بنت_العرب🔞🔞🔞

البارت التاسع

#بنت_العرب🔞🔞
بارت9
اسراء محمد

🌹:
اذا متسمعيني راح اندمج..
ههههه يي بلله شلون تندمني
احجي لخطيبج كلشي
روح احجي  اذا انته رجال ومحسوب ع زلم
كافي لاتستفزيني
لا والله
عمر اتركني بحالي مو اخذت التريده
اترجاك خليني اعيش اتنفس
كافي هنا مثل المسجونه والله
صير انسان مره وحده بس
وبطل نذالتك
سديته بوجها
وطلعت شمرت الموبايل
بحديقتهم..
ورجعت للبيت اتراجف...
مر اليل واني فوك راس امي
كعدت الصبح جسمي مكسر
وماكدر اخطي خطوه
مشيت كوه للمطبخ
طلعت برتقالتين
عصرت لامي
يوازن ضغطها
وشويه بسكت
اخاف انطيها شي دسم
تتاذى.
مر الاسبوع وامي بدت تتحسن
واهل سجاد يرحون ويجون
يردون يفضون العرس
اني حايره شنو الي اسوي ماعرف
مليت وخلصت طاقتي
حددو موعد للزواج مره ثانيه
ابويه بهلفتره رجع بعد مجان مختفي
وجان قابل بكلشي كالو
اهواي عترضت وردت احرك روحي
بس جان بااارد ابرد من الثلج
مثل كل مره
مرت الايام والاسابيع واني اركض
شي لامي شي للخطار
شي لشغل البيت مليت وبزعت روحي
وجنت احاول ماطلع حتى ماصادف عمر
رغم هو مابطل وبين فتره وفتره يدك  الباب
بس مافتح ادري بي هو
اجه يوم عرسي والحنه
بليل ..
قبل بيوم بنات خالتي يمي
وجانن يجهزن بيه
حفافه وصبغ وميش
طلعت لعابه بس
اني دموعي بعيني
وبس احد يحجي ويايه
ابجي
اذكرت اختي اسوار
وتمنيتها تكون يمي بهاي الليله
كملن شغلاتي كلها
واني بس اصفن بلوجوه
جسد بلا روح
وعيوني ذبلن
كلها كبالي تسولف
وتضحك وفرحانه واني
العروسه غركانه بهمي
بليلتها البنات باتو يمي
اني للصبح منايمه
افكر وادعي ارتاح
واخلص من المصايب
ومن ااصبح اجت ميثاق
اخذتني  رحنا للصالون
وجابت البدلات واجت
مشتتريتلي بدلات ثنين
من شفتهن عيوني نسحرت
سحر..
شكل بدلات اتخبل وحده لون بيجي
والثانيه تفاحي
ضليت فاكه حلكي
ام الصالون بدت تشتغل بوجهي
وركبتي وايديه وطبعت وشم
يم صدري ..مكتوب احبك
كتلها هاي شنو
ميثاق كالت ميخالف حبي
شبيج حتى سجاد يتخبل
طالعه احلا من الكمر ولج
ضحكت .
كلت بكلبي  مشايفه
كمر وحضه طامس بلخيس
خلصنا ورجعنا
للبيت بدو بلحفله والدك وااركص
خواته كلهن لابسات قصير وصلوخ
وبنات خالتي تعجبن ..
وكلساع يسالني
اخذو صور .وجابو الكيك
واجه سجاد حناني
وباسني
قررت اعيش هاي الحضات
لان ادري مراح تنعاد
وشكدما عشتها
حبيت سجاد بكل تفاصيله
عقلي يكلي مو الج
وكلبي يزحف زحوف علعطره
وشياكته وجماله
وهدوئه نضراته ولمسته الي
من باس راسي وحنا ايديه
كص الكيكه وكلني وكلته
خلص كلشي بنص ساعه وطلع
احس نفسي بحلم وتوني صحيت مت النوم
تهسترت وضليت ابجي مثل المخبله
البنات سالو شبيج شبيج
ختنكت طلعوني منا دخيلكم
ميثاق واكفه فوك راسي
لزمت ايدي اني وبدلتي
وتسرحيتي
وجمالي كله .بس حزن بكلبي
حزززن..
ماعرف عليا مصيبه التفت
اني .اختي.ابويه .اخويه ماعرف بي وين
لو .امي الي راح تموت
كلبي ناار ومفرحان ابد
يمكن احساسي ذيح اليله جان
اقوى جرح نجرحته
ردت سند الي وماصار سند
وهم راح يصير ضدي
يربي شنو وكفت الدنيا
ماكو احد يوكف بجانبي
ميثاق كالت شبيج حبيبتي
خاف محسوده تعاي كلبي لاتخافين
هي صغيره بس تعادل مره معدله ام بيت
كتلها ماكو شي بس مختنكه
كالت محسوده .لاتخافين شربي مي
شربت مي شويه رتاحيت
كالت تعاي بدلي بدلتج التفاحي احلا
وخل اعدل مكياجج
كتلها بكيفج
لبستني البدله الثانيه
كوه اجرع اللحضات هاي
لان ادري تاليتها موت
لبستني البدله ورجعت طلعت
كمل اليوم وكانو ماكو شي
بس طول الوقت اني افكر بسجاد
والله حبيته والله
احس دكات كلبي توكف بوجوده
بجيت علي هوواي وتمنيت يخابرني
بس شلفايده اكو عروس بيوم حنتها
رجلها ميسال عنها
امي اجت عليه كالت شبيج بنيتي
كمت بسرعه رجعتها للفراش
يمه لاتكومين انتي مريضه
شلون راح اعوفج
بهلوقت اختي الصغيره يم خالتي
كالت بنتي
كتلها ها
كالت هاي بت جيرانا
حبابه
يي يمه
انطيها كم فلس
وتجي تعتني بيه
ونتي يمه موفقه والله يسعدج بعد كلبي
كافي اهواي صبرتي ويانه
كضيت ايدها وكمت اشهك بجي
لحدما نامت
الصبح اجو البنات لبسوني وطلعت
عبالك مسجونه
ماكدرت اكلهم اي شي
مكياج وتسريحه وبدله
طلعت احلا من الباررررحه..
واحلا  عررروس بلدنيا
اريد اشوف حبيبه سجاد
حلوه مثلي هيج
سالت ميثاق كتلها عندج موبايل
كالت اي
كتلها تكدرين تخليني اخابر وحدي
شويه حبابه
كالت اي براحتج كلبي
كلبت بارقامه لكيت اسم سجاد
دكيت ويدي ترجف مرتين يطيح
المبايل واكمشه
حجيت الوو بصوت يرجف
كال ها ميثاق خوما عدكم نقص شي
كتله اني مو ميثاق
منوو انتي
اني اني اسرار
هااا اهلا وسهلا شلونج
زينه نته وين
اني بلمحل مال حلاقه
ها اكلك تكدر ترسلي رقم 
حبيبتك
نعم
اي ارسلي يا
اريد احجي وياها
شعندج وياها نفسيتها مدمره البنيه
اعررف واني اريد اطمنها
اهاا اذا هيج اوك
ي دزلي الرقم
سديته منه
وصلتني رساله بيها رقمها
كتبت الرقم ودكيته
الووو
الو منو
اني مرت سجاد
البنيه سكتت واسمع صوتها بس تبجي
كالت ادري شراح تحجين
ابتعدي عن رجلي ومن هكلام
بس والله اني معليه
صدكيني اني تعبت
كتلها شششش
منو كال هيج راح اكلج
كالت لعد شنو
كتلها لاتخافين
حبيبج الج
ومراح يصير لغيرج
شنووو شلون هيج
ليش انتي مغصوبه علي
لا مو مغصوبه
لعد وين اكو بنيه ترضا هيجي
اي اني رضيت بس عندي اسبابي
اخاف بعد الزواج تخلي يحبج
هاي نيتج مو
لا صدكيني حبيبج الج
هسه اريد اشوفج واحجيلج ليش
وشنو السبب
وين تشوفيني
ياريتج تجين للعرس
تردين اتموتيني نتي
هذا مخطط حقير منج  انتي وامه
لا وداعتج لا والقران اني ماريد
سجاد وماكدر اصير مرته
لو منا لبعد عشر سنين
زينن لليششش
اكو سبب اذا جيتي
اكلج بي 
بس بشرط  اشوفج
اووكك بس مو عرسكم اترجاج
لااريدج تجين
لان هاي اول خطوه اساعدكم بيها
حتى تنجمعون
لان عمتي ام سجاد
رح تخاف وتعرفج قويه
سكتت البنيه
كتلها ها وينج
كالت بس اخاف
لا لا تخافين.
اني وياج
اوك
اريدج اتلبسين احلا ماعندج
صاحت عليه ميثاق
اسرار مخلصتي حبي
اي جايه
كتلها هسه ماكدر احجي
بس لازم تجين
لان اذا درو بيه متفقه وياج
يخرب كلشي
كالت لا اجي
خوش يله مع السلامه
سديته منها
وسحبت نفس
منين اجتني هلقوه
ماعرف
بس اهم شي اشوفها
شكد حرام ايفرقون اثنين يحبون بعض
يمكن راح اسوي المستحيل
حتى اشوف سجاد فرحان
ويه اليحبها
طلعت ونطيتهة الموبايل
وكملت كلشي واجه سجاد
عليه صعدنا اني ويا ليكدام
وميثاق ليوره
من وصلني
نزلت اخته
زفونه وره شويه
وبقينه اني ويا بسياره
كال شحجيتي ويا سحر
كتله اسمها سحر
كال اي حبيبت كلبي
كتله بس اريد اعرف
جبروك لو شنو
لا ماجبروني
لعد ليش رضيت
هاي امي مريضه
وماريد اكسر بخاطرها
شافتج وضليتي بعقلها
زين شنو نهايتنه
نهايتج مو كتلج
اسفرج واعيشج احسن عيشه
يعني نطلك
ماشفت عروس تحجي بطلاكها
بيوم عرسها هاي اني اول وحده
....
اي لعد مو كتلج اني احب سحر
لحضه لحضه
اني مامعترضه سجاد
بس دا اريد اعرف مصيري الى اين
احسن مصير واخذي الانسان الي تردي بعدين
ايي .
سكتت والشهكه بصدري
كال شحجيتي وياها خابرتني فرحانه
كتله اي مو كتلك افرحها
كال اشكرج لان طمنتيها
صدكيني اني احبها
لسحر
بس ا
امي امي دمرت حياتي
سجاد مثل متريد يصير
بس ياريت
متجرحني بلكلام
لا لا اني اسف ماقصدج والله
زفونا للبيت
بس احس ضربوني طلقات
لان كله مابي طعم
بس حمدت ربي وشكرته
اجرع هذا العذاب ولاالموت والفضيحه
نزلنا للبيت
مو بيت قصرر
وكلها تدك وتطبل
وصوت الموسيقا عالي
امبين عليهم فرحانين
طلعتي ام سجاد
طببتني
وذبحو طلي
فزت روحي
من الدم
وكمزت
بس سجاد لزم يدي
صارت راسي بحضنه
اخخخ ربي لاتختبرني هيج اختبار
ماريد احبه ماريد اتعذب
بس جنت بكل لحضه مادري بنفسي
اني كمت اتعلق بلولد
وهو مو الي مو ملكي
ملكي بس بلقانون والشرع
بس روحه وكلبه وعقله يم غيري
من اذكر هشي ينهش جسمي نهش
دخلنا للبيت
وكعدنا والبنات يركصن
والعالم كوومه
جنت ادور علسحر من بين البنات
وكل بنيه ت
حلوه اشوفها اكول يبووو ي حقه عمي
يحبها بس لحد هسه ماكو هي
لان اسال سجاد
يكول لا
اخر شي جانت بنيه واكفه
شعرها لركبها ولابسه ثوب تركوازي
وشكره وعيونهة زرك صدك بمعنى الكلمه
جنها اجنبيه
باوعت علسجاد
يعانيلها ويبتسم
وهي منزله راسها ودموعها بعينها
سالته كتله سجاد هاي البنيه الحلوه
كرايبك
كال لااا
هاي ام كلبي وروحي
شوفيها شلون ميته باعي
اخ الله كلبي نار نار نار كلبي اسرار
شوفي حبيبتي تتعذب كدامي ومابيدي شي
كتله ششش لاتضوج
لاتخليني هسه اروح اخليها بمكاني
كال لا بس تعبت اسرار
تدرين شكد سويت مشاكل خاطر اخذها
بس امي بكل مره جانت تتوكع وتتخربط
وقبلت بقرارها لان اخاف اتموت واني السبب
بس شوفي حبيبتي الي دتموت هسه
كافي كتلك
اني راح اساعدكم واخليكم تتزوجون
هنا عرفت نفسي دخلت بعذاب جديد
وقصه جديده
اني بطلتها ههه
احجي وكلبي ممرود مرد
سجاجين تنبتت بي
صحت البنيه
كتلها لاتخافين
باعي شراح اكلج سوي
كعدت بصفي
كالت يي
كتلها روحي كعدي يم امه
وباركيلها
كليلها الف مبروك..
كالت خوش
راحت وسوت الطلبته منها
وراها دورت عليها مالكيتها
حقها تروح محد تتحمل
خلصت الحفله وكلمن رجع لبيته
بعدما زفونا للغرفه
سجاد رجع نزل وبعد مشفته
بس اسمع صوت صياح جوا
بلبيت
امه تكله ولك اش عروستك لاتسمع
بدلت من الملابس  الخاليهن اليه
كلابيه ولونها جان ابيض
وكلش حلووه
نزلت علكيف
اسمعه يكللها فوك ما جرحتيها
نوب تطرديها
كالتله بكل عين وكحه جايه للعرس
شعدها
اني هاي الي جبتوها الي
مراح اتقرب يمها خطوه
الي تردي سوي يووم
اتحملي نتائج اخطائج
امه ضلت تصيح ارجع ارجع
وكتها عرفت بنفسي دخلت بدوامه
مامنها مهرب
بيت كله مشاكل
بس رغم هذا اني معليه
سجاد عاف امه وطلع وركع الباب بقوه
فزيت وي طبكه الباب
بس رجعت صعدت
رغم رجليه متعيني .من الي سمعته
يجوز حجا هذا الحجي حتى يضوج امه
ويجوز يريد  يكطع كل امل بيه
بجيتتت للصبح
بفراشي وهو مااجه..للحكايه بقيه