قصه زواج تقليدي
💔(( اعشق وجودك في حياتي رغم قسوتك ))💔
#بقلمي الكاتبه توليب .
رحت كعدت يمه واتغدينه علي بس يخزر بيه 😒
عبالك كاتله اهله خلصنا غده كمت سويت شاي وديتلهم بعدها راحو واني كمت انضف المطبخ خلصت رحت لغرفتي وره دقايق اجه علي بس عيونه اذب شرار
ريم ... ااه😓 علي خير اكوو شي
علي ... كمت اصيح عليهه ليش تكولين حبيبي ومااعرف شنو هاي سوالفج التعبانه
ريم ... ليش سوالفي تعبانه المره اذا ما تكول حبيبي لزوجها المن تكول لعد وين الغلط بالي كلته
علي ... شوفي ريم قسما بالله هاي المره اعديها الج مره ثانيه ماتلومين غير نفسج مفهوم
ريم ... اول مره اشوف علي هيج 😭😭 ضليت ابجي هوه كام يكسر الغراض وراد يمد ايده عليه ودخلت ماما ام علي وصارت بيني وبينه لزمته وكالتله
ام علي ... يمه حرام عليك شدسوي البنيه ماسوت شي
علي ... لا ماسوت ومره ثانيه اني اعلمها وطلعت
ريم ... ضليت اشهك وابجي بحضن امي فكرت ارجع لاهلي لان شسوي يم رجال مايحبني بعدين فكرت بمعامله مرت ابوي واخواني هم ارجع للضلم ولوو نفس الضلم هنا وهناك اووف ربي منين الكاها من مرت ابوي لو من زوجي الي يتخبل من شوفتي
وكلت ريم خليج هناا ع اقل عندج اب وام يحبوج ويدافعولج ومدلليج بعدني مافكيت حلكي اجاني الي اريده خلي اعتبر نفسي ما متزوجه ومعليه بي اني ما ناقصه وجع كلب بس راح اضل احبه وانتضر اليوم الي يتقبلني ويحبني ولله كريم
بعد مرور ٤ شهور من زواجنه عرفت انو هوه ع اتصال وياهه سمعته بس ما حجيت وسويت نفسي ما مهتمه جنت اعتني بي وبملابسه واكله وشربه بس بدون كلام وماالي علاقه بي
ثاني يوم دا انضف و سمعت ماما تحجي ويه علي
ام علي ...علي يمه انت بعد اتزوجت والبنيه تحبك واكبر دليل لحد هسه متحمله العيشه وياك وانت يايمه ما معتبرها زوجتك
علي ... صفنت كلام امي صح بس شسوي قلبي ميقبل ينسه نورس ... وسكتت وطلعت شفت ريم اتنضف قلبي انكسر عليها بس مو بيدي
ريم ... طلع علي باوع عليه وراح
بعد شوي خاب ت سميه ع ماما وكالتلها جايينكم اني واحمد والجهال و نورس اجتي وضايجين وكلت نجي عليكم
ام علي ... اي يمه هلا بيهم
ريم ... بعد ساعه اجوي سميه واحمد نورس والجهال احمد ذبهم وراح عنده شغل
اني رحت اسوي غده كملت طلعت من المطبخ واسمه سميه ونورس يحجن
سميه ...هاي شبيج هوه لحد هسه يحبج
نورس ... اي حبيبتي اصلا هوه يخابر عليه ويتوسل وما انطي مجال وكتله مره متزوجه عوفني بس ميقبل خطيه مرته ما ماليه عينه 😏😏
سميه ... لا عيني ماتكدر تنسيه حبج 😂😂
ريم ... اني هناا انهاريت طبيت عليهن وكمت اصيح
ولج انتي لو تستحين ما تخونين زوجج ع ذمه رجال وتخابرين حبيبج السابق يا ما مربايه
لا وانوب بكل صلافه كل فتره تجين علينه دمرتي حياتي الله يدمرج يا ساااق.....
سميه خابرت احمد اجاها وراحن بهد ما سولي مشكله
وضليت ابجي اجتي ماما
ام علي ... عفيه عليج يمه يستاهلن حيل بيهن روحي ارتاحي يمه
ريم ... اي يمه رايحه احس نفسي دايخه راح انام شويه
ام علي ... اوف بنيتي الله يعينج اووف علي شسويلك متكلي مره مثل الملاك عندك وراكض وره عل سحليه
ريم ... طبيت لغرفتي ارتاح
هستوني غفيت وسمعت الباب اندفر
....... يتبع
🌼🌼🌼🌼🌼🌼
لا نتسون التصويت عفيه
اعذروني ع الاخطاء الاملائيه اكتب بسرعه ولله
قدروا تعببي بتصويت 💓💓
أنت تقرأ
زواج تقليدي للكاتبه توليب
ChickLitقصه ريم يتيمه الام عاشت ضلم من مرت ابوها قررت انو تزوج وترتاح بس .. تابعوا الي الصار بعدها قصه واقعيه باللهجه العراقيه
