بنت_العرب🔞🔞🔞

الجزء الثاني البارت السادس

#بنت_العرب🔞🔞
جزء2 بارت6
اسراء محمد

🌹:
ربي الك المشتكى
كلبي  نااار مشتعله...
ضليت ابجي ايام وليالي
جان صعب اتقبل الي صار
مرت عليه فتره صعبه حيل
سجاد معرفت عنه شي بعد ابد
لان ماكو تواصل بينا ابد
بس بعده كلبي يحبه
الى ان امي قررت
وكالت ارجعج للمدرسه
وادرسي
كتلها يوم اني سادس بتدائي
مخلصه كالت ميخالف
هاي بت جوارينا متحنت خارجي
وبعدين متحنت سادس
والعام تخرجت من الجامعه
فاانتي صيري سبعه
واني اوديج الها اتدرسج امتحني
بلكت الله
وافرح بيج يمه
كتلها شوفي ابوي يقبل
كالت صدك جذب
يمه ابوج ماله علاقه بعد
باي شي ماكفا الي صار
كتلها كليله ميخالف
راحت حجت اله صاحني
كال بوويه فرحيني بيج بنيتي
بتسمت وحسيت نفسي رتاحيت
كتلها يوم باجر نرروح للسوك
عندي كم فلس
اخذ كم شغله  ملابس وغراض
محتاجتهن الي
كالت ادللي
الصبح ثاني يوم بدلنا وطلعنا
جاي اطلع من الباب صااار بوجهي عممر
ضليت مربوطه بمكاني
اريد اتحرك ماكو
اجت امي سلم عليها
ضل يباوع الي
اني دنجت
وعفته ومشيت خطوات ويه امي
امي كالت يمه عمر خطيه
ليهسه ممزوج
كتلها ليش
كالت امه تكول يحبله وحده
وزوجت وماتزوج بعدها
صفنت بوجها
كتلها الله جاي يعاقبه
كالت ليش شسوا
كتلها لاهيج يمه
سولفنه واحنه نمشي
دخلت للمحلات
كلشي اكو
نلابس عطورات جنت ضايجه
كلش ورتاحيت من طلعت
وشغت ناس وعالم
وكفت اباب المحل
امي جانت تعامل علسعر
اجه عممر وكف كبالي
اني خفت حيل
درت وجهي
احس نفسي تلعب
اجه وكف كال ابوس يدج خلي نحجي
كتله والله ماكو كلام ابيناتنه
كال ليش هيج
تدرين اني متت بعدما رحتي
كتله مشكلتك
اذا مرحت منانه الم عليك العالم
دخلت وصحت امي
وطلعنا
كلشوي افتح الجهاز
واشوف اكو اتصال من سجاد لو لا
رغم جنت ملتهيه بس
تعبانه وافكر بي ولايروح من بالي
وخيالي
اتفقت ويه البنيه ادرسني
وكمت اروح وارجع الها
وادرس وذكيه كلش زينه
قدمت علثالث متوسط
وقررت امتحن
بعد كم وصلت الموافقه
على الامتحان فررحت كلش وطرت
بس بليل من اجيت لمخدتي
نكعتها واني ابجي
حصلت كلشي
وخسرت سجاد
حبيبي
الانسان الي لكيته
بعد مادورت عنه
بكل شخص
مرت ايام
واني شاده حيلي وادرس
وضعي ابد مو طبيعي
بهلفتره تغير بسرعه
احس نفس واني واكفه ادوخ
امي ماعدها فلوس تاخذني للطبيب
كلما اكلها تكلي يمه من التعب
من الدراسه
بس اني مااحس نفسي
طبيعيه..
اخذت من فلوسي الضامتهن
من سجاد ورحت للصيدليه
جبت جهاز كشف حمل
حللت ونتضرت النتيجه
هنانه حالتي ساءت ازيد
من عرفت بنفسي حامل
حامل بابن حبيبي
وعمرري
اخخخ يرربي
نهاريت بجي علارض
حملت من اول يوم
بديت احس اكو روح
بداخلي تتحرك
وذكرى حلوه من حبيبي
يجوز هو نساني
بس اني ماانسا
احبه وراح اضل للموت
اعشك نضراته وعصبيته
حتى غيرته كلشي جان حلوو
هو الي خلصني من الضلم الجنت عايشته
ولي خلاني مانسا
جان متفهم وما قرر يقتلني
مثل البقيه ستر عليه وسكت
رغم ماصدكني
ولحد هسه ماوصل منه اي ورقه
طلاق.
بس مااعرف عنه شي
اني قررت اسكت ومااحجي لاحد
بس خبرت امي وابويه
بليل اجتنا اسواار
وخبرتها وجنا كلش فررحانين
حضنتها وكمنا نبجي سويه
شفت ابنها وهو يمشي ويلعب
وصاير يخبل واكو بيبي ابطنها بطريق
كتلها شلونج وي رجلج
كالت زين
لزمت ايدها احجي الصدكك
كالت احسن من كبل اسرار
هو تغير هوواي
بعد وكعه ابويه
رغم يعصب مرات
بس هسه فررق
كتلها وهذاك نسيتي
كالت دفنته بكلبي
وهسه احب رجلي
كتلها يعني هاهيه
كالت ت
نحمد الله ونشكره
كالت عوفينا مني
انتي شخبارج
ليش زعلانه
هيجي
كتلها مو كتلج اتزوج
كالت وذا مالج غير بيتج ورجلج
محد يفيدج
كتلها لا انتهى كلشي
اريد اعيش حياتي اسوار
لاتفتحين الموضوع
كمت غسلت وبقينا سهرانين
نسولف للصبح
تمر الاشهر وبطني تكبرر
وصلت شهر الخامس
بعدما متحنت امتحاناتي
مريت فتره صعبه
بس متراجعت عن حلمي
كملت وماباقي شي
على النتائج
حبيت اشوف جنس البيبي
اتصلت بااختي
واتفقت وياها نروح
للدكتووره انحلل
اجتي اختي اخر شهر الها
وراح اتجيب
تقريبا تعودت علوضع الي اني بي
اصنف واضحك عليها
بلطريق نزلنا يم العياده
اول مادخلت جووا
شفت صدمه اذت كلبي حييل
شفت سجاااد ولازم ايد سحر
ويحجي وياها
شفتهم بس شردت
ورحت ابجي برره
تقيات علرصيف وساءت حالتي حيل
اختي كعدت يمي  تبجي
شبيج ولج عززا بعيني
يمه البنيه راحت
بلصدفه سجاد اجه وهي ويا
شاف اختي تبجي
كللها اتفضلي اختي اكو شي
اني شلت راسي
صار عين بعين وياي
هو ضل ابمكانه واكف ويعاين
اني اخذت ايدي اختي
بطني جبيره
كتلها اخذيني اريد ادخل اشوف الطفل
كالت اي
حبيبتي امشي
هو ضل بورانا وسحر بسياره
اخذت باص وكعدت انتضر دوري
اجه وكف كال اريد احجي وياج
كتله شرايد
كال ابن منو هذا
ضحكت كتله معليك
كال احجي
كتله اني نطردت وطلعت من حياتك
والي ابطني مو ابنك
كال جذبتي
كتله اي اجذب
بس هذا ابني واني اربي
مالك دخل بيه
صحيح ليش مدزيت اوراق طلاكي
كال كومي برا نحجي
صاحوو اسمي
عفته ودخلت
تمددت علسرير
والدكتوره فحصتني
وشفت صوره ابني بلجهاز
فرحت كللش كالت الطبيبه
هذا ولدد
ربي يتتملج علخير
طكت دموعي
اختي اتسكت بيه
🌹:
كتلها هذا الحاجاج ابو ابني
كال صدك كتلها اي والله
كالت بعده واكف بالباب ومجاي يروح
عبالي واحد زاحف
ضحكت..
كتلها لا هو سجاد
كالت كومي خلي نطلع الف الحمدالله
الله يكومج بلسلامه
كتلها يسلمج الرب
طلعت سجاد بلباب
كال تعاي احجي وياج
كتله عوفني ابوس رجلك
والله تعبانه روح لمرتك
خطيه حامل
كال منو كلج حامل
سحر متحمل مريضه
سكتت مجاوبته
انشالله تحمل
كال بس كلمتين وروحي
اختي كالت شوفي شيريد
وتعالي
كالت اله البنيه حامل اقل
تاثير موزين علصحتها
جرني من ايدي
كال احجي ابني هذا
كتله اي ابنك
كال
وليش ماعرف صار فتره
كتله مامتصل وسالت عني
بلجذب
اخذت شغلتك وشمرتني مثل الجلبه
كال مجاي اكدر استوعب الي عشته
وياج ولاجاي اكدر اصدكج
كتله ابووس ايدك عوفني بحالي
كعدت ابجي
كال كوومي
كتله الولد اسمه عمر
وهو دمر كل حياتي
كافي ابوس ايدك
روح اساله وشوف
واذا تريد اكو تقرير طبي
كومني
كال كافي كومي موزين عليج
عفته ومشيت اجرنا تكسي ورجعنا
كلش تعبت ومحسيت نفسي
اني بفراشي..
نمت من البجي..للحكايه بقيه

هم احجو عليه😬 تصددكون شبعت بجي
واني اكتب 😢