البارت العاشر

2.4K 83 2
                                    

#النظرة_الاولى
#طيبة_الربيعي
___\البارت العاشرررر\___

لحظات تمر على الانسان بصعوبة نتيجة طيش الاستعجال والتسرع من دون التطلع على العواقب ان كانت سليمة او العكس.. شعرت بأن الكون حولي ليس إلا عدواً اتفق على ايقاعي في الفخ.. وكان ذلك الفخ حباً غير مُحكم ولا صائب.. فتعثرت بخطواتي اليك واتيت بنفسي الى التهلكة.. وما اجملها من تهلكة..

بيدي الفون بس ماحس بأي شي غير الخوف.. ايدية ميتحركن ولا يرجفن بس رجلية صارن خيوط.. نظرتة الي نظرة صدمة.. قطب حواجبة ولم عينة يباوعلي كانما يگولي معقولة انتي..

نزل الفون ودار وجهة عني وبقة واگف ايد بجيبة واللخ يحك بيهة لحيتة ويلعب بشواربة..'طيبة_الربيعي'

الزبونة تكلمني واني ولا يمهة.. اجاني عمي

رؤوف: شاهي شبيچ مو ديحچون وياچ
شاهيناز بفهاوة: ها عمو
رؤوف: روحي للبيت عمو روحي ارتاحي معاجبني وضعچ اليوم، واني من اخلص امر عليكم واشوف شبيچ
شاهيناز: ااا لا لا عمو لا مابية شي
رؤوف: شلون يعني تبقين هيچ تصفنين، روحي للمكتب غسلي وتعاي شربيلچ شي يصحصحچ

هزيت براسي اي ودرت انطيتة ظهري ومشيت للمكتب.. دخلت سديت الباب واتكئت عليه والفون بيدي..
موقف ماعرف شلون اوصفة.. محرج.. جداً محرج..
الخوف الخوف اكل گلبي اكل.. شلون اذا گال لحيدر.. اروح بيهة والله.. رحت بيهة هاي هية..

شسوي هسه شلون راح اطلع واواجهة وهو اخذ مي وجهي بفعلتة.. منين عرف هاي اني ياربي ياللهي راح اتخبلللل.. زين معقولة يتذكر صوووتي.. مستحيل.. شسويتي بحالچ يا شاهيناز عساچ ميتة قبل لتشوفين هذا اليوم الأگشر..

شربت مي وبالعشر دقايق اني اروح واجي بالمكتب مال عمو لو اگعد واهز برجلي.. اندگ الباب وانفتح'طيبة_الربيعي'

حيدر: ها شو هنا
گمت: شو بسرعة اجيت
حيدر: مريم ماهية بالبيت طالعة وية امچ وبس عمي وبسمة موجودين، سلمت ومريت علة عمو فؤاد وتوفيق وهم سلمت واجيت ماردت اطول عليچ

سد الباب وفات.. مبين حيدر ميعرف شي بعدة.. شلون اذا عرف موقفة راح يتبدل وبعد ميثق بية واكيد ينظرلي نظرة سيئة.. اني ابد مو هيچ ابد مو من هذا النوع والله.. بس مادري شجاني سحرتني شخصيتة واول نظرة بيني وبينة چانت نظرة مو عادية.. عبالك واير مال جاذبية جذب عيوني لعيونة

حيدر: هييي شبيچ صفنتي
انتبهت: لا داسمعك غير
حيدر: احسچ مفرحانة بجيتي، خاف صار شي بينچ وبين مريم
شاهيناز: لاا شيصير قابل اصلاً مشفتهة اليوم طلعت من وكت وهمة نايمين، تعال اگعد
حيدر: دمشي نطلع خنگة هنا
شاهيناز: لا عفية خلينة هنا ندردش علة راحتنة
گعد وباوعلي باستغراب: بلسانچ حچي، گعدي
گعدت وابتسمت: لا، بس يمكن من الحر اليوم حارة بشكل
حيدر: بالعكس الجو حلو اليوم
شاهيناز: ماعرف اني احس بحرورة وبوخة
حيدر: لعد امشي نطلع، شوكت استراحتچ
شاهيناز: عادي بأي وقت اگدر اخذ استراحة، ليش
حيدر: عوفي الشغل اليوم هو اني جيت علمودچ والله، حتة مريم مو ابالي
شاهيناز: حبيبي حودي الله يخليك الية
گام: گومي لعد، خل نروح فد مكان حلو
شاهيناز: وين
حيدر: مادري نشوفلنة كافتريا شي يلة
گمت بارتباك: ةة وهذا صديقك خوما يجي ويانة
حيدر: لا راح'طيبة_الربيعي'
شاهيناز: وين راح
حيدر: هو اجة علة شغلة هنا وهسه راح يرجع، بس اني وياچ نروح
شاهيناز: ماشي

النظره الاولىحيث تعيش القصص. اكتشف الآن