بارت 7و8
محبوبتي بائعة الحرمل
البارت السابع
للكاتبة كوثر السماوي
حجي حيدر: عمري 55 سنة اكبر تاجر بلسوك عندي املاك وخير من الله مزوج مرتين وحدة بت عمي وحدة جوارينة وماصار عندي اطفال السبب مني من شفت السبب بيه طلگت نسواني حرام اظلمهن وياي وكل مرة تتمنة يصير عدها اطفال مع العلم هن ماقبلن اطلگهن بس اني طلگتهن وازوجن وصار عدهن اطفال وعلاقتي بيهن طيبه الحمد الله
قررت اساعد هل اليتيمة واكسب بيها اجر
بس خل اعرف شعدها ماعدها وصحت لولد يشتغل عندي گتله بس ارجع من العمرة جايبلي معلومات كاملة عنها ....
علي: طلعت وسام من المستشفى واهلة عرفو انو هو منصاب وجان داخل مستشفى
حاجيت وسام عيف الرهن خل يولي بس وسام ماقبل گال لا احنة تراهنة....
وسام: فاتحني علي اترك الموضوع بس ماقبلت لنو يعايرني بعدين مو بس هاي اني عمري كله ولا بنية رفضتني هاي اول مرة تنرفض لذالك ما اعيفها
اتحسنت بعد اسبوع رجعت لعذراء زرتها وصارت بينه اتصالات ورسائل رحت لحجي حيدر اشوف شغلي للمكتب گالولي بلعمرة طلعت من المكتب شفت بنية تبيع حرمل سبحان الله نفس عيون عذراء وكذالك الجسم
بقيت صافن عليها وارتبكت وخجلت
خطية وراحت هاي شنو سويت ليش هيج خجلتها ....
عذراء: يمه هذا وسام صافن علية اكيد عرفني
تركت الشغل ورجعت للبيت خايفة بليل اتصل علية وخايفة كلش خاف عرفني
بعد ما جاوبت ع الاتصال واتاكدت ما عرفني اطمئنيت
وكملت حديثنة عادي بعدها اجت اختي بقت تتحارش بيه وتخبث
سديت الخط
واتعاركت وياها......
جمانه: اووووي هاي العوبة تحجي بلموبايل صارلها ربع ساعة وهل الايام اتصالاتها كثرانة لا مو بس هاي فداها بروحة اممممم يعني بيناتهم علاقة حب اي واخيرا انفكت عقدتها خل اروح انصب عليها ورحت اخبث عليها هي سدت الموبايل واتعاركت وياي ونكرت ماكو شي مجرد صديق بعدها حجيت الها عن سامي بس دائما تحذرني من سامي
تگولي انتبهي خاف يضحك عليج وديري بالج تغلطين وياه والله اذبحج
عطيت عليها وبعدها اتصالحنة ونمت بحضنها
الصبح گعدتني وهي راح للشغل خطية.....
احمد: البنية دخلت گلبي وحبيت اعرف عنها گلشي وبعدين هي وحدانيه ساعة 7 رحت اراقبها من بعيد
صارت ساعة 8وربع هي ماطالعة من البيت مليت من الانتظار وتعبت
اتصلت عليها اريد اعرف هي تداوم يو لا سئلتها گالت اني بلطريق رايحة للجامعة سئلتني خير اكو شي
گتلها لا اتصلت عليج بلغلط ومن شفتة دگ حبيت اطمئن عليج وبعدها سديت الخط استغربت لمتة طلعت من البيت بس اختها واخوها طلعو هي ماكو ماطلعت
والجامعة قريبة لبيتهم
گلت باجر اجي من وقت واشوفها يمكن طالعة ع وقت
وفعلا ثاني يوم اجيت ساعة 6 الا ربع صارت ساعة 6 جان تطلع وانصدم
شفتها لابسة عباه ونقاب وبس عيونها طالعة وشايله علاگة بيدها
كرهت نفسي ايا حقيرة تبيعين شرف براسي وجذبتي علية هسة عرفت ليش ماگالت ع الحادث
طلع هذا صاحبها ومصوبتة وخافت
اي الحلو مايكمل ابد كل حلو بي لولة
والله ياساقطة وياسافلة اليوم الا اروح وراج والزمج انتي وصاحبج فرت نار متت قهر
شلون انضحك علية تجي وحدة حقيرة مثل هاي تضحك علية اخذت تكسي وراحت واني وراها اراقبها راحت للسوك
