#بنت_العرب🔞🔞🔞
بارت 8
اسراء محمد
.......................
🌹:
ماااحس الا عممر بلكاع ومغطى بدمه..
وسجاد يصيح والسوك كله التم..
الناس جرو سجاد من فوك عمرر
وطلعو عمر من السوك
بس هو ضل يباوعلي.
كال ماخليج تزوجين انتي
الي وبس..
بس سجاد جان بعيد مسافه مسمع
الحجي الحجا
ضليت صافنه علحالي
وين صرت وين راح نوصل
شوكت توكف هاي الدوامه
من توكف حياتي
رجليه من اثر الوكعه يوجعني
سجاد وامه يسولفون
تساله بيك شي
هو يكللها لا ماكو شي
اجه بصفي
كال تعرفي
كتله لا
كال لا تعرفي
صفنت علي
لاوالله
كال ليش هيج لحكج
كتله واحد من ذوله الميستحون
كال اكيد اسرار
كتله اكيد
كال الي اعرفه عنج خوش بنيه
واكيد اني صح مزوجج حتى ارضي امي
بس السمعه شي ماتنازل عنه
لا لا اطمن..
اني اهمس بكلمات اطمئنه
بس ابداخلي محروكه حرك
جبنا الغراض ورجعنا للبيت
سجاد جان واكف بلمطبخ سلم على
امي وترخص
وامه هم كالتلي يله خاله
لاضوجين بنيتي .اهم شي سلامتج.
بستها ..كتلها خاله ممكن احاجي سجاد
كالت اي تفضلو
سحبت سجاد للحديقه
كال ها كولي
نضراته جانت تخوف .واحسه كام يشك
كتله والله مو مثل مافاهم الولد ماعرفه
ولو اعرفه جان مكتلك
كال لا ادري بيج فقيره
بس مره ثانيه انتبهي اكثر ونتي تمشين
سكتت ..
كتله سجاد اسفه حيل
بتسم كال عادي ..
جنت اباوع علي واتمنا يكون
الشخص الي راح ينقذني
من الواقع العايشته..
راح سجاد وراحت احلامي ويا
مثل كلمره اوكع وانهار بجي بغرفتي
بدون محد يكلي شبيج
بدون محد يسمعني
صار الغروب واني مطلعت من الغرفه
دخلت امي كالت اسرار
وضعج مو طبيعي من رجعتي الصبح
ولحد هسه
اكوشي
لايمه سلامتج..
مضوجج خطيبج بشي
باووعت عليها ..
وقدمت عيني ..
كتلها ليش يهمج ..بشنو احس
كالت شلون لعد غير بنتي
ضحكت كتلها اي واضح
اتركيني وطفي الضوه تعبانه اريد انام
نزلت بفراشي وخليت البطانيه عليه
كامت وكفت بلغرفه
وتصيح من جيتي ولهسه
تصيحين تعبانه تعبانه
مو وضعيه هاي
جاي اكلج اذا مضوجج
اني احاجي ابوج
يفرك اذنه.
ههههه يفرك اذنه
لج يمه ..ابوي رجل دجاجه ميربط
خلي مهتم بمشاكل العالم وعايف بناته
ماريد احد يدخل هاي حياتي
حتى ورما تزوجت هم تدخلون
خربتو حياتي بيدكم خلوني هسه اعيش
اريد اتنفس
ثاني شي اياج وباالج تحجين علسجاد
سجاد وررررده مال الله
ومثقف .وعاقل ماياذيني بشي..
دكافي كافي مو طولتي لسانج جنج
اريد انطمر يوم تعبانه
نامي ..
راحت .
وره شويه ختنكت من البجي
فتحت جامت الغرفه
داتنفس هوه وابجي
ربي لو تاخذ امانتك مو احسن الي م
من هلعيشه .
شفت ضوه لايت وبوجهي من بعيد
من خوفي بسرعه سديت جامه
وكعدت ..
كمت ارجف
بسلا ابوي شافني
نزلت شفت ابوي جوا كاعد يتعشا
لعد شنو هاي ياستار
صار عندي حب استطلاع
فتحت الباب مال سطح
وضليت احاول اركز منو هاي
خلا الايت ابوجها
وتقرب
شفت عمر
اي هذا عمر
تقرب مني حيل
وصار بصف بيتنه
كاال احلفج بمعزه امج لاترحين
وكفت خطوه.
شررايد انته شرايد
خايف عليج
هههههه عليمن بله
والله احبج ..
بس بسس ماريد اسمع حجيك
هذا الفارغ الي فقد معنا
اسرار اني جنت صغير
وتهورت من اغت.... بس بس
بسس لاتكمل
عممرر مختصر الكلام
اني متزوجه اكو شي ثاني تريده بعد
اي اريد اخذج اتزوجج
متزوجه..
اسرار والله احبج والله
اموت نفسي حتى تصدكين
دخيلج لاتتزوجين
ماعندي جواب لكلامك
يلا باي
عفته ونزلت الدرج بسرعه
شكد بجا كدامي بس مااثر بيه
مثلما ما اثرت بي من بجيت وترجيته
كم يوم باقي علعرس
ومضل شي
سوا بقايا ذكريات وراح اودع كلشي
يخص ماضي حياتي
وراح ادخل بدوامه جديده ومستقبل مجهول
وناس يجوز احن عليه من اهلي
او ياذوني اكثر
خلال هلايام التفكير اكل راسي
سبحت وبدلت اجتي العصريه
اخت سجاد ميثاق
ميثاق حلوه وجميله جدا
عيونها كبار عسليات
وشكره عمرها
يطلع 20 مزوجه بس
مطلكه لان ميصير عدها
اطفال وحسب مكالت الخلل
بزوجها بس هي
حلوه حيل كالت امشي وياي
اخذج ارجعج اتخبلين
كتلها وين
كالت امشي
من دخلت ميثاق لحدما طلعت
اخوي مشال عينه عنها
بت مدينه واول مره يشوف هيج
وحده مرتبه وصغيره..
صعدنه بسياره
كتلها وين نروح كالت اعدل شعرج
المتقصف واخليلج مصايب تخلي وجهج كمر
حياتي هههه
لاحبيبتي ماكو داعي
لااكو انتي جنتنه ونريدج احلا وحده
بتسمتلها
اني حلوه مناقصني شي
ليش هيج تسوي
تخلي فوارق بيناتنه بدت رحمه الله
سايرتها طول مااحنه بسياره
وصلنا دخلت لصالون اول مطبيت
كله جام خان ومرايات
وكلها ميوزه من سيراميك ويلمع لمع
ومسفط علي غراض شي مكياج
شي فرج ومشوطه وصبغ اضافرات
ضليت صافنه..واجر حسرات
كعدتني علكرسي ولبستني صدريه حمره
ام الصالون يطلع عمرها بلربعيناات
مره جبيره بس حواجبها تاتو والشعر اميش
شكلها جنهه وحده بكدي رغم ميلوكلها المكياج
تعلج وتشتغل كالت اوي شبيج
متعرفين مرايحه صالون
كتلها ليش
كالت دوري عدل خلصبغ شعرج
كتلها وانتي يصير متسولفين لان راسي فتر
ودخت .من صوتج
صفنت بوجهي
درت وجهي وكعدت
اوهي بدت تشتغل
اني بطبعي ماعرف اسكت لاحد يضوجني
وخصوصي بعد ااصار ويايه
كملت شعري وخلت الوجهي تشقير
وحفت ورسمت حواجبي ومكيجتني خفيف
🌹:
أنت تقرأ
بنت_العرب🔞🔞🔞
Romanceهلمره رح ندخل وياكم بادق التفاصيل شنو المجتمع العشائري وشنو طبيعه حياتهم..عاداتهم وتقاليدهم.. طبعا اكيد كوليتنه نعرف شكد العشائر منغلقه وميتفاهمون بشي اسمه شرف راح تتعرفون اكثر علهشياء بتفاصيل القصه الجديده الي راح انسجها.. ........ اتووقع😊 الصو...
