#النظرة_الاولى
#طيبة_الربيعي
___\البارت الثامن\___
مساء النور والسرور على متابعيني الكرام😘
____________________
دخلت عالواتساب ملگيت حساب بأحد منهن.. رحت عالفايبر الأول موجود بس ماكو صورة.. والثاني همينة.. ياربي شنو من حظ هذا.. شلون اعرف اي احد بيهم هووو..
اوف ياااربي.. ماكو غير انو اخابر واسمع صوتة واعرف اي واحد بيهم رقمة..
سويت رقمي مجهول علمود ميطلع عندة ويكشفني.. اتصلت على اول رقم دگ دگ محد يجاوب.. گبل سديتة وايدية يرجفن اول مرة اجازف واسوي هيچ..
ايدي گامت ترجف وگلبي يدگ بقوة احسة يريد يطلع مني.. دگيت عالرقم الثاني.. الدگة الثالثة انفتح الخط واجاني صوتة الخشن
ذو الفقار: الووو'طيبة_الربيعي'
يمة بسرعة سديتة وشمرت الفون بعيد.. يمة يمة يمة فدوة رحت لهل صووووت.. يبووو علية.. دخلت بسمة بهت لوني لا اگدر اتحرك ولا اگدر اوخر خوفي من سمعت صوتة
بسمة باستغراب: هاي شبيچ شكو
اريد احچي انطق ماگدر
بسمة: يااا شو باعيلي
ضربتني راشدي خفيف يلة حچيت
شاهيناز: شبيچ مابية شي ليش اضربيني
بسمة: دشوفي حالچ مدري شبيچ عبالك مصدومة، صاير شي؟؟
شاهيناز: لا ماكو شي
اخذت الفون وگمت اريد اطلع
بسمة: تعالي وين رايحة، ترة وضعچ معاجبني شاهي احچي اخاف صاير شي
شاهيناز: لاا مصاير يمعودة شيصير يعني
بسمة: هممم
عفتهة وطلعت للحديقة اشتم هوة.. بيدي الفون بس احسة ثگيل وحار.. يعني هذا رقمة همزين ذاكة مجاوب لعد..'طيبة_الربيعي'
شوية ورجعت دخلت الغرفتي وسديت الباب اخاف تچفت علية بسمة وتخرب الاول مع التالي..
طلعت الرقم واتصلت
رد: الووو.. منوو.. الووووو.. يمعودين دحچو.. الوو
طبگة.. اووف ليش اطبگة دأحچي خليني اتمتع بعذوبة صوتك.. بس اشو من يحچي عبالك يريد يتعارك؟؟ احلة عركة اذا تعارك وياية افيييش..
شوية ودگيت مرة لخ
جاوب: الووو.. لا اله إلا الله
محمد رسول الله😂
ذو الفقار: راح اسدة كافي عيب هاي التصرفات
شوية وطبگة.. هههههه فدوة للعبصي ياا امي هذا شيسمو اذا موو حب.. اويلي.. مدگيت بعد صدگ عيب.. موبيدي شسوي اني وحدي متعجبة علة تصرفاتي..
