احببته اكتر من روحي ❤❤

الحلقه الخامسه

ريتاج:هبه بنت جيرانه
مبروكه:من قلت البنات ماالقيت الا هادى
محمد:يمي اني عجبتني
مبروكه:لاكن هي ماتركبلكش وفوق كل هدا اندادك
محمد:بس ياامي اني نبيه واني يلي منعيش امعاه
مبروكه:ياولدي اني نبي سعادك
محمد:ياامي هبه سعادتي
مبروكه:ربي يهدي وخلاص  عشان اعيونك بس نخطبه مع انه اني مانبيه
محمد:تسلمي يا غاليه باهي امته تخطبهلي
مبروكه:مزال عند بعد عرس اختك عبير
محمد:باهي
مبروكه:احميده بكره قلني لمرت خالك حمد بوه طايح منكسر
محمد:حاضر يا غاليه
مبروكه:هي تصبحو ع خيبر
كلهم:وانتي من اهله
ريتاج:سالم سالم خيرك فاتح فمك
سالم:لا غير متفاجئ بس يامحمد شن ضرب على راسك انته تشبح فيه كيف تطلع
ريتاج:اي حقه كان طلعت اني واله عبير واله زهرا تقتلني قتل
محمد:وانته شن دخلك اني نبيه وعجبتني اي نقتلكن ماله شن
سالم:فكره يامحمد تو تندم
محمد:واني فكرت ونبيه انعدي نرقد خير وعدا وخش الداره
ياسمين:حتى تصبح على خير ماقاله
ريتاج:اي عشان حبيبة قلبه
ياسمين:قصدكم هبه بنت جيرانه الشينه  يبيه محمد
ريتاج:اي
سالم:ياريته غير شينه ومحترمه حتى الاحترام ماعنده وفوق كل هدا امدايره ع وسكت
ريتاج:كمل كلامك ياسالم شن امدايره
ياسمين:حقه شن امدايره
سالم:امدايره شيء نوضي انتي وياه ارقدن
ياسمين:اني مش راقده عند الصبح
ريتاج:حتى اني
سالم:خيركن ياحنه
ياسمين:الانه صاحبتي نهله جت المدرسه قت ماارقتش بكل
ريتاج:واني راقده امبدري
سالم:خشن لداركن خير منجي انكفخكن
ريتاج:ياسمين هي تعالي انخشو اني وياك الدار خير من هنه
ياسمين:اي والله صدقتي
خشينه اني وياسمين الدار واني اول ماحطيت راس ع المخد انفكر الموقف امتاع المربوعه ونضحك وقلبي 💓💓وبعدين فكرت في كلام سالم وشن يقصد لاكن قت إن شاء الله خير وخلاص بعدين شبحت في ياسمين القيته راقد وقت هادى غيرماهي راقد ههههه وقعدة انفكر ونتخيل لعند مااتغلب عليه النعاس ورقدة
عند مؤيد
اول ماروح الحوش وعقله مش اعماء بكل وايفكر في الموقف ويضحك وقلبه 💓💓
عمار:خير يضحك هدا هوي مؤيد يامؤيد
معاذ:والله العظيم شكله انهبل مؤيد وعيط ع اسمه بصوت عالي عند مؤيد انخلع 
مؤيد:خيرك اتلعل شن تبي
معاذ :لا شي سلامتك
عمار:من امبدري سارح و تضحك خيرك قللنه بالك نضحكو اعماك
مؤيد:شيء غير موقف ايضحك فيا بس
عمار:قللنه والله خطرنه نضحكو حتى احني
مؤيد:ماايخصكش فاهم
عمار:باهي وانته كليتنه
رزان:مؤيد انته بكره اتوصلني التانويه
مؤيد:اي باهي عدي ارقدي توا مش اتنوضي متصحصحه
رزان:باهي اني ابروحي جايني النوم هي تصبحو ع خيبر
كلهم:تلقي الخير
مؤيد:أمي وين باتي
سليمه:باتك رقد اول ما روح تعبان
مؤيد:اها
سليمه:باهي وانته وين تعشيت
مؤيد:عند صاحبي محمد
سليمه:ابروحك
محمد:لا حتى مروان
سليمه:شن دارولكم
مؤيد:ايكال
سليمه:عارفته ايكال شن هوه طيب واله لا
مؤيد:رز امبوخ امعاه عجه وامعاه حتى مكرونه وامسير وسلاطه والله عشاء صح طيب
سليمه:وشن قدمولكم تاني(وانتم عارفين اتقسقيس الامهات )
مؤيد:شن يعني
سليمه:قدمولكم قهوه وشن امعاه وعصير ووووو
مؤيد:اي اكيد امعاه كيكه والله طيبه بكل عند كليت منه اربعه
سليمه:لما انديرو هنا كيكه ماتاكله بكل
مؤيد:هادي كيكه طيبه بكل
سليمه:اكيد من المحل
مؤيد:لا اخته
سليمه:وانته شن عرفك
عمار:حقه شن عرفك
مؤيد:لانه مروان ساله محمد قال دارته اخته الي اسمه ريتاج امدايرته
سليمه:اكيد كبيره هادي الي اسمه ريتاج فايته تلاتين صح
هديل:لا اصغير
سليمه:وانتي شن عرفك
هديل:لانه امبدري حكت عليه لزم وقت بنت خالته  ورزان عرفته الانه تقرا تقرا امعاء نهى وانداده وسمحه بكل قالن واخته الي واخده سعد خوه سعيد
مؤيد:وفوق كل هدا سمحه بكل وقاله مايندريش على روحه
عمار:وانته شن عرفك
معاذ:لانه بدن يشكرن فيه
سليمه:اي من خالته لزم مبروكه واله عائشه
هديل:مبروكه  قت ابقولي
سليمه:صح اصلن مبروكه عنده اربعه بنات وعائشه عنده بنتين متزوجات بس مبروكه ماعمري ريته بنت غير الصغيره بس سمحه والكبيره حتى هي ريته وسمحه حتى هي
عامر :اكيد حتى الي اسمه ريتاج طرف وامطرف
مؤيد:وانته شن دخلك طرف واله مش طرف
عامر:وانته خيرك هجمت عليه حلال عليك تدوي عليه واني حرام
مؤيد:ماهووو وتردد وبعده قال خوه صاحبي
عمار:ها بكل
سليمه:هديل ترا عدي نادي رزان
هديل:رقدة رزان
سليمه:نوضيه
هديل:باهي شن تبي فيه
سليمه:نبيه عدي سلم بنتي
هديل:اوف باهي
مؤيد:احترمي امك ومعش اتافافي عليه ولما اتقولي حاجه ديراه على طول وانتي ساكته
عمار:يافرخه هديل اخرى مره تدوي امعاء امك هكي فاهمه
هديل:باهي وانتم كيليتوني ها امشيت
سليمه:خيركم هكي تدو اعماه
مؤيد:ماشبحيتهاش كيف تدوي واتافاف
عمار:والله عال اشويه واتجي تضربك
سليمه:كان انتم تسمعو الكلمه حتى هي تو تسمع تشبح فيكم مافي واحد يسمع في كلامي
مؤيد:باهي باهي خلاص
سليمه:ربي يهديكم وخلاص
رزان:ها خيرك شن تبي يمي
سليمه:قالو تعرفي صاحبت نهى
رزان:اين منهن
عمار:ريتاج بنت خالت مرت خوك سليم
رزان:خيره شن تبو فيه
سليمه: خوتك شكروه بكل وقالو انتي ولزم حكيتو عليه(للعلم سليمه كانت اتفكر تاخده لمؤيد واله عمار كانه حقه سمحه لانه ديما ادور في اسماح ومرام قبل تبيه لانه سمحه عيونه خضر وشقره عجبتنه لاكن بعد مادوء عليه ريتاج فكرت مع العلم ريتاج قاعده احله من مرام ابواااااجد مع انه مرام ارقيقه وجه مش امشتق بس ريتاج كانت وجه امشتق وجسمهارقيق وسليمه كانت اتفكر اكتر تاخده لي عمار اكتر من مؤيد)
عمار:الا اني مادويت عليه
معاذ:احكيلهم مش امبدري تشكري وخلاص وقتي جماله عمري ماريت احله منه
مؤيد في خاطره والله فعلا مافي احله منه وفكر الموقف وضحك وقلبه💓💓
رزان:انقللكم لاكن بشرط
عمار:باهي اشرطي وانتي شوقتيني
رزان:.........

يتبع#

لاتسو تدعموني وتصوتولي وتعطوني رايكم وارجو منكم اتعلقولي وتعطوني رايكم فيه الراويه بلييييييز
الكاتبه Amona 😍😍