#النظرة_الاولى
#طيبة_الربيعي
___\البارت الخامس عشر\___
ذو الفقار: اصابعي ثنين مگطمات
شاهيناز: شنو
ذو الفقار: شبيچ ماسمعتي
شاهيناز: لا سمعت، بس مفهمت شنو يعني
ذو الفقار: تگطمن من چنت صغير بمحل عمي مال تصليح ماگعدت راحة وگعت مكينة ثگيلة علة ايدي وثنين تگطمن
شاهيناز: اخاف دتشاقة
ذو الفقار: ماشاقة بهيچ سوالف انة
شاهيناز: يعني يأذوك هسه
متت قهر عليه
ذو الفقار: لا يابة شالقضية صار قرن علة هاي الحادثة
شاهيناز: وليش تگولي اني ميهمني عيوبك شنو
ذو الفقار: گتلچ لخاطر لاتگولين غشني
شاهيناز: ذو الفقار گتلك اني حبيتك لشخصك مو لمظهرك والله والخبرتني بي اصلاً مالة داعي بس اذا مثل متگول علمود متغشني فااني اشكرك
ذو الفقار: معقولة انتي هيچ شاهيناز'طيبة_الربيعي'
الله شگد حلو اسمي بحلگة
شاهيناز: شلون يعني
ذو الفقار: هيچ طيبة ونازكة
ضحكت: بس وياك اني هيچ
ذو الفقار: خاف اطلعين غاشتني
شاهيناز: مستحيل اغشك، واذا فكرت بيهة انتة اخر واحد افكر اغشة
ذو الفقار: ماعرف مرات اصفن واتسائل اذا انتي حلم مو حقيقة
شاهيناز: ليش تگول هيچ والله حقيقة
ذو الفقار: حقيقة بس لا تبچين
يدخن ويحچي وياية
شاهيناز: هسه انتة وين بالعمارة؟
ذو الفقار: اي
شاهيناز: ممم وشوكت تروح لبغداد
ذو الفقار: عگبة غير
شاهيناز: اوك
ذو الفقار: يلة روحي نامي وراچ طريق
شاهيناز: ماشي، تصبح علة خير
ذو الفقار: تلاگينة
سديتة وعيوني دمعن.. من گلي حسيتة اختنگ لو ضاج.. اني والله ميهمني لو حتة خلفة ميخلف المهم يجمعني بي سقف واحد وبالحلال..
باوعت بصورة شوية يلة غفيت براحة.. الصبح صارت هوسة وصوت عالي دوخوني.. حضرت نفسي ودزيتلة قبل لنطلع'طيبة_الربيعي'
"صباح الخير"
مرد.. نايم حبيبي فدوة رحتلة.. انطلقنة بسيارة چبيرة عمو رؤوف يسوق.. عمامي الباقين يجون باچر لان مو گرايب البنية اليوم الحنة وبوكرا العرس..
غفيت بالطريق وفزيت علة رجة الفون.. ماگدر افتح الرسالة مريم گاعدة يمي.. بس گلبي نار اريد اشوف شنو داز واجاوبة..
وصلنة راسان سلمت ودخلت حتة حيدر اجاوزتة هههههه.. مستعجلة شسوي.. شوية وطلبت من خالة اروح للغرفة ابدل.. رحت ذبيت جنطتي خليتهة علة صفحة وفتحت الفون
"صباح النور"
ووحدة لخ"طمنيني من توصلون"
دزيت"وصلنة هسه"
"الحمدلله عالسلامة"
"الله يسلمك"
