قصه زواج تقليدي
#للكاتبه _توليب
البارت ال 13
🌺🌺🌺🌺🌺🌺🌺
ريم ... رحت لدكتوره وكالت حملج ضعيف وعندج فتحه بعنق الرحم يعني مهدده بالاسقاط وكالت لازم انام ع ضهري وماكو ثقل ولا تعب وبشهر الرابع اذا ما انسدت الفتحه نسويلج ربط اني كلش خفت واحس كلبي وكف اخاف اخسر ابني ومرت الايام واني كلش حذره والكل مهتمين بيه الى ان صرت بشهر الرابع وهم رحت لدكتوره وكالت انو الفتحه مسدوده لحمد الله وانطتني مقويات ومثبت وهواي ادويه ووسألته ع جنس الطفل وكالت احتمال ولد نهايه الشهر الخامس نتأكد وفعلا رحت وطلع ولد وعلي كلش فرحان بس احس قبل فتره جان تعبان وميحجي بيس حجينه وطلع علمود الطفل
ريم ... علي شبيك حبيبي من شنو خايف الطفل مبي شي ولحمد الله
علي ... لا كلبي ما خايف الله موجود وراح يحفضكم اليه بس جان مجرد خوف انو اخسر الطفل بس لحمد الله وبعد ايام راحت ريم وتأكدنه انو هوه ولد وكلش فرحت اني ماغندي مشكله ولد او بنت بس جنت حاب انو اول طفل ولد واسمي فهد
ولحمد الله الله استجابلي وطبعا كنت لا اصلي ولا اصوم بس ريم ملتزمه وصرت مثلها وصرت ملتزم حتى صلاة الفجر كمت اكعد واكعد ريم ويايه لحمد الله ربي ما حرمني من شي
ريم ... وبعد فتره صرت ب الشهر ال 8 وكمنه نجهز للطفل واختي ويايه وبابا بكل لحضه مافاركوني بس حسيت محتاجه لامي حييل وافتقدتها وحبيت اشاركها فرحي لاكن الله يرحمها اكيد دشوفني هيه وطبعا ماما ام علي ماقصرت ابد وفعلا تستاهل كلمه ماما لانها عاملتني مثل بنتها واكثر وطبعا اكثر الاحيان جانت توكف ضد علي علمودي وابد ماسمعتني كلمه وكفت ويايه وكلش احبها اني ربي يحفضهم اليه كلهم
وبعد ايام يعني تقريبا اليه ١٩ يوم ب الثامن وصارت عندي اوجاع بالليل كلش قويه كعدت علي
ريم ... علي اااخ كوووم
علي ... هاا شكو
ريم ... علي دا اتوجع حيل الحكني
علي ... شنو تتوجعين كلبي بعد وكت للولاده مالتج
ريم ... علي مااعرف سوي شي كعد ماما مااتحمل بعد وكمت اصرخ واصيح ل ماما
واجتني وحضرت جنطه وعلي شالني للسياره وكبل للمستشفى وعلي خابر مريم اجتي هيه وزوجهه وبابا هم اجه صارت عندي ولاده مبكره واجتي الدكتوره عاينت حالتي
الدكتوره ... عندج ولاده بنتي
ريم ... بس بعدني ب الثامن دكتوره 😭😭😭
الدكتوره ... اي ولاده مبكره صح خطر بس راح نبذل جهدنه
ريم ... راحت الدكتوره ولازم قيصريه ومتت خوف اجتني السستر ولبستني صدريه وطلعت
علي ... طبعا كلش خفت ع ريم والطفل مابيدي شي اسويه ايدي مربطه وبس واكف شسوي مادري وصافن وحتى كمت ادخن راحت ريم تتحضر علمود العمليه بعد ما خلصت رجعت طبيت للغرفه مالتها
ريم ... علي 😢😢
علي ... عيون علي كلب علي حياه علي انتي كولي يروحي ولازم ايدها
ريم .. حبيبي 😢 خاف يصيرلي شي لا تزوج لان ماراح تجي الي تحبه وتهتم بي راح تعامله مثل ما نرت ابوي عاملتنه اني واختي وشلون ضلمتنه واتزوجنه بعمر صغير علمود نخلص من ضلمها واريدك ادير بالك ع نفسك ومااوصيك بابا هم دير بالك عليه طبعا احجي وابجي والكل هم بجوو
علي ... ريم اشششش كلبي لا تحجين هيج بعيد الشر ياروحي راح تكومين بسلامه وترجعين لحضني بخير وسلامه
احجي وياها بس دموعي تجري بدون مااحس واصلا مااكدر اوكفهاا
ريم ... بعدها صحت لبابا و كتله دير بالك ع نفسك و ع اختي مريم
وبعدها هم صحت ع ماما ام علي وكتله
ماما علي وابني بأمانتج ادري محد راح يهتم بيهم ويحبهم غيرج ماما فدوه اروحلج ديري بالج عليهم واذا علي اتزوج لا تنطي ابني يمه لان مرته راح اتأذي
ماما ... ولج يمه شلج بهل خرابيط محد غيرج راح يهتم بيهم تكومين بسلامه يمه وترجعيلهم وبست راسها وودعتها
ريم ... علي باسني من ايدي وراسي وماما هم باستني من راسي ومريم وبابا هم حسيت انو هذا اخر يوم اشوفهم بي وطبيت لغرفه العمليات
نمت ع السديه (السرير ) ووفتحت ايد منا وايد منا وكأنو راح اطير وحطولي كانونه وضربوني بيهه ابره كبيره 😨😨😨😨😭😭😭😭😭
وحطولي هذا البخاخ وانفتح ضوه بعيوني قوي والدكتوره بلشت تسألني الى ان اتنفست بهذا البخاح نفسين والثالث بعد ما حسيت ع شي ............
يتبع
🌺🌺🌺🌺🌺🌺🌺🌺🌺🌺🌺
قصه زواج تقليدي
#للكاتبه _توليب
بنات اعذرووني ع الاخطاء الاملائيه
ولا تنسون التصويت فدوه ودعم واريد توقعكم للبارت القادم
احبكم
أنت تقرأ
زواج تقليدي للكاتبه توليب
ChickLitقصه ريم يتيمه الام عاشت ضلم من مرت ابوها قررت انو تزوج وترتاح بس .. تابعوا الي الصار بعدها قصه واقعيه باللهجه العراقيه
