احببته اكتر من روحي ❤❤

الحلقه السابعه

عند ريتاج لما طلعت من السياره جت عينه في عين مؤيد بدا قلبه دق💓💓💓بسم الله خيره قلبي هكي ايدق وشبحت خوه وقف عليه خشت لداخل المدرسه
رزان:اوووه ريتاج صباح الخير شن جوك
ريتاج:صباح الورد تمام والله شنجك انتي
رزان:تمام
نهى:صباح الخير بنات
ريتاج ورزان:صباح النور
نهى:شن جوكم
ريتاج:تمام
نهى:تمام
ريتاج:نونو اليوم بنجيك في العشيه
نهى:احلفي
ريتاج:والله
نهى:اوووه اكويس بكل انتي منو
ريتاج:اني ابروحي وشنوفو سلسبيل
نهى:سلسبيل غايبه قتلي مريضه وانتي عارفتيه لما تمرض
ريتاج:اي عرفته رزونه شن رايك اتجي
رزان:باهي تو انجي وخلي ماما اتجي اعمايه خاطره اتشوفك
نهى:من وين تعرفه امك
رزان:لاما تعرفه غير حكينه عليك اني ولزم
ريتاج:اها لزم كيف حاله وحال بناته
رزان:تمام اكويسات كابرات رايحات
ريتاج:دووم سلميلي عليهن
رزان:يوصل هي خليني انعدي الطبوري بعدين نتلاقو
حضرن البنات الحصص وبعدين روحن وروحت ريتاج ع طول رقدة وناضة 4خشت دارة شاور وطلعت واستشورت شعره وبدت اتوتي في روحه لبسة قونة ليكرا لونه اسود وقميص ابيض امخبرش بالاسود ووشاح دمي ليكرا وشنطه دميه واسبيدرو ابيض ودارت اشوية اكريمه وطلعت وبخت عطر وطلعت طرف
ريتاج:احميده هيا وتيت
محمد:باهي اشويه انغير وانجيك وشبح فيه ووووه وين ع الجمال يابنت
ريتاج:ديما سمحه غير عدي وتي روحك
محمد:باهي باهي
مبروكه:ارتوجه مش اتقلي امعاك حاجه عيب تمشي فاضيه
ريتاج:باهي تو انقول محمد ايتكي ع المحل
زهرا:ارتوجه اتقليني امعاك
ريتاج:انقل عينك امشي ترا من يلاي
زهرا:باهي باهي اصلن مانبيش
محمد:هي ريتاج اطلعي محمد كان لابس سروال اسود وجاكه جلد اسودوتحته قميص ابيض واسبيدرو ابيض ولابس نضراته وطالع طرف
ركب هوه ريتاج في سياره
ريتاج:محمد مش اتحيب حاجه من المحل
محمد:حاضر

عند مؤيد امقعمر هوه وهله عند طلعت رزان لابسه
من داره
مؤيد:وين مسقده إن شاء الله
رزان:عند نهى بتجيه صاحبته ماما هيا
مؤيد:باهي خيره امي ابتمشي
رزان:لانه تبي تشبح ريتاج لانه هي يلي بتجي
سالمه:هي هي عموره هي وصلنه
مؤيد:لا اني بنوصلكم
عمار:قالو عمار مش مؤيد
مؤيد:وقت اني يلي بنوصلهم(امخطط انه باك يشبحه )
سالمه:باهي هي
وطلعو ومؤيد كاين لابس توته سودا امخططه بالأحمر وطالع سمح ورزان لابسه سروال امريكي اكحل وقميص لعند الركبه ازرق بالاسود ووشاح اسود ليكره وسالمه كانت لابسه عبايه سودا ووشاح جيشي
بعد ماوصلو القوه محمد كيف واصل هوه واخته ومؤيد نزل من السيار بحجة يبي اوراق من عمه ونزلو امه واخته ونزلت ريتاج وكانت اعيونه ع مؤيد وقلبه دق دق ومؤيد نفس ابشيء بعدين خشن لصور
رزان:اهلين ريتاج شن جوك توا
ريتاج:تمام واشرت ع سالمه
رزان:هادي امي
ريتاج:اهلين عمتي كيف حالك
سالمه:الحمد الله كيف حالك انتي
ريتاج:تمام الحمد الله
وخشن ودقن الباب وطلعت ام نهى وسلمت عليهن
وبعد خشن ونهى طلعت وسلمت عليهن وبدو ايهدرزو وسالمه كل عينه ع ريتاج وعجبته بكل وتسأل فيه ورزان ونهى وام نهى فهمن تبيه وفي خاطره سالمه كان عمار ياخده تركب عليه واله حتى مؤيد المهم واحد منهم ماني امفوتته
واشويه جاء محمد بيروح بي ريتاج وطلعت ريتاج ولقت محمد امعاء مؤيد في السياره وماالقتش سيارة محمد مش ابتركب واشرعليه محمد اتجي تركب امعاه هوه ومؤيد في السياره وعدت واول ماركبت كان قلبه ايدق وهي ترجف
ريتاج:السلام عليكم
محمد ومؤيد:و عليكم السلام
ريتاج كانت تشبح لمحمد خيره اروحين امعاء وهنه محمد فهم
محمد:ريتاج سيارتي عطلت بيا بطريق وامؤيد تكي بي
ريتاج :اها
ومؤيد اعيونه كله ع ريتاج ومبهر بيه وقلبه 💓💓وفي خاطره وووه والله شكلي طحت سبحانك يارب
بعدين محمد اتكلم
محمد:مؤيد ترا تكي ع المحل اباخد كرت للنت
مؤيد:باهي
محمد:ريتاج اشويه وانجي مااتخفيش
ريتاج:باهي
مؤيد:اني اعماه مش رح اتخاف
محمد:اي
نزل محمد ودقات قلب ريتاج زادت اكتر وهي مؤيد ومش قادره اتحط عينه عليه وهو عينه كله ع ريتاج لعند
مؤيد:شن جوك ياريتاج
وريتاج بدت ترجف:باهي
مؤيد:وشن جو اقرايتك
ريتاج:اكويسه
مؤيد:ابنسالك اتجاوبيني عادي
ريتاج:باهي
مؤيد:مرتبطه يعني ع علاقه
وهنه ريتاج حطت عينه عليه بشجاعه وقتله
ريتاج:باتي يعرف ايربي واني مش منهم البنات هدكنه
مؤيد وحس روحه سؤاله غلط وقال
مؤيد:ونعم التربايه بس هكي سؤال
ريتاج:باهي وانته وبعدين عمتك ريتاج استاقدت ع روحه وردت لاشيء
مؤيد:لا عادي لامش مرتبط
ريتاج ووك شن هسؤال واني شن دخلني وقالت:مش هكي قصدي
قاطعه مؤيد:لاعادي
جاء محمد وركب ومؤيد وصلهم لي حوشهم وخشت والقتهم محتمعين هدرزت اشويه وخشت الدار ورقدت ومؤيد اول ماوصلهم رد لحوش عمه وروح بهله وسالمه عجبته ريتاج وقت خليني نشبحه اكتر في العرس وبعدين ندويلهم لولاد ومرن الايام ومؤيد كل يوم يشبح في ريتاج وهي وتاكد انه ايحبه وهي حست روحه طاحت وحباته وقالت لسلسبيل بس لانه نهى بنت عمه مابتش اتقولله ومؤيد قرر يدوي لامه عليه ومروان قال لنهى انه معجب بيه وهي اعترفتله وخطبه من عمه ووافقو طبعا وسالمه كل تفكيره ريتاج تاخده لعمار واله مؤيد وعمار من بنت لبنت بس يوم امروح بي رزان شاف ريتاج وعجباته ودار صحبه لخوه سالم مش ليشوفه وقرر انه يحكي لامه يخطبه ع طول بدون علاقه لانه جرب فيه ومعطتاش وجه وعجباته اكتر وقرر ايدير اي شيء ع شانه لانه حس قلبه دق وحبه بصدق ومحمد قرر مايخدش هبه لانه عرف انه امدايره علاقات واجدت وسيبه وقال لهله انه معش يبيه بصراحه فرحوه وسالم فرح اكتر لانه كاينه اتكلم في صاحبه  وهي هبه طارتله وقررت ادير اي شيء لترده ومره شهر ع ابطالنا وجاي العرس وبتحديد المصروف

يتبع#
حبايبي بلييييز صوتولي وعلقولي 😊😊