#بنت_العرب🔞🔞
بارت16والاخير من الجزء الاول
انشالله غدا الجزء الثاني
اسراء محمد
🌹:
تفتح الباب لو اشهرك
مافتح الباب
ومالج طلعه منا..
وخرت منيمه وكعدت ع جربايه
خوش بس نته اطلع
متريديني يعني
شتحسبها احسبها
ماتفرق وياي بعد.
فتح الكنتور طلع ملابسه
وبدل احلا ماعنده
لبس ساعه ومحابس
وكشخ وتعطر
يباوعلي بلمرايه
رايده شي
حتى لو اريد شي
مااطلبه منك
ندار عليه
واجه حيلل جرررني من يدي
كال نتي تردين اموتج هنانه
وادفنج
كام من يمي وخلا ايده بنص
المرايه وكسرها تكسيرر
وايده جرحت
اني جفلت ضربت علخدودي
ركضت جبتله شاش وكطن
وديتول عقمته اله
جر يديه
كام طلع بره وعافني
اباوع علي من الجامه يدخن
اني كضيت الجنطه
ولملمت غراضي خليت كم قطعه
ذهب عندي واخذتهن وياي
لبست عباتي ونزلت
ودموعي تجري
شافتني امه
كالت خاله استهدي بالرحمان
لاخالتي عوفيني عفيه
اني قررت وياريت تحترمون قراري
طلعت وعفت كلشي
هو مشافني
تعديت باب البيت
واني اشهك بلبجي
اسررار انتي نسيتي نفسج
نداريت واباوع علبيتهم
من عشتي بهذا القصر
وتخيلتي ابنهم يصير الج
بس هذا حلم .
مشيت وصلت لراس الشارع
وكعت علصبه قوويه
ركبي اشلخت
كعدت ابجي بصوت وانحب
دنيه ليل..ومحد يمي
هاي تاليتي
اباوع شخص من بعيد يركض
وجاي باتجاهي
اني درت وجهي
وصل يمي
كال يعني نتي تعانديني
مو كتلج ماكو طلعه
سجااد
اني ماحبك
احب شخص ثاني
شنووو
اي نعم
شنو شكلتي
ماكلت شي
الي سمعته
احجي وابجي
لا لاانتي جذابه لاجذبين
تردين ترحين وهيج تكلين
ارجع ولاتلحكني
اني مافيدك
ماحافضت على زواجنا
اجه تقرب وكال
كلشي يهون
عصبيتي
مشاكلي وياج
بس مال ترحين ماكدر
كتله انته مو راح تتزوج الي تحبها
كال اي احبها بس احبج اكثر
كتله لا تحبني اني ماصنت حبنا
ومو خوش مره
كال شتخربطين
امشي رجعي وياي
ماريد اسمع شي
كتله اتررركني
اريد اررروح
العالم المجهول
ماريد اضل اهنانه
كال ليش نتي مصره تعوفيني
علمود سحر
باجر افسخ خطوبتي وياها
لا لا لا
مو سحر
ليش سجاد
انته وسحر حبكم حقيقي
واستمر سنين
تخرب كل هذا الحب بسسب
وحده شفتها قبل شهرين
كاافي اسررار وامشي رجعي وياي
وبعد مااحجي وياج صدكيني
وسحر اني احاجيها واخليها
تشوف طريقها
للااا مستحيل
اني مشكلتي مو سحر
مشكلتي اني بداخلي
شنووو يعني
يعني اني مااكدر استمر بهزواج
ليش
لان اني ما ما
شنو كملي دحجي
اني احجي وارجف
لان اني ماحبك
واحب غيرك
رجعتي لهاي السالفه
اي هاي الحقيقه
هو انتي شوكت طلعتي من البيت
حتى تحبين غيري
اهوووو شو وخر ماعندك كرامه
جاي اكلك معجبه بغيرك
مااصدك
اكو سبب ثاني واذا جان سحر
من عين باجر انهي كلشي
لان ماكدر اتخلى عنج
لا مو سحر
لعد شنو
صح اكو سبب ثاني
وهو الي خلاني اقبل اتزوجك
تقرب عليه
وكال شنو شدتحجين مفتهمتج
اذا تريد تعرف ليش
خليني اروح هلمره
واوعدك اكلك بس اشوفك مره ثانيه
اسرررار احجي
مترحين لاي مكان
فهميني شنو كلتي قبل شويه
اشرت بيدي للتكسي
وكفتلي سياره
حاول سجاد وياي
بس موكفت وقرررت اروووح
لعالم بعيد عن الكل
خالي من الكل
بس يحتويني اني لوحدي
من يوم التحركت ذيج السياره
مناك
بعد قررت ماارجع لذاك المكان
واخرب حيات انسانين
جانو يحبون بعضهم
اني طلعت واني متاكده
انو سجاد حبيبي
رح يكون اسعد انسان ويه حبيبته
لان لو ميحبها جان ماختارها وضل مصر عليها
طلعت السياره بذيج اليله الكمريه
واني حايره وين راح اروح
دخت وراسي افتر وابو التكسي داخ وياي
نطيته عنوان بيت اهلي
اول ما دخل بلافرع
ختنكت ومكرت اتنفس
مرت عليه كل لحضه بشريط حياتي
والماضي التعيس
ضليت واكفه بلباب
مدري ادخل مدري لا..
وكفت يم الشباج بجيت شويه
ورجعت امشي بنص المنطقه
وامشي وابجي
والنفس مخنوووك
والدنيا ضلمه
يربي وين اولي وين ارووح
اخ اخ
بجيت دم
بس محد فزعلي
اسمع صوت جلاب
والمنطقه تصفر
كمت ماعرف وين اشرد
من الخوف صارر بيه سكر
اركض اركض واسمع صوت
جلب ورايه
اخر شي عثرت
انجبحت على وجهي
وضليت صامده ابمكاني
من الخوفه
ثواني سمعت صووت
صووت ولد شاب ..
لتفتت
ولد لابس عكال ودشداشه
وعودته بيده
صفنت علي
شكد شايل جراءه وشخصيه
صيح علجلاب ووخرهن
اجه تقرب
كال اختي شعندج بنص اليالي
هنانه
كتله ماعندي اهل
اهلي ماتووو
كال كومي يختي اوديح لهلي
ومايكصرون وياج
كتله لااشكرك
كال امشي وياي
وماعليج
ضل يلح لحدما رحت ويا
لان كلبي خلصان حتى مفكرت
ممكن تكون نيته عاطله
بس توكلت على الله
..
وهنا تبدي حياتي تتغير..للحكايه بقيه
أنت تقرأ
بنت_العرب🔞🔞🔞
Romantikهلمره رح ندخل وياكم بادق التفاصيل شنو المجتمع العشائري وشنو طبيعه حياتهم..عاداتهم وتقاليدهم.. طبعا اكيد كوليتنه نعرف شكد العشائر منغلقه وميتفاهمون بشي اسمه شرف راح تتعرفون اكثر علهشياء بتفاصيل القصه الجديده الي راح انسجها.. ........ اتووقع😊 الصو...
