قصة #النهاية
الجزء الرابع ...للكاتبة لينه سعد
💌💌💌💌💌💌💌💌💌💌💌💌💌💌
....واخيرا وكف وركز بعيوني وهو يلهث واسمع دكات كلبة
... ودكات كلبي تتسارع بقوة وبخوف ولاول مرة اصير بهيج موقف
مديت ايدي واني ابعد ايدة الي خانكة انفاسي وكلت واني اجر النفس
_انت.....انت اشلون هيج اتسوي
...نظراته طالت علية....
واسمع صوت انفاسة العالية
وكانما جان يركض لمدة طويلة
_اي اتخبلت.....
ليش انتي الي اتسوينه شتكولين علية!!
_شنو الي سويته؟؟
...ابتعد عني خطوات مو بعيدة لان بعدني دااحس بالحرارة الي تنبعث منه
.....عيونه بعدها اتباوع لوجي
_ليش ولج متريديني؟؟؟.... ماانسى الحجاية الي كلتيها يم العامل المهتلف سلام
ولج تاخذينه هو ولا تاخذيني
اتقرب مني بعد ما جان بعيد
واني الاحظ حاجبة المعقود وعيونة الي تلهب كانما النار تشتعل بيهن
_ لو تموتين متصيرين لغيري اني ابن خالج واولى من الغريب
صدكيني عبير محد ياخذج غيري...
...اتوقفت....مكدرت احجي ولا انطق حرف واحد
دائما بهيج مواقف التجىء للسكوت....جنت خايفه واني بقرربة ومااعرف شنو الي ناوي علية
....رجع صاح بصوت خفت منه وكال
_جاوبيني...ليش متريديني
...اتلعثمت واني احاول ارتب الكلمة واستخرجة من بين شفايفي الي حسيت بيهة بهتت وتشققت
_اي مااريدك....اني وياك منتوالم
....جان كلش قريب واني احس بانفاسة القريبة من انفاسي
وجاوبني ....بس هاي المرة اختلفت نبرة صوته
حسيت بشي غريب اتخللها كانما ممتلئة بحنية والهدوء
_ لان تذكرين ايام قبل ؟؟
الايام الي جنت بية طفل !! اتحاسبيني على افعالي بيها ..
ترة احنى اطفال والطفل كلشي يسوي
انتي ضالمتني هواي وماخذة فكرة غلط عني
اني مختلف هواي
مثل ماانتي هواي اختلفتي
عيونة الي بدت وكانما تتلمس كلشي بية بدون مايتقرب مني من شفايفي لخدي لجسمي وحتى اطرافي
...تقدم اكثر وعيونه مركزة
واني ساكتة ماعندي اي ردة فعل بس احس كانما مخدرة واني قريبة منه
مو مثل الاحساس الي جان عندي من قبل
مو نفس الاحساس الي جنت احسة واحنى صغار
لا اختلف ......واختلف هواي هم
اعيوني وهي تتفحص كل معالم وجة... وتحاول تخزنها بذاكرتي يمكن لغاية معينه
....قرب ايدة من ايدي ورفعها لوجهه وكال
_هذا الحاجب دووم يذكرني بيج
كل مااباوع لوجهي اتذكرج لان بسببج ضل اثرة بية
...يعني من زمان وانتي قريبة مني بس هسة اختلف الوضع
هسة احسج قطعه مني
اتقرب اكثر واني مصدومه من قربة
...احس بكلبي يريد يطلع من مكانه
وانفاسي الي انحبست جوة وترفض تخرج
واني اشوفه يتقرب من اذني ويهمس بانفاسة الحارة
_عبير...اني احبج
