بارت 5و6
محبوبتي بائعة الحرمل
البارت الخامس
للكاتبة كوثر السماوي
علي: حرت شسوي احجي وي اهلة شون بعدين كل الي صار بسببي لنو اني الي اتراهنت وي وسام واتحديتة يعني السالفة راح تتركب براسي
گلت لعذراء روحي للبيت واني احل السالفة وديري بالج تحجين السالفة هاي ابد كولي مجهول وانتي شفتي بلشارع صدفة اذا سئلج الضابط وحقق بلحادث....
عذراء: استغربت من علي گلي هيج گولي وليش هيج وصاني يمكن يريد يطلعني من السالفة
بعدها اجة الضابط يحقق بلسالفة...
احمد: ضابط بلمستشفى احقق بلحوادث عمري 33 سنة مزوج وعندي 3 جهال حياتي شبه مستقرة بسبب مشاكل وي زوجي تغار كلش تحبني بجنون ع طول مشاكل بسبب غيرتها
اجاني خبر اكو فد ولد ناقلينة للمستشفى سبب الحادث اطلاق نار
رحت اشوف شكو ماكو شفت وياه بنية سبحان الله جميله بشكل
رحت احقق وياها شفتها حالتها مو مال تحقيق واني عندي شغلة ضرورية خارج المستشفى گلت اكملها وارجع وفعلا بعد نص ساعة رجعت ورحت احقق وياها بس تبجي وسئلتها شنو تصيرين من عندة گالت ما اعرفة هاي شنو ماتعرفينة وانتي الي جبتي للمستشفى وهسة گاضيتها بجي كل هذا وماتعرفينة
نرفزتني وعطيت عليها لنو السالفة ماتدخل بلعقل
احاچيها بس تبچي ما اخذت منها لا حق ولا باطل شكيت هي الي مصوبتة يمكن معتدي عليها وصوبتة
سئلتها رفضت گتلها اني اساعدج بس كولي احجي الصدك
ابد عنيدة كلش وترفض تگولي
تركتها مؤقت وصحت للدكتور وصيتة يعرف شصاير ويحاول يقترب من البنية وهذا الولد الي وياها ....
عذراء: بشلاع الكلب الا خلصت من الضابط وما گتله شنو صار
رحت لعلي گالي هسة طلعوة من العمليات والحمد الله زين وبعدها اغمي علية ما اعرف شنو صار وياي....
علي: بالي يم هاي الضابط يحقق وياها اخاف تحچي كلش واني اتورط وشيخلصني من اهلي اشوي وطلع الدكتور وطمني ع وسام ونقلوة لغرفة خاصة بس يصحة من البنج اگدر اشوفة
اجت عذراء وگالت للضابط نفس ما گتلها
وسئلتني ع وسام وطمنتها
بعدني احجي وياها واغمة عليها
الاغماء بسبب تعب وارهاق وخوف وكذالك اتبرعت لوسام دم
هنا اتصلت ام وسام ع وسام
دزيت الها رساله بصفتي وسام
گتلها اتاخر بلرجعة لاتقلقون علية لنو عندي شغل
عذراء گعدت وجبتلها فد شي تاكلة وگتلها روحي للبيت ماقبلت
گالت ما اروح لمن يگعد وسام واطمئن علية
اتصلت ب اختها وجابت الها ملابس
لبليل صحة وسام گتله شنو يكول للضابط
ماقبل بس اني گوة قنعتة ولازم اقنعة لخاطر اني اخلص من المشكلة واطلع اني منها اجة الضابط حقق وياه هم كذالك گاله مجهول.....
احمد: اثنينهم گالو مجهول بس السالفة مو خالية لازم اعرف معقولة خوفها وبواجيها ماتعرفة وبقت وياه الا ان صحة من البنج
صحت عليها مرة لخ واخذت عنوانها ورقم تلفونها وهم حاولت وياها ما حجت شي ....
وسام: اتصل علية والدتي جاوبتها گتلها اليوم ابات يم صاحبي خلص البنج وجع گتلني
صفنت شنو سويت اني لو مو الله سترني وميت
منو يفيدني الرهن بعدها رجعت افكر بعذراء
صحتلها حتى اگول الها تروح للبيت ترتاح
وفهمت السالفة منها ليش ابن عمها هيج سوة وياها
گاعد احجي وياها واجاها اتصال من اختها هي جمدت بمكانها وبعدها اغمة عليها
محبوبتي بائعة الحرمل
البارت السادس
للكاتبة كوثر السماوي
عذراء: فتحت عيني شفت علي والدكتور وسئلوني شون صرت والدكتور كتبلي ادوية طلع الدكتور وعلي گلي شبيج شصاير
بقيت ابچي وجاوبتة گتلة ابن عمي مسوي حادث ع طريق البصرة ومات
بعد نص ساعة وصلني علي للبيت رحت گبل نمت ما اعرف شنو هذا من يوم ليش هل المصايب تجيني وحدة ورة الخ
ثاني يوم رحت للفاتحة وخايفة لايشمرون الصوج بيه
بس الحمد الله محد يدري بلسالفة وهو ماگايل ل احد انو اتعارك وياي اطلق النار ع وسام
وبعدها من الفاتحة ورحت اطمئن ع وسام......
وسام: نايم صحيت لگيت عذراء گاعدة ع الكرسي
سئلتها من اشوكت انتي هنا گالت هيج قبل ربع ساعة اجيت وماحبيت اگعدك شفت تلفوني لگيته محروك الجو امي وابوي متصلين علية اتصلت ب ابوي گتله خارج المحافظة عندي شغل يومين وارجع
بعدها حجيت وي عذراء ولازم تداوم ميصير هيج تبقة بلا دوام خاف يفصلوها وشكرتني اهواي ع الي سويته وياها
سئلتني ليش قبل انت جنت دائما تجي للكلية گتله فد يوم مريت ل علي بلكلية شفتج وانعجبت بيج
هي مادارت بالي لكلامي وگالتلي اقدر هل الشي بس اني ما افيدك وما اريد ارتبط بحياتي اريد ابقة هيج بلا حب ولا زواج واريد اعيش واكرس حياتي ل اخوي واختي
بعدها سئلتني اذا محتاج شي وراحت...
احمد: شفت هل البنيةبلمستشفى زارت وسام اتاكدت انو هي تعرفة
بليل اتصلت عليها وگتلها ضروري اشوفج بمطعم اعرف مشكلتها يمكن اگدر اساعدها وبنفس الوقت البنية عجبتني حاب اعرف عنها كلشي مبينة مامزوجة ولا مخطوبة لنو ماكو حلقة ب ايدها
گالتلي ليش بمطعم اول مرة اشوف ضابط يحقق بقضية خارج سياق دوامة وبمطعم بعد
گتلها لا اريدج بموضوع ثاني واذا ما اجيتي اني اجي للبيت
هي خافت وارتبكت وگالت ماتجي للبيت اني راح اجي
فعلا هي اجت للمطعم وكانت خايفة كلش من عندي
وجريتها بلكلام وگالتلي ع كل شي ....
عذراء: اتصل علية الضابط وگال اذا ما اجيت هو يجي للبيت اني خفت خاف يجي والجوارين يشوفوة وحجي الناس مايرحم
اضطريت اروح اله والتقي بي
وبعد الحاح علية گتله ع كل شي بعد ما قسم وعدني يساعدني بلبداية ما گتله لنو خفت ع ابن عمي لاينسجن وابتلي بعد ما مات مايگدر يسوي شي
رجعت للبيت وثاني يوم رحت لشغلي وحجي حيدر واهل المحلات سئلوني وين جنت غايبة كتلهم ع الي صار وحجي حيدر انطاني مبلغ وقسم اخذة وكالي اي شي تحتاجية لا تترددين تطلبينة مني ثاني يوم داومت والطلاب والاساتذة ساعدوني لنو اهواي محاظرات فاتتني
من طلعت من المحاضرة رحت لشغلي وبعدها رحت لوسام
گال باجر الصبح يطلع
