#محبوبتي_بائعة_الحرمل
ا
للكاتبة كوثر السماوي
بارت 1و2
بارت 1
عذراء...عمري 21 سنة عيوني خضر رشقية طولي 160 بشرتي بيضة شعري اسود لجوة الخصر
طالبة هندسة مرحلة ثالثة كان بخاطري طب حاولت وبذلت جهد اطلع معدل طب مكدرت لنو مگدرت ادخل دروس خصوصية والدراسة بلمدارس الحكومية مو مثل الخاصة
فد يوم بابا راح يطلع امي من المستشفى كانت داخلة ب اخوي الصغير اتمرض ويومين بلمستشفى بطريق الرجعة صار انفجار بابا بل الانفجار اتعوق امي واخوي الصغير ماتو بابا حاول يعالج نفسة بكل الوسائل مافاد عندة محل توابل بلسوك باعة وبيتنة كذالك هم باعهن وسافر بس مافاد اصلا زادت حالتة سوء بقة معوق عندي اخت وحدة مرحلة اولى علوم واخ بصف ثالث ابتدائي
صديق بابا عطف ع حالتة وكعدنة بيتة عاد الغريب ارحم من الاقارب الي اتخلو عنة بابا فتح محل بلبيت بمساعدة صديقة يبيع اشياء بسيطة صح ماماشي وشغلة مو شي بس عاد شايل عني ربع المصرف هذا مقدور بابا مايگدر يطلع خارج البيت معاناتي وين اني اگول الكم وين
بلشغل اي اشتغل شغلي هو ابيع حرمل بسوگ
اطلع ساعة 6 ونص الصبح اشتغل ساعة ونص وبعدها اروح لدوامي وكذالك هم من اخلص دوام هم ارجع للشغل ارجع ل اهلي المغرب الشغل الحمد الله زين بس مشكلة بلناس الي يتحارش والي ينتقد الا درجة لبست نقاب وعباة لخاطر اخلص
مشكلتي الثانية اني معقدة بشكل ما احب اختلط ب اي شخص بلجامعة بنات او شباب الكل يسموني العقدة عادي كلامهم مايهمني كلة بسبب محمد
محمد حب مراهقتي بصف ثالث اتعرفت علية اخو صديقتي حبيتة بجنون تالي من بابا خسر كلشي تركني وحتى صديقة الطفولة الي هي اختة هم تركتني اوووف ماكو شي اسمة صداقة حقيقية وحب حقيقي
لذالك اتعقدت من شي اسمة صداقة وحب وعلاقات
كومة اجوي حابين يرتبطون بيه وبنات حاولن يبن صداقة وياي ارفض
فد يوم رايحة للدوام طلعت من المحاضرة ومنتظرة المحاضرة الخ
اجاني شاب گعد ع الطاولة مالتي وحاول يحجي وياي كل العادة ما اهتم وملتزمة الصمت وادرس
بعدها دخلت للمحاضرة الثانية وبعدها رحت لشغلي وجبت المقسوم ورجعت للبيت......
وسام: عمري 30 سنة طولي 175 بشرة حنطية مخلص دراستي ب استراليا چنت عايش بلخارج اني وعائلتي ورجعنة من جديد للعراق وفكرت افتح مشروع اعشق التجارة واحلم اكون تاجر كبير
اجوي عائلة عمي زارونة
ابن عمي علي اخذني وافتر بيه شوارع بغداد
علاوي شاف وحدة حلوة شمر عليها كلام بس هي ما انطتة مجال
عطت بي وگتله ياريتها حلوة اشو محلوة
گال اعرف مو حلوة بس اشمر عليها كلام عاد هلبت نگبل وياها ناخذ فترة وياها ونتركها
اتراهنة اني وياه گتلة اذا اصادقها وتطخ راس الي يسفرني ع حسابه لتركيا واذا ما طخت اني اني اسفرة ع حسابي
المهم اني شاب حلو ومعضل واتفيك گدامها طخت راس ورقمتها
وفزت بلرهن....
علي: سويتها ولك ورقمتها اكيد عذراء المغرورة هم يجيب راسها وويكسر غرورها ويكبل وياها
گتله اريدك منك شغلة وشنو تريد اسوي الك
ولك وحدة جمالها مو طبيعبي 3 سنوات احاول وياها اني وشباب بلكلية محد يگدر الها
گالي لك يول مو وسام الي مايجيب راسها
التفقنة يجي للكلية الصبح ويشوفها
محبوبتي بائعة الحرمل
البارت الثاني
للكاتبة كوثر السماوي
وسام : گعدت الصبح وافكر بكلام علي لنو سواها الي ملاك ونازل ع الارض لمتة يطلع الصبح واشوف هل المغرورة
رحت للجامعة والتقيت بعلي وگلي هاي هي روح الهوى بظهرك اغاتي راوينة شطارتك من بعيد ماشفت شكلها لنو مخلية المحاظرة رافعتها وتقرة
رحت واقتربت منها كعدت ع الكرسي الي گبالها هي نزلت المحاظرة دخيل الله شنو هل العيون شنو هل الجمال الرباني شنو هل الشفة
بشرفي استراليا عشت بيها سنين ماشفت هيج جمال
يبوووووه شبيدي شوصف منين ابدي من العيون يو الشعر السرح وطويل يو من الشفة نفخ طبيعي يو بساطتها ذرة مكياج مامخلية مو مثل البنات الي شفتهن مخليات كومة مكياج وبعدهن محلوات فعلا علي نفس ماگلت
حاولت احجي وياها بكل الطرق ومافاد بدت المحاضرة وراحت ولا مهتمتلي انطتني اذن الطرشة وراحت
اني متت قهر هاي اول مرة وحدة تطردني
السالفة مو سالفة رهن صارت السالفة صارت سالفة كرامة مستحيل اخلي علي فد يوم يعايرني بهل السالفة
رجعت للبيت وفاير نار شلون اكسر راسها
وفكرت بكذا طريقة واتصلت بعلي اخذ منة كم معلومة عنها
عذراء: سوينة العشة اني واختي جمانة واتعشينة وبعدها رحت درست اخوي وانطيت بابا علاجة وجمانة غسلت المواعين
بقينة ندرس وجمانة كولشي تحجيلي شنو يصير وياها بلكلية وحاجتني ع ولد معجب اني حذرتها وگتلها چذاب ويقشمرج احذري واذا كان صادق الله يوفقكم ان شاء الله
واتسطحت بفراشي واذكرت هذا الولد الي اول مرة اشوفة بلكلية شون نازك وعطرة يجنن
ليش اجه يمي وحاجاني
يووووه مايهم نفس الي اشوفهم كل يوم ويتوددون الي
عندي عادة سيئة اسوي قبل لا انام ومن اكعد الصبح هم كذالك
عادتي هي ادعي ع محمد لنو تركني واذاني وفقدت كل ثقتي بكل شاب
صار اربع سنوات ادعي علية
حسبي الله ونعم الوكيل عليك يامحمد ابن رسمية وبعدها نمت
كعدت ساعة 5 الصبح هم گلت حسبي الله ونعم الوكيل عليك يا محمد ابن رسمية ورحت حضرت ريوك لبابا وانطيتة علاجة وگعدت اختي ورحت لشغلي
خلصت ورحت لدوامي.....
وسام: نمت واني مجمور ونار نار اغلي وافكر شون اكسر راسها بس حقها تنغر لهل الجمال الشايلتة
رحت للجامعة وتأنقت وخليت من عطري ماركة الي جبتة وياي من استراليا
هم حاولت وياها هل المرة عاطت بيه
ماشي يحلوه اتحمل شنو تسوين وياي بس بلنهاية اكسر راسج
بقيت ع هاي الحالة اسبوع
عذراء: خلصت دوامي ورحت لشغلي وافتر ع المحلات ابيع حرمل او ابخرهن دخلت لمكتب حجي حيدر تاجر كبير وانسان اطيب واحن منه ماكو اهواي،يساعدني ومرات اذا احتاج فد مبلغ معين اخذ منه وارجعهن اله من يصير عندي..
من دخلت المكتب يمه جان اشوف هذا الولد گاعد بمكتب الحجي خفت وطلعت ماخليته يشوفني خاف يعرفني ويروح يفتن علية بلكلية واتعاير
