زواج تقليدي للكاتبه توليب

البارت ال ٥

قصه زواج تقليدي

للكاتبه توليب

لا تنسون التصوييت 😍😍

ماحسيت اله الباب اندفر ...
كعدت ع حيلي طلع هذا علي
علي ... ولج انييييي اعلمممج اليوم شلون هيج تحجين ويه نورس اليوم الله ميخلصج مني
😡😡
ريم ... عزه بعيني شحجاني يربي ششراح اسوي دخلت ماما ع صياح علي

ام علي ... ولك يمه علي استهدي بالرحمن

علي ... ولج يمه اليوم اموتها

ريم  ... اني ضليت ابجي واصيح ممسويه شي ولله وختلت وره ماما ام علي
بس علي معصب كلش
علي ... ريم لخاطر امي راح اعوفج هذا تحذيرج الاخير وطلعت

ريم ... اني ضليت ابجي والوم حضي ع الي يصير بيه وقررت ارجع لاهلي كمت لميت غراضي حطيتهم بجنطه وردت اروح لبيت ابوي

ام علي ... لا يمه لتروحين اتحملي لخاطري يمه لازم يجي يوم وعلي يحبج

ريم ...شتحمل يمه اتحملت هوايه لهنا وخلص ضحيت بكرامتي وانمسحت بيها الكاع  وضحيت بذاتي  وكل يوم انهان وابقه ساكته ومتحمله وهوه شنو الي قدمه اليه حتى حبي اله ماقدره حبيته من كل كلبي وكل اكول باجر يتغير بس مينفع يمه 

ام علي ...  كافي بجي يا يمه شوفي بنيتي اذا تريدين روحي خطار يوم يومين ارتاحي  وبعدين رجعي هذا بيتج لا تفرطين بي وعلي زوجج لا تنطينه لغيرج

ريم ... صار يمه بس هاا اذا رجعت فلخاطرج وبس 😔😔

بابا  ابو علي  وصلني لبيت اهلي 
مرت ابوي ... هااا شجابج

ريم ... الواحد يرد سلام بالاول وبعدين جايه اشوف ابويه مشتاقتله
مرت ابوي  ... 😒😒😒

ريم ... طبيت سلمت ع اخواني ورحت حضنت بابا واشتم بي وضليت ابجي بحضنه وطلعت كل الضيم الي بكلبي بالبجي 

بابا ... ريومه شبيج بنيتي احجي يا روح ابوع احد مأذيج
ريم ... مابيه شي بس مشتاقتلك

بابا ... ههههه لعد سكتي لخاطري ماريد هل عيون يبجن

ريم ... صار بابا
خابر بابا ع مريم وكاللهه اختج ريومه هنا وتريد تشوفج
كالتله اي بابا هسه اكول لعمر يجيبني عليكم

للليل اجتي   مريم  حضنتها كلش مشتاقتلها وضليت ابجي وحجيتلها كل الصار

مريم ... 😭😭😭 اووف يا كلبي انتي كله صوجي اني من كتلج وافقي حته تخلصين من الظلم الهنا انوب  وكعتي بالاكبر اووف يا ربي ليش هيج حضج يا روحي انتي

ريم ... الله كريم متعلم ع الصدمات كلبي 💔

صار ثاني يوم  راحت مريم اجه عمر اخذها
اني بقيت ٣ ايام يم اهلي ومجنت ناويه ارجع

مرت ابوي ...شنو انشالله ناويه تبقين هناا تره المره مالهه بيت رجلها

ريم ...  اي ادري  هل كم يوم ارجع😒

ماما ام علي خابرت ع بابا ورادت تحجي ويايه
ورجعت خابرتها
ام علي ... ريم شلونج بنيتي

ريم .. لحمد الله  وانتو شلونكم

ام علي ... ولله يايمه علي مريض ولازم تجين

ريم ... اني فزيت يمه شبي علي احجي فدوه ضل بالي

ام علي ... يمه تعالي رجلج محتاجج بلكت تتقربين منه ونخلص من هاي نورس

ريم ... صار يمه هسه اخلي اخويه ناصر يجيبني

رحت وصلت للبيت
سلمت ع ماما وبابا
رحت ركض لغرفتي  ولكيت علي نايم وومتغطي ويرجف رحتله 
علي شبيك 😢

علي ... مابيه شي ماخذ شويه برد

ريم ... صح جنت ضايجه منه بس من شفته هيج انكسر كلبي مااتحمل اشوفه بهلحاله

طبت ماما جابت العشه جابت شوربه ل علي بس ماقبل ياكل حاولت وياه بس هم ماقبل اني هم مااكلت  اووف كون بيه المرض ولا بيه  ضليت سهرانه طول الليل لان حرارته ارتفعت ضليت اسويله كمادات بمي بارد احاول انزل حرارته انطيته دوه بس ماجاب نتيجه ضليت يم راسه للفجر   نزلت حرارته 
صار  الصبح وو ...... يتبع

لا تنسون التصويت فدوه 😍😍 
اذا ماصار تفاعل وتوصيت راح اوقف القصه فتره
واعذروني ع الاخطاء الاملائيه