احببته اكتر من روحي ❤❤

الحلقه التانيه

مروان :انته امته بتحب
مؤيد:مزال ماعجبتني وحده مااتخافش لماانكبد انقولك
مروان:هل سعيدة الحظ الي بطيح فيك😆
مؤيد:خيرني يابابااني طرف وامطرف😏😏
مروان:واتق
عدنان:انته وياه غمو افامكم خلينه نعرفو نشتغلو(هدا عدنان خوه نهى ومتزوج اخت مؤيد فاطمه)
محمود:والله صدق فيكم من امبدري تلعو كيف النساوين
مروان:باهي باهي انتم كيلتونه
مؤيد:خليني نسكت اني خير ماايجي خوك عبد القادر وانته عارفه
مروان:ههه اني يلي عارفه والله حاسه كرعيا يرعشن من توا(عبد القادر خوه مروان صعب بكل وهوه عنده كلمه في شركه لانه اكبرهم واعقلهم ومتزوج وحده اسمه نجاة اكويسه لين بكل نتعرفو عليه في الحلقات الجايه)
عبد القادر:هلا شباب شن جو الشغل تمام
سليم:والله تمام ياريس
عبد القادر:اكويس وانته يامروان ومؤيد شن جو الشغل اعامكم
مؤيد:كل شيء تمام بس في مشكله في المحاسبه
عبد القادر:اها عارفه تو انشوف عمي مصباح وباتي وعمي هاشم عليه شن مشكله
مؤيد:اكويس
عبد القادر:اشتغلو اكويس انته ومروان
مروان:نعرفو نشتغلو احني شن اول مره
عبد القادر:مرواااان😡😡
مروان:لا مش هكي قصدي غير خيركم علينه اني ومؤيد بس وهدي اعصابك
عبد القادر:لانه عارفكم اغلبيته هدرزه اتمشو فيه
مؤيد:لالاخلاص معش هدرزنه من اسبوع الي فات الي مسكتنه علينه وخليتنه انكنسو الشركه كله
عدنان:اي مشاء الله واضح بكل🤔
محمود:عقاله اموليين😉
مروان:لا خلاص ياعبدالقادر ها ساكتين 🙂
عبد القادر:باهي هيا تعالو المكتب عندنه اجتماع
الكل:باهي

عند ريتاج
روحت من المدرسه وبعد روحت رقدت وناضت الساعه5خشت الحمام حشاكم غيلت وجه وتوضت وطلعت صلت وبعد نزلت لوطا
ريتاج:فين العيله وين رايحه
محمد:امشوا الخالتي منال كلهم قلهم سالم
ريتاج:اها شرط امي🙄
محمد:يس رتوجه منقولك في وحده عجبتني ونبيك تدوي لي امي عليه
وعمتك ريتاج اتجي تجري واتقعمز يلاه
ريتاج:وووووه من هيا 😊
محمد:بشويه درتي الصالون
ريتاج:ماني سمينه اني😐😐
محمد:اي مانك سمينه والوجه لمشتق
ريتاج:وجي بس عادي الفنانات اينفخن فيه واني الحمد الله من ربي 😏😏
محمد:من الايكال والنوم بس😑
ريتاج:باهي غير قولي من هي🙂🙂
محمد:وحده
ريتاج:من هل وحده
محمد:بنت
ريتاج:عارفينه بنت
محمد:ملخيرعجبتني بنت جيرانه هبه
ريتاج:متقولش هبه😲
محمد:قته
ريتاج:شينه مش سمحه وكله اتمكييج وتطلع قول متزوجه وتلبس في الضيق وسمينه بكل وامتاعت علاقات ويع😝😝
محمد:واني عجبتني وانتي شن دخلك
ريتاج:دخلني لانه بتولي مرت خوي ونبيه سمحه مش كيفه حتى اسلوب ماعنده
محمد:اني عجبتني واني يلي منعيش امعاه😑😑
ريتاج:مش حق فيك حق فيا اني يلي نعطيك راي وننصحك
محمد:رأيك خليه الروحك والنصائح ليكي ترا عدي شوفي روحك كيف امولي وجك من غير يلي ابياخدك  😒😒
ريتاج :هكي يامحمد  خزي وعدت خشت الداره وصكرت على روحه وبدت تبكي بشهقه😭😭😭😭😭بدرجه هدي وجي امولي اخ شن ناقصني مش ماننحبش اخ وخلاص والله عند الحق من يلي يبي ياخدني اني ماني طايقه روحي
عند محمد لما عدت ريتاج الداره خيرني قتله هكي اوف خلاص والله هي جماله مهناك هي والله كان ماهي اختي راهو خديته وووك توا كيف منراضيه ورن تليفونه
محمد:الو
هبه:الو حبيبي كيف حالك
محمد:والله باهي كيف حالك انتي حبي
هبه:والله تمام حبيبي قت لأمك عليه وامته اتجي تخطبني
محمد:توا كنت انقول لي ريتاج اختي
هبه:اها شن قتلك
محمد:قتلي تو انقول لي امي
هبه:اها باهي شن رايه فيه
محمد:يعني شن رايه فرحانه
هبه:حقا حبي
محمد:اي هي باي حبيبتي بعدين انكلمك
هبه:هي بااي

عند مؤيد
روح من العمل ورقد وناض5وخش الحمام توضه وبعد طلع صله وطلع من الصاله وجاء قعمز يلاه امه
سليمه:مؤيد خيرك ياولدي ماتبي مرام(مرام بنت خالته)
مؤيد:كيف تي اصغر مني ابواجد امس بس كنت انلعب فيه
سليمه:عادي ياولدي بيناتكم عشره اسنين
مؤيد:لاكن اني مانبيهاش
سليمه:باهي في وحده في بالك
مؤيد:No
سليمه:باهي ياولدي نبي نفرح بيك زيء خوتك باهي شن رايك في نهي بنت عمك فتحي
مؤيد:يمي مانبيش توا لما نبي انجي انقولك اخطبيلي
سليمه:ربي يهديك ياولدي
معاذ:اي ياامي والله ربي يهدي في واحد ايقلوله اتجوز واله اخطب ايقول لا🙄😏
مؤيد:فكنه منك يابارد باهي انته اتجوز هيااا امي خليه ادورلك
سليمه:حقا امعيذه اندوراك وحده
معاذ:لا ياامي مادوريلي اني عندي وحده امعاي في جامعه
سليمه:كم عمره
معاذ:ندي
سليمه:لالاخلاص العب بعيد لما اطق 24تعالي وجيبلي وحده اصغر منك واله اني نختارلك
مؤيد:تسلمي ياحبي
سليمه:اتحبك حبه انته ومشت وسيبتهم
معاذ:حقا يامؤيد عجبتني البنت واني انحبه ونبيه
مؤيد:شن منديرلك منضبطك وانقولك لايحبيبي ماتاخدش غيري اني انحبك بس🙂
معاذ:ههههخ مبردك 😑
مؤيد:حبيبي بالله عليك مااتحب غيري اني انحبك وانموت فيك مانقدر انعيش بلاك كان خديته نقتل روحي
معاذ:سامط راك
مؤيد:لابالك مالح
وخش سليم ومرته وبناته شدينهم
سليم ولزم:السلام عليكم
مؤيد ومعاذ:و عليكم السلام

يتبع#
لاتنسو تضغطو لايك حبايبي وعلقولي

والكاتبهAmona😍😍