطلع وصخك مني عمر
الله ينتقم منك الله ينتقم منك
كعدت جوا المي ساعه  كامله
ودموعي موكفت ابد
ذيج اليله جانت صفعه ثانيه اليه
من الزمن.
دكت الباب امي
كالت اسوار طلعي
وين صرتي ابوج يريدج
شيريد
طلعي..داكلج
لبست وطلعت بس اني
شفافي كوه تنطق مابيه احجي
وكفت كباله
كال هاج
كتله شنو هاي
كال فلوسج
كتله الولد انطاك
كال اي
كتله شكد .
كال 5 ملاين
كتله بابا مو اني سمعت
وهاي اسمها بوكه
كام علحيله
اتادبي احسن مافلش وجهج
وراج عرس
بابا الفلوس 7ملاين
والولد بيده نطاك يعني
اذا سالني شكله شكله ها
كال كليله اي شي ميهمني
اصلا لو عليه كلهن اخذهن
بس ماريد تفشلين ويه الناس
بابا انته دمرتنه ودمرت اختي
ودمرت امي
ودمرت اخويه وصار مثلك
ومحد كفاك وهسه جاي ادمرني اني
ليش هيج
شنو السبب
احنا مو من ضهرك
احنا اطفالك لو لا
احجي .ليش اول ما جينا للدنيا
وانته كل ليهمك مصلحتك وبس
ومصلحتك ادورها حتى ويانا احنا
زين وقوانينك وقرارتك تطبقها علكل
جنت مندفعه واحجي ودموعي تنزل
وهو بقا صافن عليه
هلمره سكت بس اني اعرف ليش سكت
اجه وكف كبالي كال صح كلامج كله صح
سامحوني بس اني ماكدر اغير نفسي
هذا اني .
بعدين مقصرت وياكم .ربيتكم وكبرتكم
كتله بابا لو اني متاكده هسه لو
اني مانخطبت مجان وكفت وحاجيتني باسلوب
حلو مثل هاذا
جان ضربتني ..تدري ليش هيج جاي تصرف ويايه
كال ليش
كتله لان نخطبت..لشخص .مال وجاه
تفكر بمستقبلك مو صح
اسمعني صح نته تعبت ويانا
بس محد اله حق يسرق حق احد
وشي ثاني ..انته مقصرت  بحتياجتنه
بس انته منعتنه انو نحقق احلامنا
من دراسه ومن زواج واستقرار
اني رايحه ومضل الا كم يوم اشوفكم
بس اتذكر كلامي كله هذا
انته يهمك بس نفسك منصبك فلوس
وقرارتك الي لازم اطبقها علكل
كال خلصتي
كتله اي حجيت كل لبكلبي
كال بس كلامج ميهمني اني اعرف مصلحتكم اكثر
سكتت ومجاوبته لان اعرف بي شلون يفكر وباي طريقه .وعرفت مايفيد الحجي
مرت الاسبوعين مثل النارر
وبسرعه يمشن
قبل العرس باسبوع
جنت طالعه اتسوك غراض
اني وامي من المحلات والدكاكين القريبه
فتت لمحل ايبيع  جراجف ومخاد ..وكوشات
وفرشات للجربايه
علاقل خلي افرح بهشغلات...لان يمكن ماتتكرر
دخلت للمحل اني اباوع واكلب
سمعت شخص همس باذني
هلا بلحلوه
نداريت هذا عمرر
لحيته ووجها صارن بوجهي
اشكر وعيونه كبار شفافه متروسه ورديه
كلبي صار جمره وشتعلت من شفته
عثرت ورجعت ليوره
بقا يضحك
كال شعجب هنا حبيبتي
اكو شي بداخلي .يحركني
كومي كومي كومي اسرار كوومي
وشوفي انو انتي قوويه واجهي هذا الوحش
كمت وبتسمت عدلت ملابسي
كتله والله اجيت اشوف فرشات حلووه مثلي
ضحك بصووت ههههع اكيد انتي حلوه حياتي
بس المن الفرشات
احجي واكلب واعوج بحلكي
هااا اضاهر مكلولك
شال حاجبه وكال علشنو
كتله اني .
كال شبيج نتي
كتله عروووسس
صفن عليه
شنوو عروس
كتله اي مثل مسمعت عروس
صحت لولد قريب منه كتله طلعلي هاي
الفرشه الحمره ام الدبدوب حلووه عجبتني
حلو اللون الاحمر ...يشبه لون كلبي  يخبل
ضل صافن كمش ايدي
كال منو تقدملج
دفعته حيل
تافه وخر حقييرر
لاتلزمني نكسسس.
تفوووو علوجهك القذرر وخررر
لاالم السوك عليك...
احجي كتلج منو خطبج. وجها ينطي الوان
خطبني واحد زنكين..وعرسي بعد اسبوع
وشترالي كومه ذهب ونطاني كومه فلوس
هذا الي لازم يتقدس علراس
مو انته يانذل
بس شلون وافقتي .
وانتي...
ههههههه اللله اقوى منك ومن كل بشر
اني نفس ما اني ومصارلي شي
جنت صغيره  تعورت وهسه طبت
وكلشي مبيه
الدمعه نزلت مني
اني اجذب بس اريد احركه مثلما حركني
كال مستحيل
كتله لامو مستحيل
كال نتي مو تحبيني شلون تعوفيني وترحين
شوفي اني غلطان ومستعد هسه اتقدملج
بس اسررار لاترحين لغيري
ششش ششش وخر جذاب ناقص
تطلع بعرضك
الله فوك وهو يحاسبك
واني مايشرفني اخذ واحد ناقص مثلك
جرني من ايدي
كال والله احبج
ومتندم علكل السويته بس انطيني فرصه
دفعته وكتله وخر اني مخطوبه
وحرام تتقربلي انته رجال غريب
كال بس ماخليج مراح اعوفج غيري مياخذج
اني مفكر اتقدملج بس اصبريلي..
كتله نته جذاب ومراح تعبر عليه
مره لاخ بس فهمني  ليش تريد تدمر حياتي
نضراته الي جانت مثل واحد واخذو منه حبيبته
يجوز صدك هو تعلق بيه وتندم علتصرفه
بس اني ماصدكت ومااكدر اصدكه ابد.
زين اذا هسه تراجعت مستحيل تجيني
فرصه  هيجي اخلص بيها من هلورطه..
نطيت فلوس للولد وطلعت .
هو بس ضل متخوصر ويعاين..
طلعت بسرعه..
امي اجت كالت ها ختاريتي
كتلها اي امشي باجر نكمل
رجعنا للبيت
اخويه واكف كال اسرار
كتله ها
كال  اريدج بشغله
نطيت الغراض لامي وفتت جوا
كتله كول تعال
كال اريد جم فلس خويه
اذا تكدرين وا
لله محتاجهنوابوي مينطيني
كتله ي تدلل
اني هم ادري انته مثل ابويه
بس مراح اضلمك
هاك خويه
شلت 200الف وحطيتهة بيده
رحت بدلت ونمت لان من الصبح
اني افتر كعدت الصبح
ندكت الباب .ام الولد وهو..
بوستني ودخلت
ودخل سجاد وراها
روحه بخشمه
ومجبور .كوه جاي
كالت يلا اسو.
امشي ويانه
كتلها وين
كالت نشتريلج ذهب حبيبتي
بتسمت ها اي نشالله
كعدو ينتضروني
لبست جبه وشال خليت حمره خفيفه
وشويت كحل وطلعت
امه كالتله كوم جيب خطيبتك
كلها يمه .
كالتله كوم ماما ولاتضوجني تريدني اموت
ارضى بيهة بعد هاي قسمتك
جنت اسمع الحجي واني البس حذائي
بس مغلسه..
كام على اعصابه
واتقرب لزم ايدي
كال خلي نمثل جا شنسوي
وخرت منه
كال شبيج
كتله لاماكو داعي اني افهمها
كتلها خاله
هيجي اني استحي
انطينه وقت اكثر ولو زحمه عليج
كالت لا بنيتي براحتكم
سكت هو وكال يلا صعدي
صعدت بعد كومه توصيات من امي
وصلنا للمحلات
اني وامشي ويه سجاد
وامه كلساع تختار شي
هو يكلها بكيفها ...بكيفج يمه
اني اعصابي تلفت من وضعي المقزز
وين صرت وين وصلت مجبوره بلا مجبوره
اتحمل هيج ناس ..
بس الخوفني اكثر طلع عمر وصار بوجهي
جان يمشي نحوي اني وسجاد
اني من خوفتي لزمت ايد سجاد
سجاد لتفت
كال شبيج
كتله شوف هذا يسمعني حجي مو حلو
رفع حاجبه
سجاد كل جمال الك الكون بي
وجنت اتعذب اكثر واكثر من احس بي
مو الي مراح يكون الي بيوم
رغم اني على ذمته وزوجته
كام يخنزر بي كال معليج بي
تعاي اوكفي يمي
ضل يعاين علي بنضرات تخوف ..
بس احنا نمشي وعمر يمشي ورانا
ومابطل بقى يلاحك بيه لاخر السوك
كملنا الغراض كلها.والذهب كله شتريته
طلعنا مسافه.
وشافه سجاد مره ثانيه
فات منيمي  هلمره
وضرب جتفي بقوه
كال هااا اني اسف
اني وكعت بلكاع ودموعي كامت تجري بوري
يريد يفضحني اكيد
ويخرب كلشي هلحقير..
سجاد تقرب منه ولزمه من ياخته
كاله موو كافي عاد
اتحملتك هوواي
عمر بتسم..ونضراته كلها حقاره
ولئم..
اني كلبي صار طبل وزركيت
وجهي صوفر واحس نفسي نتهيت
وصلت للنهايه وراح يكله ويفضحني وانذبح
نطقت بشفافي بس كلمه يالله
ماااحس الا عممر بلكاع ومغطى بدمه..
وسجاد يصيح والسوك كله التم...للحكايه بقيه

سولفولي شنو نية عمر بعد الي سواه
ممكن يتندم علجريمته القذره
وشتتوقعون من اسرار ممكن تحتل كلب سجاد
وتكسبه لصفها..وتفهمه الي صار وياها
شنو الي منتضرها..متاببعه شيقه💖