عاشق من بني النعمان

البارت الثاني عشر

💚مسائكم محبه💚
...نازك الحمراني...حبايبي الي تخاف من القصه لا
تقراء لا تقراء..بلنسبه الي احب اكتب هيج قصص
والكاتب حر بمواضيعه..لازم تنوع بطريقه تناسب واقعنا..أعتقد اني مو أول من تكتب عن أبناء سوميا..
واشكر كل شخص  يحب كتاباتي😘😘 وأهم شي التفاعل
........
#عاشق_من_بني_النعمان

البارت الثاني عشر

الساعه اربعه الفجر....
اريد اخلي أنتباهي كله الأدهم حتى ما اسمع الاصوات الي بأذني...
اصوات تذكرني بنيار وا أن كان ميشبه صوته
أو هو صوته  البعيد...
صبيت تفكري بأدهم وبيه..وبملامح وجه...
وبذيج الحظه الي اقتحم بيها أسواري...
مغطيه وجهي بشرشف واصابعي بأذني...
مااريد اسمع شي
والصوت يتردد بهمس خفيف...
نهاد"نهاد
همس مثل شخص تعبان وميكدر يتكلم

صوت باب الحمام أنفتح...
والحمام يصير داخل الغرفه...
رفعت الشرشف أرتاحيت
ادهم طلع منه وهو ينشف وجه منشفه
ويسد سحاب الاتراك..
خلى عطر...واجى كعد يمي سحب ايدي وهو يبوسها
اتلمس شعري

-حب ليش ممنشفته زين...
لاتتمرضين من اول يوم واحنا عرسان
التفت عل مجر
-هناك شسوار  كومي خل أنشفه بيدي..
سحب ايدي وهو يكعدني على كرسي مثل طفله

الأصوات تبتعد وتقرب...ومبعده فكري عنهن
عيوني الأدهم وهو يركب الشسوار بنقطه
ودي اكله سمعت اسمي واحد يصيح بيه..مكدرت
صوت الشسوار قوى
وي صوت الاسمعه نفضت جسمي
دفعت الشسوار واني اصرخ.

-كافي "كافي"كافي....اخليت ايدي على أذني..
وعيوني تفتر عل غرفه...
انتبهت على أدهم يسحب كلنكس من الباكيت
ويخلي على ايده...الي ممليه دم..
ويقترب مني بسرعه  وكل ظني رح يضربني..
كعد على رجله وهو يجرني له ويحضني...
ويمسد على شعري..

-كولي ياألله حبيبتي شنو الصار
رفعت راسي له ودي اخبره شي يمنعني
حضنته حيل أبچي

-أدهم كتلك أني ماافيدك أني اني.
على صوته بعتاب
-أنتي حبيبتي .
-لا دا أتكلم جد اني مجنونه
-حتى لو مجنونه احبچ یابنیه اهم شي يمي
انتبهت على الكلنس صار أحمر من النزف
أبتعدت منه واتلمس ايده الي كلنكسها رطب من الدم

-اشلون انجرحت اني السبب من دفعت الشسوار..

-لا حبي بلمرايه الثانويه مال الكومدي ألمجر...
طلعت لفاف اني جايبته وياي...
بعد الكلنس..عقمته ولفيته على ايده..
وهو صافن عليه..

-لا تباع
-حرام..
-لا رجعت الوشه  اسمعها تصاعدي"تنازلي
مره تقوى"مر تختفي"مره صوت خفيف..