بارت 9و10
محبوبتي بائعة الحرمل
البارت التاسع
للكاتبة كوثر السماوي
عذراء: انصدمت من كلام احمد وگتله باجر اردلك خبر بس اطلع الله يخليك
طلع ودخلت علية جمانة وگالت هسة تحجيلي كلشي
رحنة للغرفة وبعد مانام اخوي حسين
وحجيت كلشي
هنا فكرت اوافق يو لا
اتصل علية وفهمني ع حالتة وزواجة
صدمني طلع مزوج شنو الي يجبرني ازوج واحد مزوج وگالي اطلگها اذا تردين بس وافقي
رفضت رفض قاطع ما اقبل ازوجة اولا خطية مرتة
ثانيا مبين شكاك ومتسرع
لذالك دزيتلة رساله كتلة ما اوافق واني مسامحتك ع الي صار اليوم...
حجي حيدر: رجعت من العمرة ورحت للمكتب وجان اعرف كلشي عن عذراء تدرس وتشتغل وحالتها تعبانة
قررت اتكفلها هي واخوانها واصرف عليها
اجت ثاني يوم للمكتب گتلها يابنتي بليل اريد ازوركم هي. خافت وگالت تعرفني تندل اهلي ?
كتلها اي وبليل اجيكم.....
عذراء: ماگدرت اكمل الشغل بس الصبح رحت
العصر رجعت للبيت منتظرة لمتة يجي الليل
وفعلا اندگت الباب وطلعت اني
دخل الحجي
وطلب يتعشة
جمانة بقت تضحك اكو واحد يدخل النة اول مرة ويطلب العشة شنو هل الميانة الزايدة صدك ميستحي لج عذراء خل يويلي طردي
حسين گعد وياه
واني وجمانة حضرنة عشة
اتعشة
بعدها صاح النة وگال اسمعو الي عندي وبلا نقاش
گال اني محروم من الذرية وعندي املاك خير من الله
من اليوم ورايح اعتبروني اب الكم اخ عم جد اي شي وعذراء ماتروح للشغل مصروفكم يجيكم للبيت اني اتكفل بمصروفكم وكلشي تحتاجونة
بقيت اني وجمانة صافنين لاناخذ ولا ننطي معقولة اكو هيج انسان وبلا مقابل بقة يحجي ويانه وعرفنة ليش هيج يتكفلنة
اني هم عندي عزة نفس وكرامة وما احب عالة ع احد بينتله هل الشي
گال راح انطيج وظيفة وبلبيت ومن خلالها راتب الشهري الي انطي الج بتعبج
گتله شنو الوظيفة وبلبيت
گال كل اسبوع ادزلج سجلات الحسابات وتدققينها ونتزليها الي ع الحاسبة
هيج وافقت وگتله تمام هاي هي
وگال الدنيا مو امان اريدكم تسكنون يمي عندي بيت اني مشتري بصف بيتي تنتقلون اله وهنا اطمئن عليكم
وطلع الحجي بعد ما التفقنة.....
جمانة:: يالله شنو هل الانسان معقولة هذا واني احضرة عشة اشكد حچيت علية وصنفت
فرحت كلش عذراء راح ترتاح
وبعدها اجاها اتصال من وسام وراحت تحجي وياه
علاقة وسام وعذراء اتمنة اعرفها شنو واحد يفديها بروحة وهي تحجي وياه معقولة يحبها وتحبة بس ليش تظم علية هل الشي اشو اني احجيلها كلشي
محبوبتي بائعة الحرمل
البارت العاشر
للكاتبة كوثر السماوي
وسام:صار كذا يوم ماشفت عذراء عزمتها ع غدة
واتغدينة سوة وحسيتها اليوم مرتاحة
گلت هي هي هاي فرصتك لازم ابين الها والمح اني احبها
وفعلا وهي استلمت ورادت تروح وتتهرب مني
وانطيتها هدية ساعة ماقبلت بس كوة اخذتها مني
ضحكت يالله شوف البنات بساع يتقشمرن هدية وكم كلمة حلوة
اخذت الها صورة بلا ماتدري ودزيتهن لعلي
گتله شوف السمكة راح تدخل القفص
وراها رجعت للبيت گالت امي خلص الشهرين ولازم نروح نخطب رنا
حددنة الاسبوع الجاي نروح نخطبها
وبقيت اتصالات وحبيات وبيني وبين عذراء وكل شي يصير ادزة ل علي وعلي هم كذالك يدزة للولد بلكلية......
عذراء: اتصالات احمد ماتخلص وكذالك يجي للبيت بين فترة وفترة واني اطردة
حجي حيدر گال البيت جاهز
وانتقلنة للبيت الجديد
وكل خميس يدزلي السجلات نتناوب عليهن اني وجمانة وندقق ونطبعهن بلحاسبة
ومرت ايام ع هاي الحالة ومرتاحة كلش وندعي لحجي حيدر الله يطول عمرة لنو خلصني من تعب وفرة
انتبهت ع نفسي تركت عادتي انو هي ادعي ع محمد
وسام شغل بالي وتفكيري وحبيتة يالله اي حبيت من جديد وسام انسان حباب ومبين يحبني لنو حاول وياي اهواي الا ان خلاني غصب عني احبة
وعيشني ايام حلوة صار اربع اشهر من احنة نحب بعض...
وسام: رنا بدت تزعجني وتشك بيه وتريدني ع طول اني اتواصل وياها ورادت تشوف تلفوني
گلت لعلي
گتله انت تعرف شنو بتلفوني واذا رنا شافت التلفون راح نروح بداهية گالي علي معليك اني احل الموضوع
بليل انتبهت ع نفسي فعلا اني اشوي اشوي اهمل رنا
گذالك اكظي الليل كله احجي وي عذراء وماتمر ساعة اذا اني ما احجي وياها
وصرت المحادثات والصور الي بينة ما ادزهن لعلي
يالله شنو يصير ليش هيج اتصرف
قرر باجر ما احجي وياها واهمل اتصالاتها او رسائلها
ثاني يوم ساعة 2 الظهر ما اتحملت ما اسمع صوتها
اتصلت عليها وگتلها هسة تجين لهذا العنوان
انطيتها عنوان بيتي اني ورنا اجهزة وارتبة من نزوج نگعد بي
اجت للبيت وجانت خايفة كلش
گالت شكو شبيك
اول ماشفتها حضنتها وبستها
يالله شنو كان عطرها يجنن اويلي
خصرها غصن البان
شعرها الاسود الطويل وعيونها الخظر متت عليها
وهي كذالك بلحظة شيطانية ضعفة وصار الي صار
بعدها صحت ع نفسها بقت تبجي وتكول ليش هيج سويت
قسمت الها ما اتركج
اي احبها احبها وما اعوفها ولازم افصخ خطوبتي ب رنا
گتلها تقبلين نزوج
هي وافقت وفرحت كتلها انطيني شهر ارتب اموري
وانتي انتبهي لدراستج
حبيتها واتعلقت بيها اكثر واكثر
حرت شون افاتح اهلي واگول الهم ما اريد رنا
صرت ادور مشاكل وي رنا لخاطر تعوفني ومر الشهر واني ما سويت شي ولا لگيت حل
عذراء تلح علية وتگولي خلص الشهر
واني مليت واريد عذراء
حبي الها يزداد يوم عن يوم وهي كذالك
