النهاية

الجزء الثاني

قصة #النهاية
الجزء الثاني.....للكاتبة لينه سعد
💮💮💮💮💮💮💮💮💮💮💮💮💮💮💮

...بدت تضحك واني بدوامة من الافكار الي تاخذني وتجيبني  احاول افهم الكلام الي امي اتكولة بس معرفت اي شي منها
هزيت راسي واني دايخة
_منو هذا ...حجيت بصوت عالي
_ولج اشبيج سلااام
_شنوووو!!!!!!
سلااام...لا مستحيل

....اتعجبت ام عبير من رفضهة واستغرابها
_ليش....لا
اني جنت متصورة راح اطيرين من الفرح

_شنووو ؟؟؟ اطير من الفرح
ليش شنو الي يخليني افرح

_ولج عبير انتي صدك تحجين لو تشاقين
لعد منو الي يركض اول ماتصير الساعه بالوحدة ويرتب نفسهة ويعدل الشال
ويباوع اكثر من عشر دقايق بالمراية
منو يتحمس على فتحتة الباب ويداري طبخة

.....تحجي وبقوة وعصبية جبيرة
كلماتة تدخل لاذني مثل مدفع يطلق قنابلة على الحصون المنيعه وهي ادمر كل هاي الحواجز

...ساكتة واني استمع الهة وكانما اتراويني الفلم الي مصورتة الية
دااحاول استرجع الايام الي مضت
معقولة اني جنت هيج تسوي
معقولة كل هاي التصرفات اتصرفتة بدون مااحس على نفسي...
خجلت حيييل من نفسي..وكرهتها بنفس الوقت

باوعت لامي بعصبية واني انفظ هاي الكلامات بوجها
_مجنت اتصور كل هاي التصرفات سويتها
يجوز غلطت ومحسيت على نفسي
بس الي ماافهمتة.....هي امي الي اتشوف الغلط بعينها وتسكت
راضية بتصرفات بتها وهي بس اتراقب
يعني اريد الكه كلمة مناسبة مااكدر

...اتقربت الية وعيونة جاحظة من مكانها و اتشيط
و ضربتني بقوة وعلى وجي

_صدك معرفت اربيج
بس اني هسة يالة عرفت البنت مو مال تبقى ابيت اهلهة..لان اتخوف واحتمال اتجيبلهم عار
صدكيني ياعبير مراح اتمر هاي السنة اذا ماازوجج

.....طلعت من الباب
وعافتني بوسط تيار من الكلمات القاسية الي وجهتها لصدري بكل قوة
ضليت واكفة نفس وكفتي وكلبي مليان قهر من السمعتة
شنو الي ديصير....ليش هيج
〰〰〰〰〰〰〰〰〰〰〰〰〰〰〰

اتقدم للمراية بخطوات هادئه
وهو يوكف كدامها وشعرة ينكط مي
رفع الخاولي وبدة يفركة بقوة
مشط شعرة المبلل الي جان طويل وعلى موديل هذا الوكت

ركز بعيونة وطالت النظرة
لمح حاجبة الايسر ....رفع اصبعه وهو يتلمسه
جان مضروب من النصف ومانع يتكون الشعر بي ومخلي علامة لوجه وللايام الجاية

ودته مخيلتة لهذاك اليوم الي انضرب ولاول مرة  من امة بقوة 
وخالة الي اذاه بعنف......كل هذا بسببها
اي بسبب عبير الي امتنع بعدها يدخل بيتهم او حتى يشوفها ويقترب منها

...ابتسم وهو يتذكرها شي غريب بداخلة اتكون اتجاها
اربع ايام وهو يفكر بية
بعد ماشافها وهي تنزل من السيارة وي امها وتدخل البيت
عيونة الي تابعتها لحد مادخلت جوة
جانت حلوة....متخيلها ولا اتوقعها بهذا الجمال
ولا اتصور راح تشغل تفكيره