قصه زواج تقليدي
للكاتبه توليب
البارت ال 15 والاخيييير
ريم ... بعد ما رحنه للدكتور ثاني يوم سوه فحوصات ل علي وحجاله ع الاعراض وبعد ما طلعت الفحوصاات جانت صدمه عمري
الدكتور ... مااعرف شلون اكول بس خلي كلبكم قوي
للاسف علي عنده مرض بالرئه
ريم ...كلش انصدمت وضليت اكرر السؤال ع الدكتور شنوو شدتحجي دكتور اتأكد خاف مو اله هاي الفحوصات خاف مخربطين لااااااا مستحيل علي مابي شي وضليت الطم واملخ بروحي بالعياده والتمت الناس كلها
الدكتور ... اتفهم خوفج بنتي بس مع الاسف متقدم المرض لان ما اكتشفه مبكرا ومع ذالك راح ابلش علاج وياه
ريم ... دكتور فدووه سوي الي تكدر عليه حتى اذا يحتاج سفر هم نسفره اي شي تكول عليه دكتور احجي وياه وابجي 😭😭
ورجعنه للبيت وجهي عباره عن خريطه وعيوني مورمات والدنيا ضلمت بعيني واتلكتني ماما وحجيتله هم ضلت ادك وتلطم واني هم زدت وياها وحسيت اريد انتحر بس شنو الفايده يا ربي شافيلي حبيب كلبي اخذني ولا يصيرله شي
علي ... وطلعت الفحوصات وطلع عندي مرض وجانت صدمت حياتي بس بنفس الوكت صابني برود من الله صح انقهرت وايست من الحياه وخصوصا واصل المرحله ال الثالثه يعني ماكو امل وضليت بس اريد اكضي وقت وياهم بس احس روحي ما اشبع منهم
ريم ... اني املخ بروحي والطم وعلي عنده برود مو طبيعي عادي يسولف ويلعب ويه الجهال ولا كأنو اطو شي بس احس بنضره قهر بعيونه ويكابر
وهذا الي قهرني اكثر شي والي خلاني اموت اكثر كلامه كالي
ريم كلي انتي ماكو داعي لهذا لدسوي بروحج
هذا حكم الله واني مؤمن برب العالمين وماعندي اعتراض لحمد الله اني شفت الدنيا كلها بوجودج وانطيتيني احلى حب رغم معاملتي الج وصبرتي عليه واراها قدمتيلي اروع 3 هدايا الي همه فهد وادم ويس انتو ال 4 قطعه من كلبي مو قطعه انتو اصلا كلبي كله ومااريد اي شي بعد يكفي انو اموت بحضنج واني مطمن
ريم ... اني هنا انهاريت بدموعي وكتله مستحيل تعوفني علي اموت وراك ولله ما تخيل اتعوفني واكمل حياتي بدونك حياه مابيهه علي مااريدهه
ومرت الايام وباوع ع علي صار يتعب اكثر واكثر اني اكطع بروحي عليه وصار يتعب هوايه ويتعذب من المه بس يضم بدالخه علمود ما يضوجني او يضوج امه وماما تعبت حيل وراه وكلنه صارت عدنه كأبه البيت ماتت الفرحه بي وبقيت اراجع بي للدكتور ما ايست من رحمه الله وكامو ينطو جلسات كيماوي بس للاسف المرض متقدم وماكو نتيجه اقنع بروحي
علي وكع شعره اني اتمنيت اموت ومااشوف هالموقف واصلا اني اموت كل يوم بشوفه علي هيج ومابيدي حل بس الدعاء وصبرت واقنع بروحي واكول اهم شي بعده عايش شعره يطلع من جديد
أنت تقرأ
زواج تقليدي للكاتبه توليب
ChickLitقصه ريم يتيمه الام عاشت ضلم من مرت ابوها قررت انو تزوج وترتاح بس .. تابعوا الي الصار بعدها قصه واقعيه باللهجه العراقيه
