احببته اكتر من روحي ❤❤

الحلقه الرابعه

عند مؤيد اول ماسكر محمد الباب في خاطره واو شن هل جمال سبحان الخالق  زعمك هي نفسه الي حكت عليه لزم ورزان اكيد هي لاكن قلبي خيره ايدق هكي سبحان الله
محمد:مؤيد مؤيد مؤيد لك وين شارد
مروان:سعدوده الي واخده عقلك
مؤيد:ها خيرك
محمد:لاسلامتك اتفضل
مؤيد:شكرا
مروان:واو طيبه الكيكه من وين شريته
محمد:لاهدي اختي ريتاج امدايرته
مؤيد اول ماقال ريتاج قلبه💓 دق زعمك نفسه الي توا ريته
محمد:مؤيد خيرك توا قبل ماانجيب السفره كنت تضحك وامورك اكويسه
مؤيد:لا غير انفكر في شغل بس
محمد:اها
مروان:شكله حوشكم امهفت مافي حد
محمد:اي كلهم عند خالتي اله اني وريتاج
مؤيد فنص عينه وقلبه بده💓💓
سالم:وووه الشاب هنه
مروان:اووه سالم شن جوك والله كابر ياراجل
سالم:والله ماشيه ماله تبيني نقعد اصغير مؤيد هوي اين عقلك
مروان:مؤيد خارج نطاق التغطيه
مؤيد:ها سالم اهلين شن جوك امته خشيت
سالم:لاشكله عقله مش امعاء من امبدري انادي فيك والله ماشيه شن جوك انته
مؤيد:ماشيه
محمد:روحت بيهم كلهم
سالم :لالا اني وعبير بس التنيين خالتي شدتهم عبير قت عنده امتحان روحت
محمد:اها باهي اكويس

عند ريتاج
الي في المطبخ وعقل مش اعماه............
عبير:ريتاج ريتاج هوي يابنت فين عقلك
ريتاج:اها خيرك امته روحتي
عبير:من بدري انصيح ع اسمك خيرك شارده
ريتاج:غير شيء غير انفكر في الامتحانات زعمك كم انجيب بس
عبير:اكيد كلهن اضعاف انتي امته جبتي درجه اكويسه الي يشبحك ايقول الترتيب الاول تاخد فيه
ريتاج:باهي باهي وين البقيين
عبير:خالتي شدتهم اني وسالم روحنه بس خش المربوعه فيه اصحاب محمد
ريتاج:اي عارفه درتلهم حتى قهوه
سالم خش وماسك السفره
سالم:راهو متعشيين هنه طيبن حاجه اكويسه وفتلكنه الجو
عبير:اني لا عندي امتحان خلي ريتاج اطيب
ريتاج:مالخير قولي خلاص معش مندير شيء عرسي توا
عبير:اي شن حاستيني سلومه مش بكره اتوصلني الجامعه
سالم:خلي محمد واله باتي ريتاج قاعد فيه من الكيكه
ريتاج:اي شكلهم كملوه
عبير:شن تشبحي فيه قاعد
ريتاج:مبردك هاك سالم
سالم:شكرا ياامشتقه
ريتاج:معش اتقوله
عبير:امشتق شن معش اتقوله
ريتاج:شن دخلك اطلعي مش عندك امتحان 😢
عبير:شوفو دموع التماسيح اصلن ابروحي طالعه طلعت عبير
سالم:خيرك ادمعي ع خاطر قتلك امشتق والله عادي شن فيه
ريتاج:اخطاني تراه نادي المحمد نبي
سالم:اني قاعد شن تبي
ريتاح:قتلك نادي محمد
سالم:منيش امنادي قولي شن تبي😑
ريتاج:في حاجات ناقصات في المطبخ ونبوهن
سالم:باهي شن هنه
ريتاج:نبي..............................

عند عبير اول ماطلعت خشت الدار وكلمت حبيب القلب سعد
عبير:الو
سعد:اهلين حبيبتي روحتي من خالتك كيف ماقتلك
عبير:اي روحت خيرك خليتني نكدب قبل نبي نقعد
سعد:حبيبتي اني قتلك روحي عشان مانبيش حد ايشوفك من اولاد خالتك
عبير:عادي حبيبي هديمه كيف خوتي واكبر واحد ند ريتاج اصغر مني يعني بواجد
سعد:اني قتلك لا يعني لا حتى ولاد عمك معش اتسلمي عليهم حتى لصغار البسي قدامهم وشاح
(للعلم سعد غيور وعصبي لدالك عبير اتساير فيه عشان اتحبه ليهم تلاته اسنين مخطوبين)
عبير:حاضر حبيبي شن جو العمل
سعد:باهي اكويس حبي اتحبيني
عبير:اكيده انحبك
سعد:مستاحشك
عبير:هانت حبيبي صبرنه تلاته اسنين لابال شهره
سعد:اخ وخلاص والله انحس فيه سنه مش شهر
عبير:ههه
خلينه انسيبو العشاق ابروحم وانعدو لي عند خالتهم منال
منال:والله اتمنيت جت اعماكم  ريتاج
مبروكه:المره الجايه تو انجيبه
منال:شن معش جاه حد طلبه ريتاج من بعد الناس الي جابتهم عزيزه
مبروكه:لا والله
منال:والله بنتك مشاء الله عليه عليك جمال فيه والله كان عتمان اكبر منه خديته باهي خير اولاد سلفك ماخدوه
مبروكه:شن مندريلهم كان مايبوها
منال:سيوره تاخد واحد بجماله وخير من اولاد سلفك
مبروكه:اي
زهرا:خالتي عادي شهد اتروح امعانه
منال:لالا يازهوره خيرك مااتباتي انتي
زهرا:اني باتي مستحيل ايخليني انتي عارفتي ماايحب حد ايبات اني واله عبيرواله ريتاج عند حد حتى عمامي لا
منال:إن شاء الله تو في عرس عبير انجوء كلنه انباتو اسبوع كامل
زهرا:اممممممم باهي

عند ريتاج
طيبت ريتاج العشيء وفتلكتلهم الجو بعد عطتلهم وبعده جابه خوه الصفره وبعد ضمت المطبخ وروحو مؤيد ومروان وسالم عدا روح بهله وباته روح وكلهم قعمزو في الصاله
علي: محمد من همه اصحابك الي اتعشوا هنه
محمد:هديما الي درنا اعماهم عقد
علي:عيلته عته.....
محمد:ايوه واخته واحد منهم واخده سلف عبير سعيد وتوا فرحه امعاء عبير وسعد
علي:اي منهم
محمد:مؤيد مصباح
ريتاج اول ماقال مؤيد في خاطره زعمك الي ريته والله حسيته هوه مؤيد قلبي هكي قايل وبدا قلبه💓💓
علي:اي اي مبروكه شن جو عته اختك
مبروكه:والله اكويسين واتسلم عليكم
كلهم:سلمك سلمه
مراد:باتي بكره ابنمشي لعته عمي بوبكر
علي:باهي عدي ارقد توا وبكرا انقلك ليهم
مراد:باهي باتي وامشاء الدار
عبير:حتى اني بنوض عندي جامعه بكره تصبحو ع خيبر
كلهم:وانتي من اهله
ريتاج:باتي بكره ابنمشي الصاحبتي عادي
علي:من هي
ريتاج:نهي
علي:بوه خوه مصباح
ريتاج:اي
علي:باهي عادي لاكن من بقلك
محمد:اني منقله
علي :باهي حتى اني بنوض بنعدي بنرقد عندي عمل
ريتاج:امي محمد يبي يخطب
سالم:حي حي حي اكيد الحب
مبروكه:احترم نفسك
محمد:سامط راك
سالم:ايحطولي اشويه ملح نتعدل
مبروكه:من هي
سالم:حقا من هيا سعيدة الحظ الي بتولي مرت خوي
ريتاج:هبه بنت جيرانه
مبروكه:.............
سالم:😲😲

يتبع#
صوتولي وعلقولي وادعموني ارجووكم

الكاتبهAmona😍😍