عاشق من بني النعمان

البارت الثاني

الجزء الثاني #صنعت_لي_طيف_عاشق
...نازك الحمراني...

البارت الثاني

الحیاة أكثر رعب من الظلام...
هل كلمه من سمعتها من الطيف صدكتها..
وكتبتها على راحة ايدي((الظلام اكثر رعب من الواقع))
لأن الظلام مجرد لون أسود
بس الواقع عباره عن "ظلم"خيانه"دمار"ضياع...الخ
هذا قصده الطيف الي يبقى قليل ويروح من دون ان اباوعله لان اخاف اشوفه شكله..
ويطلع مرعب فابقى غالقه عيني عنه
بعد ماتركني الطيف
بقيت بغرفتي آصلي وأقراء قرأن...واحس بوجوده
بس رافضه اصدك أنو بلغرفه غيري موجود..
حتى المرأه الي تلبس چادر هي وبناتها
من آشوفها اصنع الامبالات..
مااريد اصدك...ولا اصدك
خلصت صلاتي أخذت موبايلي من الشحن
أرن على قتيبه اريد اعرف ليش هيج رفض يتم زواجنا.
كل ماارن ينطي رفض
شمرته عل چربایه
مخنوكه "فشلانه
فشلنه اكثر من الحزن
لأن صديقاتي كلهن يدرن زواجي بعد أسبوع...
شكلهن مارادني بعد
زين وذا سئلني ليش ماارادني...
هواي افكار براسي تلخبطت
كمت بسرعه للكنتور
لبست على السريع وقررت أروح للدائره ليداوم بيها قتيبه....
أخذت حلقتي والهدايه الي جابهن اليه..
طلعت من الغرفه أتصلت عمتي زاهده عليه..تريدني
مريت من يم الصاله...أبوي كاعد وأمي يمه...
-بابا من رخصت رايحه العمتي اشوي مختنكه..
-هسه اخذچ بویه حضري نفسچ
وآریدچ اصیرین سباعیه لا تهتمین هو للخسران
حتی آبوه القتیبه اجی من ساعه یعتذر
كالي ابني الحقير خلاني أتفشل وياكم وهو الخسران
مو أنتم...وشنو الي طلبو احنا أنسدد الكم..
چان یحچي وهو مدنج عيونه مقهور عليه...جاوبته
-لا تخاف يابه عليه بلعكس عرفت معدنه من وكت
جاوبت امي..
-اي والله نهاد خل يولي ماما اني معاجبني ابد هل قتيبه
ومثل مكال والدج هو الخسران....
كالتها وهي تكرز حب أبيض ردت ادور بعيونها
نظراته حنيه مثل بابا ماكو بس جاوبتها
-اشكرج ماما ...طلعنا اني والدي الي وكف على صفحه
ياشرنا تكسي...
وطول طريق أثنينا ساكتين...وصلني البيت عمتي
وهو راح الشغله..
اول مدكيت الباب طلعتلي عمتي...دخلت بلا مااتكلم
عمتي وهي تاشرلي اكعد..
حضنتها ابچي وهي تهدأني ..
-كافي نهاد انتي لازم تفرحين يعني اكو نسوان
ورى اسنين من الزواج يله يعرفن الي اخذنهم حقراء
رفعت عيوني الها..
-بس عمه ليش هيچ دیصیر...
-شوفي نهوده قتیبه عنده علاقه بأختچ سهاد..
وآمچ تعرف ومتکتمه عل وضع...
-شنو عمه شدكولين لا قتيبه يحبني اليه..
وصار تلث اشهر مخطوبين وانتي تعرفين كوه قبلت بيه لأن ماعدهم بيت ملك وعايشين هو واهله على راتبه ممعقوله يخوني...وخيانه وي أختي
-لامعقوله وكلشي معقول بهل وقت لأن امچ معرفت تربي ربتكم على التفرقه
دللت سهاد وعماد چن بس همه عدها
وآنتي بحجة وكيحه ضاجت منچ...وخلت والدچ
یاخذچ معاه وین میطلع...
وذا كعد ماكو شغل أذبچ علیه بحجة أني ربيتچ
هل شي خله أختچ تغار منچ...
وکلشي عندچ ماعدها تریده...
فا أختچ کایله القتیبه
انو انتي متلبس بیچ جني وحتى دتشوفچ تحچین ویاه
وآنو اذا يزوجج الجن يقتله اله...وهواي شغلات
بس هذا العرفته من اخت قتيبه...
وهو لكاها حجه...لان يكول عليج بارده
اشلون رح يزوج انسانه بارده...حتى ايدها متخليني المسها..
خل يولي بنيتي ميفيدج وكافيچ بچي ليشوفچ
یکول تحبه...
تحت تآثیر صدمه"ورى صدمه حتی ماتکلمة
بس أفكر بوالدي الي ضايج عليه
بأخوي عماد الي يهم بيه...
فقط همه أفكر بيهم..
واسمع الحجي عمتي الي راحت للمطبخ
ورجعت بيدها كوبين شاي...نطتني واحد
-اشكرچ عمه..رجعت تکمل کلامها