زواج تقليدي للكاتبه توليب

البارت السادس

اعذرووني ع التأخير  عندي ضروف

اتمني دعم ومشاركه للقصه 

💔قصه زواج تقليدي 💔

#الكاتبه_توليب

ثاني يوم كعدت سويتله ريوك  بيض سلق  وجبن وعسل  كعدت يمه وكلته  وبعدها دخلته للحمام حطيتله ملابس داخليه  وحطيت كرسي اله حتى يسبح
ريم ... من تخلص ناديني

علي ... ايي
بعد ما خلصت ناديت عليها

ريم ... عدلت السرير وغيرت الشراشف سمعت علي ناداني رحتله ركض طبعا هوه يحب يكابر بو مهما بيه ميطلب مساعده بس اني يقبل او ميقبل لازم اهتم بي لزمته اريد اوصله للسرير وكلي عوفيني

علي ... عوفيني اني امشي
اني بطبيعتي مااحب احد يعطف عليه بس هل بنيه تسوي كلشي بدون تعب  المهم وخرتهه ودخت لان احس جسمي مابي طاقه ردت اوكع سندتني وحطتني ع سرير

ريم ... بكلبي (موصوجك صوج التخاف عليك حته بمرضك مزعج 😒) بعد ما بعدت عنه شفته راد يوكع لزمته بسرعه وحطيته ع سرير اووف شكد عنودي

علي ... شكرا ع الي دسوي ويايه

ريم ... العفو 😏

علي ... 😕😕

ريم ... بعد ما نام علي كمت نضفت الغرفه لان كلها تراب بس بدون صوت خطيه حتى مااكعده  كملت وطلعت ساعدت ماما بالبيت ورحت طبخت غده
تشريب دجاج اصفر وتمن وسلطه كملت رحت للغرفه
وديتله غده بس كل شوي اريد اوكع من طولي لان تعبانه وما نايمه  كعدته وحطيت الغده

علي ...  جنت نايم اجت ريم جابتلي الغده  كمت حسيت نفسي جوعان كلش والاكل جان كلش طيب كملت اكل وريم جابت الدوه شربته ورجعت نمت لان وجع بجسمي مو طبيعي

ريم ... بعدها علي خلص اكل وعجبه الاكل كلش انطيته دوه و  جبتله ماي غسل ورجع نام سوده عليه جسمه يوجعه 

بالليل هم اتعشه و  انطيته دوه ونام

اني من التعب غفيت شويه ساعه وحسيت لزمت علي لكيت حرارته صاعده و ايون كمت ركض جبت ماي بارد وخاولي صغير ضليت اسوي كمادات وهم سهرت للصبح  الساعه ٦ راحت الصخونه واني ماحسيت خليت راسي يمه واخذتني النومه لان منايمه وره شويه حسيت علي اتحرك واني فزيت

ريم ... علي شبيك بيك شي شي يوجعك

علي ... 😕 لا مابيه شي  ليش فزيتي

ريم ... عبالي بيك شي او محتاج شي

علي ... لا بس انتي تعبانه ومنايمه من اول البارحه والبارحه ارتاحي نامي
ريم ... لا مابيه شي مرتاحه شلون صرت

علي ... لحمد الله بفضل الله  وفضلج بخير اني

ريم ... كمت اريد اسوي ريوك حسيت بدووخه وكعت وماحسيت بعد

علي ... حجيت ويه ريم وكامت سمعت صوت طبع بالكاع شفت ريم فاقده كمت اصيح ع امي اجتي بدتخلي كلش خفت عليهه وكلبي حسيته كام يدك الف واخذناها للمستشفى وخابرت ع ابوها واحمد  هم اجه
صحيت ع صوت ماما ام علي

ام علي ... جاي اسوي شاس وسمعت علي يصيح عبالي بي شي رحت ركض واباوع ريم متمدده وفاقده الوعي رحنه للمستشفى وعلي خابر ع ابو ريم و احمد ومرته هم اجوي

اووف يا يمه يا ريم ماصدكت علي يصير زين انوب انتي

ريم ... بعد ما صحيت لكيت بابا  وبابا ابو علي وماما وعلي واحمد ومرته سميه كلهم فوك راسي
اجه الدكتور  كال لا تخافون عدها هبوط بالضغط لان ما ماكله والضاهر تعبانه مابيها غير العافيه وصفلي دوه فيتامينات ومال فقر دم وكال تكدرون تخرجوهه
ورجعت للبيت دخلت وردت اوكع وعلي ستدني

سميه ... طلع هبوط ضغط واني  كلت بلكت حامل 😏

ام علي ... الله يسمع منج 😒

ريم ... بعدها  علي صار زين ويايه ويهتم بيه

.. علي تره ماكو داعي اترد المعروف الي سويته وياك
لان انت زوجي وهذا واجبي تجاهك ف ما مضطر اتساعدني

علي ... اني هم هذا واجبي

ريم ... هه 😏 ليش شوكت كمت تحس بواجبك

علي ... ريم تذكرين من رحتي لاهلج وحجيتي ويه امي انو انتي حبيتيني وضحيتي بكرامتج واني جنت اصيح عليج ع طالعه والنازله ومااهتم بيج هذا الحجي كله سمعته  ضميري انبني ياا ريم انتي خوش بنيه وحلوه والف من يتمناج ليش ما حسيت بقيمتج ريم اسف بس حب نورس جان عاميني  حتى من اتزوجت مافكت عني بس هسه خلاص
لازم انساها وابدي حياه جديده   وياج  اتمنى تسامحيني

ريم ... بعد ما سمعت كلام علي كلش فرحت طلب السماح وجان مفكر راح اسامحه  وراح اتقبل الي حجااه  بس .....

يتبع ...🌼🌼🌼🌼

لا تنسون التصويت 👍🏻👍🏻👍🏻 فدوه ودعم واريد توقعكم للبارت

القادم

اعذرووني ع الاخطاء الاملائيه