فردوس الشياطين

البارت السادس

الفصل ( 6 )

~¤ محمية طبيعية ! ¤~

كانت "يارا" في أقصي مراحل غضبها حين أمسك بها الحارس الضخم و جرجرها قسرا عنها إلي داخل الڤيلا ..

وضعها بالبدروم و أمرها بالإلتزام الصمت حتي يآتي سيد البيت و يراها

إنفعلت "يارا" عليه و صاحت بعصبية :

-إنت مش من حقك تجبني لحد هنا و تحبسني يا حيوان إنت
قسما بالله لأندمك علي إللي عملته ده إنت و إللي مشغلك هاوديكوا في داهية

الحارس بحدة : إتلمي يابت إنتي أنا ماسك نفسي عليكي بالعافية . إحنا عندنا أوامر ننسف أي حد غريب يقرب من الڤيلا فأشكري ربنا إني سايبك سليمة و حتي ماقومتش بالواجب معاكي

يارا بإستهجان : واجـــب ؟ و ده شكله إيه الواجب بتاعكوا ده إن شاء الله !!

إلتوى ثغر الأخير بإبتسامة شيطانية و قال :

-ماكنش لازم تسألي عن واجبنا .. بس طالما عندك فضول . مش هنكسفك .. ثم إلتفت نحو الباب و صاح :

-جبـآاااالي

ثوان و رأت "يارا" هذا الثور البشري يلج إلي البدروم راسما علي وجهه تعابير أرعبتها ... لكنها تجلدت

و قالت متظاهرة بالشجاعة :

-إنت فاكرني هخاف يا بابا !!
لأ أنت ماتعرفش أنا مين و لا ممكن أعمل فيك إيه . أحسنلك تخرجني من هنا دلوقتي حالا بدل ما الموضوع يوسع أكتر من كده . أنا لو ماخرجتش في خلال 10 دقايق هتلاقوا إللي جايين يهدوا البيت ده علي دماغكوا

كانت تكذب لتنجي نفسها ، و لكن الحرس الخاص بـ"سفيان الداغر" جميعهم لديهم مناعة ضد عبارات التهديد و الترهيب ..

إبتسم لها الحارس ، و أشار لرفيقه قائلا :

-جبالي .. الأنسة عايزانا نوجب معاها . شوف شغلك و لما تخلص نادي علي الباقي يجوا يلعبوا معاها شوية

بدأ المدعو "جبالي" بالإقتراب منها ، لتقفز "يارا" للخلف صارخة بذعر شديد :

-مكانك يا حقير إنت . أنا بحذركوا لو حد قرب مني هـ آا ..

-إيه ده في إيــه ؟؟!! .. قالها "سفيان" بصوت خشن عندما ولج و شاهد هذه الجلبة

وزع نظراته علي رجاله و تلك الفتاة الغريبة

ليتخذ الحارس وقفة الخضوع و يقول هو ينظر للأرض :

-سفيان باشا .. مافيش حاجة . إحنا بس لاقينا البنت دي ماسكة كاميرا و بتحوم حوالين الڤيلا فمسكناها و جبناها عشان سيادتك تشوفها

سفيان بحدة : و إيه إللي دخلكوا إنتوا الإتنين معاها ؟ من إمتي حد هنا بيتصرف من دماغه ؟؟؟